Morgunblaðið - 16.12.2013, Blaðsíða 36

36 MENNING
MORGUNBLAÐIÐ MÁNUDAGUR 16. DESEMBER 2013
Töfrandi tónlistarköngulær
Strengir á tímaflakki
bbbbm
Texti: Pamela De Sensi.
Tónlist: Steingrímur Þórhallsson.
Myndir og grafísk hönnun: Kristín María Ingi-
marsdóttir. Sæmundur 2013. 26 bls.
Hér er á ferðinni einstaklega heillandi tón-
listarævintýri úr smiðju Pamelu De Sensi,
Steingríms Þórhallssonar og Kristínar Maríu
Ingimarsdóttur. Sagan
fjallar um fjórar tón-
elskar köngulær sem
leika saman í strengja-
kvartett og finnst fátt
skemmtilegra en að
spinna tónlistarvef. Þær
eru að búa sig undir
stóra tónlistarkeppni.
Dag einn finna þær
töfradyr í skóginum sem
opna þeim leið aftur í
tímann þar sem þær
hitta tónskáldin Antonio Vivaldi og Wolfgang
Amadeus Mozart ásamt því að kynnast
köngulóardansi er nefnist „Tarantella“. Saga
Pamelu er frumleg og skemmtileg auk þess að
veita innsýn í heim tónlistarinnar. Myndir
Kristínar Maríu þjóna sögunni vel og er sam-
spil mynda og texta til fyrirmyndar.
Bókinni fylgir geisladiskur þar sem Sig-
urþór Heimisson leikari les söguna við af-
bragðs undirleik Shehérazade-hópsins. Tón-
listina samdi Steingrímur, að tveimur stuttum
brotum eftir Vivaldi og Mozart undanskildum.
Hún er spennandi og grípandi þó hún sé á köfl-
um býsna ómstríð. Höfundur notar ýmsa
skemmtilega „effekta“ á borð við „glissando“
þar sem hljóðfærin renna sér milli tóna og býr
með því til ljóslifandi myndir með tónlistinni.
Rýnir saknaði þess aðeins að ekki væri í
bókinni eða á diskinum að finna upplýsingar
um heiti þeirra verka Vivaldi og Mozart sem
vitnað er til, enda viðbúið að lesendur gæti
langað að kynna sér verkin betur. Jafnframt
hefði verið ágætt að staðsetja Mozart á tímaás
sögunnar með sama hætti og gert er með Vi-
valdi. Að þessu sögðu er samt óhætt er að full-
yrða að bæði bókin og diskurinn eru miklir
gæðagripir sem gleðja munu jafnt lesendur
sem áheyrendur. Vonandi er Strengir á tíma-
flakki aðeins fyrsta bókin af mörgum frá ofan-
greindum höfundum, enda tónlistin óþrjótandi
uppspretta fyrir svona skapandi listamenn.
Fallegar klippimyndir
Mektarkötturinn Matthías og orðastelpan
bbbbn
Eftir Kristínu Arngrímsdóttur.
Salka 2013. 32 bls.
Kristín Arngrímsdóttir hefur hlotið mikið
lof og verðlaun fyrir bækur sínar tvær um
Arngrím apaskott og ekki að ástæðulausu.
Bækur Kristínar eru sannkallað listaverk þar
sem fallegar klippimyndir hennar njóta sín til
fulls í samspili við skemmtilegar sögur. Arn-
grími bregður fyrir í nýjustu bók höfundar, en
í forgrunni eru
mektarkötturinn
Matthías og stúlk-
an Sólrún. Kött-
urinn skilur ekkert
í því að stelpan,
sem vön er að taka
virkan þátt í elt-
ingaleikjum og
hlusta á laufblöðin
falla til jarðar með sér, ömmu Sólrúnu, Arn-
grími og hrafninum, skuli dag einn hafa breyst
í orðastelpu sem hugsar um það eitt að safna
undarlegum orðum á borð við „kattarugla“,
„dalalæða“ og „feykirófa“. Matthías nær
óvænt athygli Sólrúnar með því að hjálpa
henni að búa til forvitnilega sögu úr orðum
hennar.
Áreynslulaus fræðsla
Tröllastrákurinn sem gat ekki sofnað
bbbmn
Texti: Sigríður Arnardóttir (Sirrý).
Myndir: Freydís Kristjánsdóttir.
Veröld 2013. 28 bls.
Fjölmiðlakonan Sirrý skrifar um tröll í
fyrstu barnabókinni sem hún sendir frá sér.
Fjallar hún um tröllastrákinn Vaka sem getur
ekki sofið fyrir háum hrotum foreldra sinna.
Hann er reyndar ekki einn um að geta ekki
sofið því jörðin titrar svo og skelfur af hrot-
unum að dýrin í sveitinni geta heldur ekki sof-
ið. Að lokum fær Vaki góða hugmynd sem
tryggt getur öllum svefnfrið.
Höfundur notar svefnleysið til að fræða les-
endur um hin ýmsu dýr og afkvæmi þeirra.
Sem dæmi lærum við að
andamamman nefnist
kolla og selamamman
urta. Þetta er afbragðs
leið til þess að fræða
með áreynslulausum
hætti. Bókin hefði óneit-
anlega haft enn meira
fræðslugildi ef heiti
beggja foreldra dýr-
anna hefðu verið nefnd.
Myndir Freydísar
Kristjánsdóttur eru fallegar, fremur dökkar
að lit en kallast mjög vel á við sveitina. Bókinni
fylgir geisladiskur með upplestri Kristjáns
Franklíns Magnús leikara á sögunni og eiga
aðstandendur bókarinnar hrós skilið fyrir að
bjóða upp á slíkt.
