Morgunblaðið - Sunnudagur - 26.01.2014, Qupperneq 38

Hvað hefurðu helst í huga þegar þú velur föt? Þegar ég ákveð í hverju
ég ætla að klæðast byrja ég oftast að hugsa út frá skónum, í hvaða skóm
ég ætla að vera og púsla síðan fötunum í kringum skóna sem ég er í.
Áttu þér einhvern uppáhaldsfatahönnuð? Alexander Wang, Riccardo
Tisci og Marc Jacobs eru í uppáhaldi hjá mér. Annars eru Gummi Jör og
strákarnir í JÖR uppáhalds íslensku hönnuðirnir mínir þótt hann Gummi
geti oft verið helvíti erfiður.
Hvað var fyrsta hönnunarflíkin sem þú keyptir þér? Ég er ekki alveg
klár á því en ætli það hafi ekki verið Gucci-veski sem ég keypti þegar ég
var 14 ára. Ég keypti mér síðan Prada-skó á svipuðum tíma. Það var
ekki keyptur hádegismatur í nokkra daga eftir þessi kaup man ég.
Ætlar þú að fá þér eitthvað sérstakt fyrir vorið? Mig langar mikið í
skó sem nefnast Air Jordan 6. Þeir voru gefnir fyrst út árið 1991 og nú
er verið að endurútgefa þá núna í byrjun árs og vonandi verð ég nógu
heppinn til að eignast þá en þeir koma í mjög takmörkuðu magni.
Hverju er mest af í fataskápnum? Skóm.
Hvernig myndir þú lýsa fatastíl þínum? Frekar erfitt að lýsa honum en
ég myndi segja að hann væri mjög litríkur og fjölbreyttur. Mér finnst
gaman að fara mínar eigin leiðir og er óhræddur við að henda mér út í
djúpu laugina og prufa eitthvað nýtt og öðruvísi.
Áttu þér uppáhaldsflík? Ég á eiginlega ekki neina uppáhaldsflík en svo
ég nefni eitthvað fann ég Lacoste bomber-jakka í París fyrir nokkrum
árum sem var framleiddur bara í 6 eintökum sem er frekar töff. JÖR bi-
ker-jakkinn minn er í miklu uppáhaldi þessa dagana og sömuleiðis Hols-
ter eftir Bóas Kristjánsson sem er mjög skemmtileg og falleg flík. Svo fá
nokkrir Jordan-skór sem ég held mikið upp á sér hillu inni í herbergi.
Hvað er uppáhalds „trendið“ þitt fyrir vorið? Ég er eiginlega aldrei
með einhver ákveðin trend í gangi. Ég klæði mig bara eftir veðri og
geng í því sem mér líður vel í. Skiptir mig engu máli þótt hlutirnir séu í
tísku eða ekki. Mér er alveg sama. Ég klæðist því sem mér finnst flott
hverju sinni.
Manstu eftir einhverjum tískuslysum sem þú tókst þátt í? Jájá,
ég gæti skrifað heila BA-ritgerð um tískuslysin mín en
það fyrsta sem kemur upp í hugann varðandi tískuslys
eru fermingarfötin mín sem voru hvít jakkaföt. Til þess
að vera fullviss um að enginn myndi vera eins og ég valdi
ég mér túrkisbláa skyrtu innanundir, skelfilegt! Stundum þeg-
ar ég sé fermingarmyndina mína spyr ég móður mína af hverju í
ósköpunum hún hafi ekki stöðvað þessa vitleysu. Ég hélt ég væri
langflottastur en svo var ekki. Svo tók ég smárapparatímabil í 7. bekk
þar sem ég gekk bara í G-unit fötum, mjög fyndið þegar ég lít til
baka.
Hvaða tískublöð lestu? GQ, Complex, Hypebeast og einhver fleiri.
ÓHRÆDDUR VIÐ AÐ HENDA SÉR Í DJÚPU LAUGINA
Skórnir fyrst
og fötin svo
BERGUR GUÐNASON STARFAR Í TÍSKUVERSLUNINNI JÖR
Á LAUGAVEGI. BERGUR HEFUR LENGI HAFT ÁHUGA Á
TÍSKU OG VERIÐ DUGLEGUR AÐ PRÓFA SIG ÁFRAM Í
GEGNUM TÍÐINA.
Sigurborg Selma Karlsdóttir sigurborg@mbl.is
Morgunblaðið/Rósa Braga
Bergur klæðir sig eftir
veðri og gengur bara í
fötum sem honum
líður vel í.
Alexander
Wang er einn
af eftirlætis-
hönnuðum
Bergs.
AFP
Lacoste bom-
ber-jakkinn er
ein af uppáhalds-
flíkum Bergs.
Holster eftir Bóas
Kristjánsson.
Á óskalistanum fyrir
vorið er endurútgáfa
Air Jordan 6 skónna.
*Föt og fylgihlutir Fyrir þá sem sakna tíunda áratugarins er lítið mál að dressa sig upp í tískuverslunum nútímans »40