Morgunblaðið - Sunnudagur - 23.02.2014, Side 8

Snorrastofa og SAGA jarðvangur/geopark boða til dagskrár í
hátíðarsal Snorrastofu í Héraðsskólahúsinu í Reykholti í dag,
laugardag, kl. 13-17. Að dagskránni eru kallaðir til sérfræð-
ingar í fornleifum, sögu veflistar, jarðfræði og bókmenntum,
sem horft hafa til þessa svæðis í fræðum sínum og rannsakað
sérstaklega m.a. Gilsbakka og Surtshelli. Fyrri hluti dagskrár-
innar fjallar um fornleifarannsókn, sem gerð var á Gilsbakka á
árunum 2008-09. Síðari hlutinn snýr að Surtshelli.
Morgunblaðið/Golli
Dagskrá í Snorrastofu
8 MORGUNBLAÐIÐ SUNNUDAGUR 23.2. 2014
Jafnvel þótt Jón Gnarr borgarstjóri sé ekkikominn með ísbjörninn í Húsdýragarðinn íReykjavík eins og hann lofaði, þá er gaman
að koma þangað í fylgd með börnum. Það
reyndi ég nýlega. Þarna eru selir, refir og
minkar og síðan öll íslensk húsdýr. Gamlir
dúfnabændur sjá þarna allar flottustu dúfurnar
sem við strákarnir á Melunum þekktum í þaula
í gamla daga, ísara, toppara og nunnur. Og síð-
an ýmsar furðutegundir sem ég minnist ekki að
hafa séð í jafnvel allra þróuðustu dúfnakofum
Reykjavíkur upp úr miðri síðustu öld.
Í Húsdýragarðinum er öllu viðhaldið eins vel
og best verður á kosið og ef stúlkan í miðasöl-
unni er dæmigerð um starfsfólkið, þá er það
einkar alúðlegt. Allt er hreint og fínt og greini-
legt að dýrunum líður vel. Falleg á feld og fiður
og hreinlæti augljóslega í hávegum haft.
Allt kostar þetta fyrirhöfn og peninga. Hvað-
an eiga þeir að koma? Ég velti því fyrir mér
hvort rétt er að selja aðgang. Tveir fullorðnir,
pabbi og mamma eða afi og amma með ungum
börnum borga 1.500 krónur, meira ef börnin
eru orðin 5 ára.
Ekki stór upphæð kann einhver að segja, en
það gerir sex þúsund krónur á mánuði ef farið
er um hverja helgi. Og jafnvel 1.500 krónur á
mánuði skipta máli fyrir lágtekjufólk. Það er
staðreynd sem ekki allir gera sér grein fyrir.
Lágtekjufólk hefur ekkert aflögu eftir að borga
húsaleigu, fæði og föt. Ekkert er afgangs fyrir
afþreyingu. Hvað börnin varðar getur af-
þreying náttúrlega verið margvísleg utan heim-
ilis, heimsóknir til fjölskyldu, fara niður í fjöru,
í göngutúr, á róló og síðan eru það söfn og nátt-
úrlega stórverslanirnar sem fyrir löngu eru
búnar að átta sig á því hver segull leiksvæðin í
búðunum er fyrir viðskiptavini í borg þar sem
afþreying er takmörkuð fyrir börn. Hús-
dýragarðurinn hefur allt þetta, býður upp á
endalaus ævintýri með dýrum og leiktækjum.
En þar kostar inn.
Sjálfum finnst mér að almannarýmið eigi að
vera án gjaldtöku . Þar á ég við almennings-
garða, listasöfn og bókasöfn – öll opinber höf-
uðsöfn. Ég hallast líka að því að Húsdýragarð-
urinn eigi að vera gjaldfrjáls. Þangað á fólk að
geta farið óháð efnahag, ekkert síður en að
Gullfossi, Dettifossi og Geysi – og að sjálfsögðu
Kerinu í Grímsnesi. Um söfn og sýningar við
ferðamannastaði finnst mér annað megi gilda –
alla vega í einhverjum tilvikum.
Og meðan ég man, hvað ísbjörninn varðar, þá
er ég feginn að ekki var staðið við það kosn-
ingaloforð Besta flokksins. Einhvern veginn
finnst mér að ísbjörn eigi ekki heima í búri
Laugardalnum í Reykjavík.
