Morgunblaðið - 19.07.2014, Side 6

Kjartan Kjartansson
kjartan@mbl.is
Lokasprettur heimsmeistaramóts-
ins í knattspyrnu í Brasilíu sem
lauk á sunnudag átti hug Íslend-
inga allan ef marka má könnun
Capacent á sjónvarpsáhorfi í síð-
ustu viku.
Af tíu dagskrárliðum sjónvarps-
stöðvanna sem
hlutu mest áhorf
vikuna 7.-13. júlí
voru átta þeirra
leikir á mótinu
eða þættir því
tengdir í Rík-
issjónvarpinu,
hvort sem litið
er til meðal-
áhorfs eða upp-
safnaðs áhorfs.
Með uppsöfnuðu
áhorfi er átt við hlutfall þeirra
sem horfðu í að minnsta kosti
fimm mínútur á dagskrárliðinn
samfleytt en meðaláhorf er fjöldi
þeirra sem horfðu á meðalmínútu.
Mest áhorf á leikina
Efstu fjórir dagskrárliðirnir á
listanum yfir uppsafnað áhorf voru
úrslitaleikurinn, undanúrslitaleik-
irnir tveir og bronsleikurinn.
Á toppnum trónir úrslitaleik-
urinn á milli Þjóðverja og Argent-
ínumanna sem fór fram á sunnu-
dag. Alls fylgdust 70,9%
landsmanna á aldrinum 12-80 ára
uppsafnað með Philipp Lahm, fyr-
irliða Þýskalands, lyfta heims-
meistarabikarnum. Þegar litið er
til meðaláhorfs var hlutfallið
46,8%.
Næstmest áhorf hlaut undan-
úrslitaleikur Hollendinga og Arg-
entínumanna sem fór fram mið-
vikudagskvöldið 9. júlí. Á þann
leik horfðu 61,8% landsmanna upp-
safnað en meðaláhorfið var 41,6%.
Hinn undanúrslitaleikurinn á
milli Brasilíumanna og Þjóðverja
var með 56% uppsafnað áhorf og
bronsleikur Brassa og Hollendinga
var með 49,1%.
Athygli vekur að HM-stofan eft-
ir undanúrslitaleik Þýskalands og
Brasilíu sem endaði 7-1 fyrir Þjóð-
verja hlaut meira meðaláhorf en
bronsleikurinn á laugardag fyrir
viku. Hvort það var vegna áhuga-
leysis sjónvarpsáhorfenda um hver
hreppti bronsið eða mikils áhuga
þeirra á greiningu sparkspekinga
RÚV á niðurlægingu gestgjafanna
Brasilíumanna í undanúrslitum
skal ósagt látið.
Ekkert lið fallbyssufóður
Heimir Hallgrímsson, þjálfari ís-
lenska karlalandsliðsins í knatt-
spyrnu, fylgdist með nær öllum
leikjum í mótinu sem einn af sér-
fræðingum HM-stofu RÚV. Hann
segir mótið í ár hafa verið ótrú-
lega skemmtilegt frá byrjun, ekki
síst vegna fjölda óvæntra úrslita,
markafjölda og umgjarðarinnar í
Brasilíu.
„Það voru mörg lið sem voru
fyrirfram ekki álitin tilbúin í þetta
sem afsönnuðu það. Ég held að
það hafi gert þetta mót skemmti-
legra en menn bjuggust við. Það
var ekkert lið sem var eins og fall-
byssufóður, dauðadæmt fyrir
keppnina og tapaði öllum leikjum
sanngjarnt,“ segir hann. Þannig
hafi til dæmis öll lið lent í erf-
iðleikum með Írani sem fyrirfram
voru taldir slakasta lið keppn-
innar.
Heimir er ekki í vafa um fyrir
hvað heimsmeistaramótsins í Bras-
ilíu verði minnst í framtíðinni.
„Það eru þessir tveir sigrar Hol-
lendinga á Spánverjum og Þjóð-
verja á Brasilíumönnum sem voru
sjokkerandi úrslit. Það verða úr-
slitin sem lifa í minningunni þegar
fólk fer að horfa aftur til baka á
þetta HM. Ríkjandi heimsmeist-
arar fá svona skell og heimaliðið
sem var talið sigurstranglegast
tapar 7-1. Ég held að það hljóti að
standa upp úr þegar fram líða
stundir.“
Yfir 70% horfðu á úrslitaleikinn
 Stórsigrar Hol-
lands og Þýska-
lands lifa áfram
Vinsælustu dagskrárliðirnir vikuna 7.-13. júlí
12-80 ára
Heimild: Capacent
1
2
3
4
5
6
7
8
9
10
1
2
3
4
5
6
7
8
9
10
HM 2014, Þýskaland - Argentína
HM 2014, Holland - Argentína
HM 2014, Brasilía - Þýskaland
HM stofan kl. 22.30, þri
HM 2014, Brasilía - Holland
Veður kl. 19.20 (RÚV)
HM stofan kl. 19.30, þri
Tíufréttir (RÚV)
Fréttir (RÚV)
HM stofan kl. 19.30,mið
HM 2014, Þýskaland - Argentína
HM 2014, Holland - Argentína
HM 2014, Brasilía - Þýskaland
HM 2014, Brasilía - Holland
HM stofan kl. 22.30, þri
HM stofan, sun
HM stofan, lau
Miðjarðarhafskrásir Ottolenghis (RÚV)
Daginn sem jörðin stöðvaðist (RÚV)
Fréttir (RÚV)
46,8
41,6
40,7
34,4
32,3
24,1
23,8
23,2
22,9
22,7
70,9
61,8
56,0
49,1
39,1
37,3
31,3
30,4
29,1
28,5
Rtg% Rtg%MEÐALÁHORF UPPSAFNAÐ ÁHORF
AFP
Heimsmeistarar Philipp Lahm og félagar hans í þýska landsliðinu hefja heimsmeistarastyttuna á loft eftir sigur á
Argentínumönnum á Maracana-vellinum í Rio de Janeiro. Keppnin fékk gríðarlegt áhorf í útsendingum RÚV.
