Morgunblaðið - Sunnudagur - 26.10.2014, Side 35

og upprunalegt. „Menn eru sífellt
að falsa söguna eða kríta mjög lið-
ugt. Maður sér oft skuggalega
gömul stofnár á þessum stóru
brugghúsum og þegar það er skoð-
að nánar kemur í ljós að ártalið er
fengið frá elstu heimild um ein-
hvers konar knæpurekstur eða
bruggun í viðkomandi bæ. Við-
skiptavinunum finnst gaman að
þessum tiktúrum og hefðum. Fyr-
irtækin gera sér grein fyrir því og
spila inn á það. Það eykur stemn-
inguna í kringum bjórdrykkjuna. Á
sumum stöðum verða glösin að
vera með ákveðnum hætti, bjór
þarf að hella með vissum leiðum
eða aðeins neyta á tilteknum tím-
um. Það er hinsvegar mjög mis-
jafnt hvað þetta stenst vel vís-
indalega skoðun.“
Í gegnum kennslu sína í Bjór-
skólanum komust höfundar að því
að áhugi væri fyrir svona bók. „Í
framhaldi af kennslu hefur verið
talsvert um það að biðja mann að
ræða um bjór hjá einhverjum fé-
lagasamtökum. Við höfum líka ver-
ið með sögugöngu í miðbænum.
Með þessu safnast hjá manni ein-
hverjir punktar og maður skynjaði
líka áhugann. Það vantar tilfinn-
anlega eitthvað um íslenska bjór-
inn fyrir alla ferðamennina sem
hingað koma, það er kannski næsta
verkefni hjá okkur. Það er eðlilegt
þegar fólk er á ferðalagi að það
vilji drekka eitthvað staðbundið.“
Er mikill Belgavinur
Bókin er mjög fyndin á köflum,
ekki síst lýsingarnar sem fylgja
hverjum bjór á því hvaða týpur
drekki bjórinn. Þetta er þó engin
prédikunarbók og tilgangurinn er
alls ekki að segja fólki hvað það
má og má ekki. „Það er nú þannig
að fólk getur auðveldlega komið
sjálfu sér á óvart varðandi bjór.
Við höfum oft lent í því í tengslum
við vinnuna í Bjórskólanum. Við
fáum til okkar fólk sem segist ekki
gefið fyrir bjór en það er í raun að
segja að það kunni ekki að meta
algengasta, ódýrasta, ljósa lag-
erbjórinn. Breiddin er svo mikil og
flestir eða allir finna eitthvað við
sitt hæfi.“
En skyldi Stefán eiga sér uppá-
halds bjór?
„Ég er mjög mikill Belgavinur
þegar kemur að bjór. Sérstaklega
eru það þessir vel sterku, sætu
bjórar sem bruggaðir eru af kaþ-
ólsku munkunum í Belgíu, sem eru
hæglega tíu prósent að styrk.
Belgarnir hafa áratugareynslu af
þessum sterka bjór og eru algjörir
meistarar í að fela akóhól. Það er
vert að hafa í huga að þetta er
bjórinn sem er gott að taka einn
og einn yfir sjónvarpinu. Ef menn
ætla að fara út á galeiðuna þá er
mælt með því að fara í mildara og
viðráðanlegra efni.“
26.10. 2014 MORGUNBLAÐIÐ SUNNUDAGUR 35
„Stílar bjórs eru margir og misjafnir.
Að skilgreina þá og fjalla um af ein-
hverri dýpt er efni í sérstakt rit. Hér
verður notast við algengustu túlk-
anirnar, því eins og sérfræðingarnir
vita eru undantekningarnar frá regl-
unum margar. Stílar skiptast í þrjá
flokka: lagerstíla, ölstíla og sjaldgæfari
sjálfgerjaða stíla,“ stendur í bókinni.
Í kaflanum um bjórinn Dead Guy
Ale er kafli þessu tengdur sem sýnir
jafnframt stílinn á bókinni: „Skrepptu
nú út í búð fyrir mig og kauptu öl!“
Með þessum orðum sendi amma
annars bókarhöfundar hann út í
sjoppu, barnungan. Oftar en ekki
fylgdu einnig fyrirmæli um að kaupa
sígarettur, enda ekkert talið eðlilegra
en að börnum væri selt tóbak. Með
„öli“ átti gamla konan þó ekki við
áfengan bjór, enda slíkt góss aðeins í
höndum þeirra sem þekktu sjómann
eða flugfreyju. „Öl“ merkti allt gos,
sódavatn og malt sem finna mátti í
hnausþykkum goskæli söluturnsins.
Kæruleysislega hugtakanotkun Ís-
lendinga á öllu sem tengdist öli má
skýra með bjórbanninu. En aðrar
þjóðir verða stundum uppvísar að
ónákvæmni. Einkum er það algengt í
Bandaríkjunum þar sem framleið-
endur eiga það jafnvel til að kalla lag-
erbjóra öl og merkja öl sem lager.
Dæmi um þetta er Dead Guy Ale
frá Rogue-brugghúsinu í Oregon.
Það er lagerbjór að þýskri fyrir-
mynd, svokallaður Maibock.
Í Bæjaralandi tók bjórdrykkja mjög
mið af gangi árstíðanna. Á sumrin
voru léttir, ljósir og svalandi bjórar í
fyrirrúmi. Með haustinu rann upp
tími Bock-bjóranna sem eru dekkri
og sterkari, byrjað var á sex prósent-
afbrigðunum en eftir því sem leið á
veturinn urðu blöndurnar sterkari,
jafnvel allt upp í tólf prósent.“
Svona eru síðan bjórtegundirnar
skilgreindar en flestir bjórar eru
annað hvort lager- eða ölbjórar:
Lager
Lagerbjórar eru undirgerjaðir bjór-
ar sem gerjast við lægra hitastig og
taka þar af leiðandi í sig minna
bragð.
Öl
Yfirgerjaðir bjórar gerjast við hátt
hitastig og eru þar af leiðandi bragð-
meiri og með fjölbreyttari tóna en
undirgerjaðir. Þess vegna eru ölstíl-
arnir í þessum flokki töluvert fjöl-
breyttari en lagerbjórarnir.
Sjálfgerjaðir bjórar
Bjórar sem gerjast með villtu geri
við ýmsar aðstæður. Oftast gerj-
aður í sundlaugum og með því geri
sem finnst í loftinu á hverjum stað.
Einnig er hann stundum gerjaður í
tunnu eða einhverju bætt út í hann,
eins og til dæmis sætum berjum.
Mismunandi
bjórstílar