Morgunblaðið - 20.12.2013, Blaðsíða 24

24 FRÉTTIRInnlent
MORGUNBLAÐIÐ FÖSTUDAGUR 20. DESEMBER 2013
Umhverfislistaverkið Þúfa eftir
Ólöfu Nordal verður formlega vígt á
morgun, laugardag, kl. 15:00. At-
höfnin er öllum opin.
Verkið er afrakstur samkeppni
sem HB Grandi efndi til í samvinnu
við Samband íslenskra myndlist-
armanna (SÍM) og Faxaflóahafnir.
Myndverkið Þúfa, sem stendur
við vestanverða innsiglinguna að
Reykjavíkurhöfn, gegnt Hörpu, er
grasi vaxinn hóll með steinþrepum
sem leiða upp á topp hólsins. Þar er
lítill fiskhjallur þar sem gert ráð fyr-
ir að þurrkaður verði hákarl og ann-
ar fiskur. Hóllinn er 26 metrar í
þvermál og átta metra hár. Í verkið
fóru um 2.400 rúmmetrar af jarðefni
og efnismagnið vegur um 4.500 tonn
þegar allt er talið.
Vígsluathöfnin hefst kl. 15:00 með
ávarpi Vilhjálms Vilhjálmssonar,
forstjóra HB Granda. Auk Vilhjálms
munu Ólöf Nordal myndlistarmaður
og Hjálmar Sveinsson, formaður
stjórnar Faxaflóahafna, segja nokk-
ur orð. Jón Gnarr, borgarstjóri
Reykjavíkur, vígir listaverkið.
Að lokinni vígslunni verður boðið
upp á söng, rímnaflutning og þjóð-
legar veitingar fyrir börn og full-
orðna í forrými Ísbjarnarins.
Morgunblaðið/Rósa Braga
Þúfan Þúfnaherinn vann baki brotnu við að reisa útilistaverkið.
4.500 tonn af jarð-
efni í listaverkið
Helgi Bjarnason
helgi@mbl.is
Undirbúningur er hafinn að því að
hafa þrautareið sem sýningar- og
keppnisgrein á Landsmóti hesta-
manna á Hellu í sumar. Verður það
þá í fyrsta skipti sem keppt er í
þeirri grein á landsmóti.
Hugmyndin um að keppa í þrauta-
reið (trekki) kemur til vegna sam-
starfs um kynningu á íslenska hest-
inum í Frakklandi. Þar er hann
notaður sem fjölskyldu- og útivist-
arhestur, meðal annars í þrautareið.
Haraldur Þórarinsson, formaður
Landssambands hestamannafélaga
(LH), segir að verið sé að leggja
lokahönd á að íslenska frönsku regl-
urnar og undirbúa kynningu á grein-
inni og námskeiðahald hjá hesta-
mannafélögunum. Meðal annars er
von á einum þekktasta reiðkennara
Frakka hingað til lands.
Drög að dagskrá landsmótsins
sem haldið verður á Gaddstaðflötum
við Hellu dagana 30. júní til 6. júlí í
sumar hafa verið birt á vef þess. Þar
kemur fram að gert er ráð fyrir
þeirri breytingu að úrslit í tölti og A-
flokki gæðina verði á laugardags-
kvöldi en mótinu ljúki á úrslitum í B-
flokki á sunnudegi. Haraldur tekur
fram að þetta fyrirkomulag hafi ekki
verið ákveðið endanlega.
Unnið að fjárhagshliðinni
Forsala miða stendur til áramóta.
Þá er hægt að kaupa gjafakort á
skrifstofu LH.
Undirbúningur gengur á hefð-
bundinn hátt. Unnið hefur verið að
lausn á fjárhagsvanda Landsmóts
ehf. sem heldur mótið og Rangár-
bakka sem eiga og reka landsmóts-
svæðið. Landsmót ehf. lagði í mikinn
kostnað við landsmót 2010 sem
þurfti að fresta um ár vegna hrossa-
pestar og hefur félagið ekki borið sitt
barr síðan. Haraldur telur að lausn
hafi fengist með því að LH og
Bændasamtök Íslands hafa nú
ákveðið að leggja fram samtals 30
milljóna króna hlutafé í félagið og
VÍS hefur gefið vilyrði fyrir því að
greiða fyrirfram styrktarsamning
vegna næstu þriggja móta. Þá hafa
fleiri aðilar sýnt áhuga á að koma
með hlutafé í Landsmót ehf.
Beðið er eftir afgreiðslu fjárlaga
vegna lokaframkvæmda við móts-
svæðið á Gaddstaðaflötum. Vonast
er til að landsmótssjóður mennta-
málaráðuneytisins veiti fjármagn til
þeirra.
Eftir að semja við Skagfirðinga
Stjórn LH ákvað á sínum tíma að
ganga til viðræðna um að landsmót
2016 verði haldið á Vindheimamelum
í Skagafirði. Samningaviðræður eru
ekki hafnar en gengið verður í það
mál á nýju ári. Hið sameinaða hesta-
mannafélag Kópavogsbúa og
Garðbæinga, Sprettur, hefur einnig
boðið nýtt og glæsilegt félagssvæði
sitt á Kjóavöllum fram fyrir lands-
mót 2016.
Jafnframt er komið að því að aug-
lýsa eftir mótssvæðum og ákveða
staðsetningu landsmóta hestamanna
2018 og 2020. Haraldur reiknar með
að það verði gert fljótlega á næsta
ári.
Morgunblaðið/Kristinn
Landsmót Hugað er að nýjungum og breytingum á dagskrá Landsmóts hestamanna sem fram fer á Hellu í sumar.
Þrautareið á landsmóti
 Stefnt að nýrri keppnisgrein á Landsmóti hestamanna
á Hellu  Keppni að hefjast um landsmótin 2018 og 2020
Austurstræti 14, 101 Reykjavík, sími 551 1020
Jólaplatti
Á plattanum er:
Hangikjöt
Jólaskinka
Dönsk lifrarkæfa
Síld
Reyktur lax
Hreindýrapaté
Kalkúnabringa
Eplasalat
Laufabrauð
Rúgbrauð
Flatbrauð og smjör
Cumberland sósa
Súkkulaði marquise
FERSKLEIKI • GÆÐI • ÞJÓNUSTA
Kringlunni 4 | Sími 568 4900
19.990,- 12.990,- 16.990,-
Dúnúlpur og vesti
margir litir