Morgunblaðið - Sunnudagur - 26.01.2014, Side 28

É
g legg mjög mikið upp úr hollum mat, elda allt
frá grunni eins oft og ég get og er dugleg að
nota grænmeti og alls kyns kryddjurtir; t.d. tur-
merik, hvítlauk og engifer, sem eru bæði heilandi
og bólgueyðandi. Það eru virkilegar lækningajurtir,“ seg-
ir Kristín Steindórsdóttir á Akureyri, sem gefur upp-
skrift að gómsætri fiskisúpu.
Kristín notar gjarnan lífrænar vörur og velur græn-
meti eftir árstíðum, það sem ferskast er hverju sinni.
„Aðaláhugamál mitt er að elda góðan mat, ég geri mikið
af því að lesa í uppskriftabókum en fer reyndar aldrei
eftir uppskriftum; nota bækurnar hins vegar til að fá
góðar hugmyndir.“
Kristín segir fjölskylduna borða mikinn fisk um þessar
mundir og er það ekki að undra; hún og Aðalsteinn
Pálsson ásamt öðrum hjónum, Ólöfu Ástu Salmansdóttur
og Ragnari Hauki Haukssyni, opnuðu í haust sælkera-
verslun með sjávarfang og heilsuvörur, sem slegið hefur
í gegn á Akureyri.
„Það vantaði greinilega góða fiskbúð í bæinn því
viðtökurnar hafa verið rosalega góðar. Fólk er duglegt
að kaupa fisk, ýmiskonar hollt meðlæti og heilsuvör-
ur.“
Þau hjón dreymdi um að opna heilsustað en hug-
myndin þróast á þennan veg. „Við fáum glænýjan fisk
á hverjum einasta morgni, aðallega frá Siglufirði og
Ólafsfirði, erum með litla vinnslu á bak við í búðinni
og fiskurinn er flakaður á staðnum. Ragnar er með
mikla reynslu af fiskverkun.“
Í versluninni, FISK kompaníi, eru fiskflök, siginn
fiskur og fleira; allt hið gamla, góða, en einnig eru í
boði fjölmargir tilbúnir réttir daglega. „Við Ólöf útbú-
um þá og reynum að hafa úrvalið fjölbreytt. Við not-
um þorsk, steinbít, hlýra, löngu, keilu og skötusel, svo
ég nefni dæmi, og fólk er einmitt spennt fyrir því að
prófa ýmislegt annað en þorsk og ýsu. Steinbítur er
til dæmis rosalega vinsæll og í miklu uppáhaldi hjá
mér,“ segir Kristín.
Morgunblaðið/Skapti Hallgrímsson
NÆRINGARÞERAPISTI Í ELDHÚSINU
Hollusta í uppáhaldi
KRISTÍN STEINDÓRSDÓTTIR NÆRINGARÞERAPISTI ER LÍKA LÆRÐUR JÓGAKENNARI EN HEFUR
REYNDAR EKKI FUNDIÐ TÍMA TIL AÐ SINNA KENNSLU! HÚN ER EINN EIGENDA NÝRRAR SÆLKERA-
VERSLUNAR MEÐ SJÁVARFANG OG HEILSUVÖRUR Á AKUREYRI OG MIKILL ÁHUGAMAÐUR UM MAT.
Skapti Hallgrímsson skapti@mbl.is
Kristín og dóttirin Gígja Aðalsteinsdóttir sem er tveggja ára.
*Matur og drykkir Matarbloggarinn Tinna Björg Friðþórsdóttir bauð saumaklúbbnum í svínabóg á dögunum »32Sjávarréttasúpa með austurlenskum töfrumFYRIR 8-10
3 hvítlauksrif
½ chili, fræhreinsað
10 cm bútur engifer
2 msk gult karrímauk (Yellow Curry Paste frá
deSiam)
2 msk karrí
1 bréf sítrónugrasmauk frá deSiam
1 msk turmerik
3 dósir kókosmjólk (lífræn)
1 ½ líter vatn
3 msk grænmetiskraftur frá Himneskt.
1 blaðlaukur
6-8 gulrætur
2 rauðar paprikur
1 græn paprika
1 msk mulin lime-lauf
1 msk anís
2 msk Mango Chutney
¼ lítri rjómi
1 msk austurlensk fiskisósa (má sleppa)
600 gr langa
600 gr steinbítur
300 - 400 gr hörpuskel og rækja
Ferskur kóreander
Má nota hvaða fisk sem er, gott að nota þéttan fisk
eins og löngu, hlýra, steinbít og lúðu.
Aðferð
Hvítlaukur, chili og engifer saxað smátt niður og steikt
við vægan hita upp úr kókosolíu í nokkrar mínútur. Þá er
karrímaukinu bætt út í ásamt karríinu, turmerik, sítrónu-
grasmauki, lime-laufi og anís og steikt áfram í nokkrar
mínútur. Kókosmjólk, vatni og grænmetiskrafti er svo
bætt útí og suðan látin kom upp.
Grænmetinu, sem skorið er í strimla, bætt út í 30-40
mínútur.
Að lokum er rjómanum og Mango Chutney bætt út í
ásamt fiskinum, sem skorinn er í bita, og soðið við væg-
an hita í 12-15 mínútur. Borið fram með ferskum kó-
reander.