Fjölmennt persónugallerí
Tröllin í Esjufjalli
bbnnn
Texti: Lilja Sólrún Halldórsdóttir.
Myndir: Katrín Óskarsdóttir.
Bókasmiðjan 2013. 45 bls.
Tröllin í Esjufjalli er samansafn af fimm
sögum um íbúa bæjarfjalls höfuðborgarinar.
Þar búa bæði tröll, álfar og jólasveinar að
ógleymdum Grýlu og Leppalúða. Lilja Sólrún
Halldórsdóttir kynnir fjölmennt persónugall-
erí til sögunnar. Þannig er útliti, klæðum og
persónueinkennum lýst í þaula, en lítið fer hins
vegar fyrir einhvers konar atburðarás og er
það helsti
ljóður text-
ans. Samtöl
milli persóna
hefðu einnig
lífgað betur
upp á text-
ann. Það
kom rýni í
opna skjöldu
að sjá hversu
íhaldssöm
tröllabörnin
eru m.a. í litavali. Þannig er bleikur uppá-
haldslitur tröllastelpunnar Urðar en bróðir
hennar „Steinn er strákur og þeir hugsa eitt-
hvað öðruvísi en stelpur. Það vita allir. Hann
vill hafa allt svart og hvítt en á samt bláa húfu
eins og Mosi“ (bls. 11).
Myndir Katrínar Óskarsdóttur eru heilt yfir
nokkuð krúttlegar, en huga hefði þurft mun
betur að útliti bæði álfanna og jólasveinanna.
Meðan Grýla er í gamaldags jarðarlitum vað-
málsfötum klæðast Leppalúði sem og allir
jólasveinarnir rauðum og hvítum fötum í stíl
við „ameríska jólasveininn“ án nokkurra skýr-
inga í texta. Ankannalegt var síðan að sjá álf-
ana klæðast kjólatísku sjötta áratugar síðustu
aldar, að einni álfamær undanskilinni sem var í
kunnuglegri klæðum sem líktust íslenskum
þjóðbúningi.
Tónelskar köngulær
og fjölskrúðug tröll
Yfirlit yfir nýútkomnar íslenskar
barnabækur
Silja Björk Huldudóttir silja@mbl.is
Orðastelpan „Bækur Kristínar eru sannkallað listaverk þar sem fallegar klippimyndir hennar
njóta sín til fulls í samspili við skemmtilegar sögur,“ segir m.a. í umfjöllun bókmenntarýnis.
Gúnsa úr Amaba Dama að reggí-
grúvið hellist yfir mann.
Flest hinna laganna rúlla fram-
hjá, án þess þó að það sé slæmt.
Bandið er þétt og er í mikilli til-
raunastarfsemi með allskonar hljóð
og hljóðfæri og hljóðgervla. Platan
grípur mann því alls ekki við fyrstu
hlustun, þetta er ekki tónlist sem
brúar kynslóðabil, heldur miðuð að
þeim sem kunna að meta dálitla til-
raunastarfsemi og sækadelíu í sinni
tónlist.
Friður er önnur plata reggí-risanna Ojba Rasta.Reggírisar er kannskiekki alveg réttnefni, því
ekki er um auðugan garð að gresja í
íslenskri reggísenu, þó svo hún sé
nautsterk eins og flestar aðrar tón-
listarsenur á Íslandi. Hljómsveitin
fær stig fyrir að
syngja á ís-
lensku, sér-
staklega í því
sérstaka tónlist-
arformi sem
reggíið er.
Styrkur hljóm-
sveitarinnar hefur alltaf legið í lif-
andi tónlist, því hún hefur gegnum
tíðina verið skipuð mörgum tónlist-
armönnum og varð eftir nokkrar
mannabreytingar að sjö til tíu
manna stórsveit.
Geislaspilarinn í gamla bílnum
nær því ekki alveg að koma til skila
þeim krafti og stemningu sem
hljómsveitin hellir yfir tónleikagesti
á sviði á pökkuðum tónleikastað í
miðborginni. Hljómsveitin fer um
víðan völl í textum sínum, allt frá
því að boða heimsfrið og byltingu
gegn Babýlon yfir að langa í
djammsleik og „saurlífi“ um helgina
og betri árangur í tilhugalífinu.
Platan líður í gegn eins og reggí-
plötu sæmir. Allt saman mjög af-
slappað. Það er helst þegar hljóm-
sveitin sameinar krafta sína með
Morgunblaðið/Golli
Friðelskandi Hljómsveitin Ojba Rasta. Bandið er þétt og er í mikilli til-
raunastarfsemi með allskonar hljóð og hljóðfæri og hljóðgervla.
Friðsælt sækadelíureggí
Reggí
Friður – Ojba Rasta bbbmn
Gnúsi Yones stýrði upptökum. Aðallaga-
höfundar sveitarinnar eru Arnljótur Sig-
urðsson og Teitur Magnússon. Record
Records gefur út.
GUNNAR DOFRI
ÓLAFSSON
TÓNLIST
SÉRBLAÐ
–– Meira fyrir lesendur
Katrín Theódórsdóttir
Sími: 569 1105
kata@mbl.is
NÁNARI UPPLÝSINGAR GEFUR:
PÖNTUNARTÍMI AUGLÝSINGA:
Fyrir kl. 12, föstudaginn 20. desember
Morgunblaðið gefur út glæsilegt
sérblað umHeilsu og lífsstíl
föstudaginn 3. janúar
Í blaðinu Heilsa og
lífsstíll verður kynnt
fullt af þeim mögu-
leikum sem í boði eru
fyrir þá sem stefna á
heilsuátak og bættan
lífsstíl á nýju ári
Heilsa & lífsstíll