Morgunblaðið - 20.12.2013, Blaðsíða 31

FRÉTTIR 31Erlent
MORGUNBLAÐIÐ FÖSTUDAGUR 20. DESEMBER 2013
Peking. AFP. | Kínverskir verka-
menn hafa verið sendir til Suður-
skautslandsins til að reisa þar
fjórðu rannsóknastöð Kínverja, að
sögn kínverskra fjölmiðla. Þeir
segja að kínversk stjórnvöld séu
einnig að undirbúa framkvæmdir
við fimmtu rannsóknastöðina.
Verkamennirnir eiga að reisa
aðalbyggingu fjórðu rann-
sóknastöðvar Kínverja, sem nefnist
Taishan, og gert er ráð fyrir að
framkvæmdunum ljúki á næsta ári,
að sögn kínverska dagblaðsins
China Daily sem er gefið út á
ensku. Kínverjar hyggjast nota
stöðina á sumrin til að rannsaka
„jarðfræði, jökla, jarðsegulmagn
og loftslag“ svæðisins, að sögn
blaðsins. Aðalbyggingin á að vera
„eins og kínverskt ljósker“ í laginu.
Kínverskir fjölmiðlar birtu
myndir af ísbrjót á leið til Suður-
skautslandsins með verkamennina.
Hermt er að í skipinu séu alls 256
manns. Í því eru einnig sérfræð-
ingar sem eiga að kanna nokkra
staði sem koma til greina fyrir
fimmtu rannsóknastöðina, að sögn
China Daily.
Um mánuði áður en ísbrjóturinn
var sendur til Suðurskautslandsins
voru Kínverjar og Rússar gagn-
rýndir fyrir að hindra tillögur um
tvö risastór hafverndarsvæði í
grennd við Suðurskautslandið. Um-
hverfisverndarsamtök gagnrýndu
þjóðirnar fyrir að leggjast gegn til-
lögunum og sögðu að á svæðunum
væru um 16.000 tegundir, þeirra á
meðal hvalir, selir og mörgæsir,
sem þyrfti að vernda.
Um 30 lönd með stöðvar
Kínverjar voru tiltölulega seinir
að hefja rannsóknir á Suðurskauts-
landinu. Þeir sendu fyrsta rann-
sóknahóp sinn á svæðið árið 1984
og komu fyrstu rannsóknastöð
sinni þar á fót ári síðar.
Um það bil þrjátíu ríki eru nú
með varanlegar rannsóknastöðvar
á Suðurskautslandinu, þeirra á
meðal Bandaríkin, Rússland, Ástr-
alía, Bretland, Frakkland og Arg-
entína, auk Kína.
Argentína, eitt af þeim löndum
sem eru næst Suðurskautslandinu,
er með þrettán rannsóknastöðvar í
álfunni, fleiri en nokkurt annað
land samkvæmt gögnum frá síðasta
ári. Bandaríkin eru með sex stöðv-
ar, Rússland tólf og Japan fimm.
Fjölmennust þessara stöðva er
McMurdo á Ross-eyju sem Banda-
ríkjamenn reka. Segja má að stöðin
sé lítið þorp því henni tilheyra um
hundrað byggingar. Á sumrin eru
þar um 1.000 manns en yfir vetrar-
tímann fækkar þeim niður í um 250,
að því er fram kemur á vís-
indavefnum.
Kínverjar á Suðurskautslandinu
Heimild: Kínverskir ríkisfjölmiðlar
Rannsóknastöðvar
Kunlun
Múrinn mikli
Stöðinni komið á fót árið 1985
Fyrir 80 manns Zhongshan
Komið á
fót 1989
Fyrir 60
manns
Komið á fót
2009
Hæð yfir
sjávarmáli:
4.087 m
Taishan
Aðalbyggingunni
verður lokið
á næsta ári
1.000 km
Suðurskautið
ROSSHAF
SUÐUR-
ÍSHAF
ROSS-
ÍSHELLAN
Færa út kvíarnar á
Suðurskautslandinu
 Kínverjar ætla að reisa þar tvær
rannsóknastöðvar til viðbótar
Tveggja daga
fundur leiðtoga
ríkja Evrópu-
sambandsins
hófst í Brussel í
gær, nokkrum
klukkustundum
eftir að fjár-
málaráðherrar
ríkjanna náðu
samkomulagi um
bankabandalag sem felur í sér mik-
ið valdaframsal frá aðildarríkjum
til Evrópusambandsins.
Angela Merkel, kanslari Þýska-
lands, gaf til kynna fyrir leiðtoga-
fundinn að hún vonaðist eftir sam-
komulagi um aukinn samruna,
einkum í varnarmálum. David
Cameron, forsætisráðherra Bret-
lands, kvaðst vera hlynntur sam-
starfi í varnarmálum en lagði
áherslu á að ekki kæmi til greina að
samþykkja samruna sem fæli í sér
að Evrópusambandið fengi eigin
her.
EVRÓPUSAMBANDIÐ
Samið um
bankabandalag
Angela Merkel
Michael Adebolajo, 29 ára, og Michael
Adebowale, 22 ára, voru í gær fundnir
sekir um að hafa myrt breskan her-
mann í Woolwich í Lundúnum í maí
síðastliðnum. Það tók kviðdómendur
aðeins um klukkustund að komast að
niðurstöðu en refsing verður líklega
ekki ákveðin fyrr en í janúar.
Mennirnir óku hermanninn, Lee
Rigby, niður með bifreið og réðust
síðan að honum með kjötexi og hníf-
um. Þeir koma báðir úr kristnum níg-
erískum fjölskyldum og fæddust í
Bretlandi en höfðu tekið íslamstrú og
álitu sig hermenn trúarinnar. Þeir
báru því við að árásin hefði verið
hefnd fyrir utanríkismálastefnu vest-
urveldanna, sem hefði leitt til dauða
múslíma.
Saksóknarar í málinu sögðu að
árásin hefði verið sérstaklega
grimmileg en mennirnir komust ná-
lægt því að afhöfða Rigby með aðför
sinni. Fjölskylda hermannsins grét
þegar dómurinn var kveðinn upp.
Móðir hans sagðist ánægð með að
réttlætinu hefði verið fullnægt en það
myndi aldrei færa fjölskyldunni Lee
aftur.
Sekir um grimmilega árás
 Hjuggu breskan
hermann til bana
í hefndarskyni
EPA
Sorg Fjölskylda Rigbys. Lögregluyfirvöld sögðu í gær að árásinni hefði
verið ætlað að valda sundrung en hún hefði þvert á móti sameinað fólk.
Burstað, lakkað, olíuborið, handheflað, reykt,
fasað, hvíttað... hvernig vilt þú hafa þitt parket?
Bjóðum aðeins það besta fyrir þig!
Dalvegi 10-14 • Kópavogi
Plankaparket
í miklu úrvali
Bæjarlind 16 201 Kópavogur sími 553 7100 www.linan.is
Opið mánudaga til föstudaga 12 - 18 I laugardaga 11 - 16
SVEFNSÓFAR
RE
CA
ST
SU
PR
EM
Ed
elu
xe
BREYTIST Í RÚM Á AUGABRAGÐI / ÞYKK OG GÓÐ
SPRINGDÝNA / SVEFNBREIDD 140X200
BREYTIST Í RÚM Á AUGABRAGÐI / EXTRA ÞYKK
OG GÓÐ SPRINGDÝNA / SVEFNBREIDD 140X200
RÚMFATAGEYMSLA
TILBOÐSVERÐ
KR. 129.900
TILBOÐSVERÐ
KR. 149.900