Hver á að borga?
* Allt kostar þetta fyrir-höfn og peninga. Hvað-an eiga þeir að koma? Ég
velti því fyrir mér hvort rétt
sé að selja aðgang.
ÚR ÓLÍKUM ÁTTUM
Ögmundur Jónasson
ogmundur@althingi.is
Heiða Kristín
Helgadóttir
sagði frá því í vik-
unni á Twitter-
síðu sinni að hún
væri búin að prófa
að leggja sig á tveimur óvenjulegum
stöðum til að fá sér blund. „Jæja, þá
er ég búin að leggja mig í Ráðhús-
inu og á Alþingi. Hvað næst? Bessa-
staðir? Eða Bossastaðir?“ skrifar
Heiða Kristín.
Auðunn Blön-
dal stríðir Gísla
Marteini Bald-
urssyni aðeins eft-
ir umtalaðan síð-
asta
Sunnudagsmorgunn á RÚV. Á Twit-
ter spyr hann Gísla Martein hvern-
ig gangi að plata fólk í „létt“ spjall á
sunnudaginn. Þáttastjórnandinn
svarar um hæl; „Bara vel. Vorum að
breyta nafninu í Tekinn.“
Tónleikahald-
arinn Ísleifur B.
Þórhallsson er í
guðatölu þessa
vikuna hjá fjöl-
mörgum aðdáend-
um poppstjörn-
unnar Justin Timberlake en Ísleifur
hefur fengið poppstjörnuna til að
koma og halda tónleika fyrir ís-
lenska áhorfendur næsta sumar.
Ísleifur virðist sjálfur hálfhlessa á
því að hafa tekist þetta eða eins og
hann skrifar á Facebook: „Hvað
gerðist? Ég man að ég ýtti á SEND
kl. 9.30 í morgun og svo er allt í
móðu.“ Atli Fannar Bjarkason, að-
stoðarmaður Guðmundar Stein-
grímsson bendir fólki á að ef til vill
muni það ekki komast í mikið ná-
vígi við stjörnuna sína. „Ekki taka
persónulega ef Justin Timberlake
vill ekki gefa ykkur high five í sumar.
Hann er með sýklafóbíu.“
Jóhanna Guð-
rún Jónsdóttir
söngkona er risin
upp á aðdáendas-
íðu sinni á Facebo-
ok en þar voru er-
lendir aðdáendur hennar farnir að
rukka hana um pósta, myndir og
tíðindi. Jóhanna Guðrún baðst af-
sökunar og sagði að hún hefði ein-
faldlega ekki haft tíma til að upp-
færa síðuna en það stæði til bóta.
Það hefði verið svo mikið að gera á
Íslandi en eins og landsmenn vita
hefur Jóhanna verið mamma, önn-
um kafin við að djamma.
AF NETINU
Það eru ekki bara stórmenni úr Hollywood sem stinga við
stafni í fásinninu hér á Íslandi. Þannig greindi Bollywood-
stjarnan Aamir Khan frá því í indverskum fjölmiðlum í vik-
unni að hann væri nýkominn úr prýðilegu vetrarfríi á Íslandi.
„Fyrst fór ég til Hawaii og lærði á brimbretti. Á Íslandi gat ég
gengið um götur, fengið mér sveittan borgara, skautað, skíðað
og kafað í ísköldu vatni án þess að nokkur maður bæri kennsl
á mig. Endrum og sinnum langar mig að lifa eðlilegu lífi sem
er útilokað á Indlandi,“ segir hann.
Betra fyrir íslenska kafara og skíðamenn að hafa framvegis
hjá sér augun.
Aamir Khan er 48 ára gamall og þykir ein skærasta stjarn-
an í Bollywood um þessar mundir. Hann er allt í senn; leikari,
leikstjóri, handritshöfundur, framleiðandi og sjónvarps-
kynnir. Khan hefur unnið til fjölda verðlauna í heimalandi
sínu. Hann er þekktur mannvinur og liggur sjaldan á skoð-
unum sínum, sumum þykir hann jafnvel helst til pólitískur.
Khan er tvígiftur og á þrjú börn. Aamir Khan var hæstánægður með Íslandsdvölina á dögunum.
AFP
Enginn bar kennsl á
frægan Bollywood-
leikara á Íslandi
Vettvangur