Heimir
Hallgrímsson
6 FRÉTTIRInnlent
MORGUNBLAÐIÐ LAUGARDAGUR 19. JÚLÍ 2014
SVIÐSLJÓS
Kjartan Kjartansson
kjartan@mbl.is
Einstaklega leiðinleg vætutíð í
sumar hefur gert golfklúbbum á
suðvestanverðu landinu lífið leitt.
Rignt hefur án afláts það sem af er
júlímánuði og hefur það sett strik í
reikning Golfklúbbsins Kiðjabergs í
Grímsnesi.
„Völlurinn hefur aldrei verið
betri en núna og við eigum ekki við
nein vatnsvandamál að stríða út af
allri þessari rigningu. Það vantar
bara fólkið. Það þýðir það að við
fáum litlar tekjur. Þetta eru hálf-
gerðar náttúruhamfarir fyrir okkur
sem erum í svona rekstri,“ segir
Jóhann Friðbjörnsson, formaður
klúbbsins.
Tekjur klúbbsins það sem af er
júlí, sem á að vera annasamasti
mánuðurinn, eru helmingi minni en
þær voru á sama tíma í fyrra.
Jóhann segist ekki muna eftir
öðru eins veðurfari og í sumar. Bú-
ið sé að rigna hvern einasta dag í
júlí. „Maður skilur náttúrulega
kylfinga vel að þeir skuli ekki
nenna að fara út í þetta veður dag
eftir dag,“ segir hann.
Það sem hafi bjargað fjárhag
klúbbsins eru hópar sem bóka rás-
tíma með fyrirvara. Þeir mæti yfir-
leitt allir, sama hvernig viðrar.
Reikna með að halda sjó
Tíðarfarið kemur ekki of illa við
pyngju Golfklúbbsins Öndverð-
arness þar sem hann hefur á sjötta
hundrað félagsmanna á að skipa.
Bleytan hefur þó gert það að
verkum að loka hefur þurft þrem-
ur brautum vallarins að sögn Guð-
mundar E. Hallsteinssonar, for-
manns klúbbsins.
„Þetta var líka frekar slappt í
fyrra en slapp til hjá okkur og
við vorum með reksturinn réttu
megin. Við reiknum með því að
halda sjó þetta árið þó þetta sé
svona.“
Áhyggjur af framtíðartekjum
Hjá Golfklúbbi Kópavogs og
Garðabæjar (GKG) eru menn einn-
ig tiltölulega vel settir enda með
traustan hóp félagsmanna. Menn
hafa þó áhyggjur af áhrifum veð-
ursins á yngstu aldurshópana. Iðk-
endum 13 ára og yngri fækkaði í
fyrsta skipti í ár og talið er að
ástæðan sé veðrið. Um 500 krakkar
taki þátt í golfleikjanámskeiði á ári.
Þeim hefur ekki fækkað.
„Hins vegar finnst krökkunum
ekki eins spennandi að ganga í
klúbbinn og byrja að æfa golf þeg-
ar þeir eru í rigningu allan daginn.
Upp á framtíðartekjumöguleika
klúbbsins er þetta eitthvað sem við
höfum áhyggjur af,“ segir Agnar
Már Jónsson, framkvæmdastjóri
GKG.
Náttúruhamfarir fyrir golfið
 Tekjur Golfklúbbs Kiðjabergs helmingi minni en síðasta sumar vegna vætutíðar  Í Öndverðar-
nesi hefur þurft að loka brautum vegna bleytunnar  Fækkar í barnastarfi GKG vegna veðurs
Morgunblaðið/Þórður
Umhirða Vallarstarfsmaður á Leirdalsvelli GKG hirðir völlinn í vætunni. Nær látlaus hefur rignt á suðvestanverðu
landinu undanfarnar vikur og ekki er útlit fyrir að það breytist verulega á næstunni. Kylfingum er ekki skemmt.
Þrátt fyrir veðrið og bleytuna
hafa fleiri hringir verið leiknir á
Leirdalsvelli GKG það sem af er
þessu sumri en í fyrra.
„Í fyrra var rok, rigning og
kuldi. Núna er rigning en miklu
meiri hlýindi. Menn láta sig
frekar hafa það að fara út að
spila,“ segir Agnar Már, fram-
kvæmdastjóri GKG.
Íslandsmótið í höggleik hefst
á vellinum um næstu helgi. Agn-
ar Már segir allt verða gert til
að koma vellinum í lag fyrir
þann tíma.
„Við erum í dal og öll eðlis-
fræðilögmál eru þannig að vatn
leitar að lægsta punkti. Það er
töluverð bleyta búin að vera í
sumar á nokkrum brautum sem
drena sig illa.“
Starfsmenn klúbbsins hafa
gert ýmislegt til að flýta fyrir
því að völlurinn dreni sig.
„Við þurfum tvo til þrjá góða
daga til þess að völlurinn nái að
jafna sig eftir alla vætutíðina og
við erum að vonast til að það
takist. Það verður flott veður
um helgina, sunnudag og mánu-
dag, og við vonumst til að það
dugi til að koma vellinum í gott
leikástand,“ segir Agnar Már.
Þurfa 2-3
góða daga
ÍSLANDSMÓTIÐ