Morgunblaðið - Sunnudagur - 23.02.2014, Side 49

Aðalleikarar Everest, Jake Gyllenhaal
og Josh Brolin, eru báðir mættir til
leiks og ber Baltasar þeim vel söguna.
„Josh kom strax til Nepal en Jake er
nýkominn hingað til Ítalíu. Miklir öð-
lingar, báðir tveir. Leikarahópurinn er
almennt mjög góður og spenntur fyrir
verkefninu. Við Josh höfum smollið vel
saman. Hann er einstakt ljúfmenni og
mjög gaman að vinna með honum. Við
höfum til dæmis verið leika okkur að
því að renna okkur niður brekkurnar
hérna í ölpunum á sleðum eftir tökur á
kvöldin. Eins og tíu ára krakkar.“
Hann skellir upp úr.
„Annars er Josh Brolin eiginlega
ennþá frægari en ég hafði gert mér
grein fyrir. Við tókum meðal annars
upp atriði í búddaklaustri í Nepal og
þar hópuðust munkarnir að Josh og
vildu fá mynd af sér með honum.
Þekktu allar myndirnar hans. Fyr-
irfram hefði maður ekki búist við því
að mikið væri horft á Men in Black í
búddaklaustrum í Nepal!“
23.2. 2014 MORGUNBLAÐIÐ SUNNUDAGUR 49
kvikmynd í Hollywood?
„Ertu frá þér? Það var ekki einu sinni
fjarlægur draumur. Að vísu ætlaði ég ekki
að verða kvikmyndagerðarmaður þá, heldur
dýralæknir. Eftir að ég var kominn í leik-
listarskólann flögraði þetta ekki heldur að
mér. Það var ekki fyrr en ég byrjaði að
gera kvikmyndir að ég fór að gæla við
þennan möguleika. Það er eins og það er,
til þess að komast á áfangastað þarf hugs-
unin að ná utan um ferðalagið. Kannski er
þetta spurning um viðhorf? Menn voru allt-
af að fara út að meika’ða og sneru heim
með skottið milli fótanna. Ég fór aldrei út
til að meika’ða. Bara til að vinna, eins og
hver annar togarasjómaður. Og kom svo
heim aftur. Oft er talað um Hollywood eins
og hlið sem gengið er í gegnum. Ann-
aðhvort slærðu í gegn eða kemur öfugur út
til baka. Það er tóm vitleysa, Hollywood er
bara hugarástand. Ég get alveg eins gert
Hollywood-mynd á Íslandi eins og í Kali-
forníu.“
Þú ert kominn í þá stöðu úti að geta val-
ið og hafnað verkefnum, ekki satt?
„Jú, ég hef hafnað þónokkrum verkefnum
sem ekki hafa höfðað til mín. Sá á kvölina
sem á völina og freistingarnar geta verið
miklar. Það er lúxusvandamál og frábært
að eiga möguleika á því að gera það sem
mig langar að gera, svo sem Everest og
Víkingamyndina. Verkefni sem maður
brennur fyrir. Mér var boðið að gera Fast
& Furious 7, 240 milljón dollara mynd, og
það þarf sterk bein til að segja nei við því
enda óhemju laun í boði og aðgengi að öll-
um tækjum og leikföngum í heiminum. En
það er ekki þangað sem ég stefni með leik-
stjóraferil minn.“
Þarna talar listamaðurinn í þér!
„Já, ætli það ekki.“
Hann hlær.
Snillingur eða fáviti
Contraband og 2 Guns gengu báðar ljóm-
andi vel. Finnurðu fyrir pressu við gerð
Everest?
„Að sjálfsögðu. Því hærra sem maður fer
upp fjallið þeim mun meiri verður loft-
þrýstingurinn. Auðvitað er pressa á mér.
Maður verður hins vegar bara að leiða það
hjá sér.
Gott og vel, það eru 50-60 milljónir doll-
ara undir en þetta er samt bara bíómynd.
Ég get ekki lifað í stöðugum ótta um það
hvort mér gangi vel eða mistakist. Ég vil
ekki vinna í angist. Það hlýtur að koma
niður á gæðunum. Þessi bransi er í eðli
sínu öfgakenndur. Þú ert annaðhvort snill-
ingur eða fáviti. Jafnvel hvort tveggja í
senn. Maður verður að sætta sig við það.
Ég veit að ég er að upplifa draum ansi
margra og fyrir vikið kynnist maður ekki
bara þakklæti heldur líka afbrýðisemi. En
eins og þeir segja: Þolirðu ekki hitann,
komdu þér þá út úr eldhúsinu!“
Og þú ert ekkert á leið út úr eldhúsinu?
„Nei, vonandi ekki. Ég hef lagt á mig
ómælda vinnu til að komast þangað sem ég
er í dag og á margt ógert. Mig langar ekki
bara að gera meira, heldur líka betur.“
„Balti okkar“
Þú nefnir afbrýðisemi. Hvernig upplifðirðu
viðbrögð fólks hérna heima við velgengni
þinni?
„Ég var að tala almennt, ekki bara um
Ísland. Sjálfsagt öfunda mig einhverjir
heima á Íslandi eins og annars staðar. Við
því er ekkert að gera. Ég er að upplifa
minn draum og það eru ekki allir í þeim
sporum. Það getur kallað fram reiði og af-
brýðisemi hjá fólki. Ég finn hins vegar
ekki annað en hinn almenni Íslendingur
samgleðjist mér og sé jafnvel stoltur af
mér. Fólk þreytist alla vega ekki á því að
segja við mig falleg orð og hvetjandi. Það
er góð tilfinning. Þetta upplifi ég mun
sterkar en áður, eins og þegar ég var í
fyrsta skipti kallaður „Balti okkar“ í blaði.
Ég gat hlegið að því en þótti um leið ákaf-
lega vænt um það. Maður hittir sjaldan
fólk sem tengir betur við uppruna sinn en
Íslendingar og þess vegna er þetta senni-
lega ennþá þýðingarmeira. Eins og að fá
klapp á bakið frá móður sinni.“
Ljósmynd/Jasin Boland
Ljósmynd/Pamela Cortes Bruna
Baltasar Kormákur veitir Drekaverð-
laununum viðtöku á alþjóðlegu kvik-
myndahátíðinni í Gautaborg á dögunum.
Baltasar Kormákur
við tökur á kvikmynd-
inni Everest í Nepal.
Munkarnir
vildu fá mynd
af sér með
Brolin
Josh Brolin Jake Gyllenhaal