Morgunblaðið - 06.11.2014, Síða 58

58
MORGUNBLAÐIÐ FIMMTUDAGUR 6. NÓVEMBER 2014
Sjávarútvegsfyrirtækið G. Run í
Grundarfirði hlýtur viðurkenningu
Morgunblaðsins, Vitann 2014, á
Snæfellsnesi. Það hefur lengi verið
stólpi atvinnulífsins í sinni heima-
byggð með 90 starfsmenn. Það sinn-
ir bæði útgerð og fiskvinnslu og hef-
ur getið sér orð fyrir markvissa
vinnu að því að auka arðsemina með
bættri nýtingu hráefnis og heild-
stæðri umhverfisstefnu.
G. Run er rótgróið fyrirtækið.
Rætur þess liggja sextíu ár aftur í
tímann. Það er kennt við frum-
kvöðulinn, útgerðarmanninn Guð-
mund Runólfsson í Grundarfirði.
Starfsemin hefur alla tíð snúist um
útgerð og fiskvinnslu á staðnum. Í
núverandi mynd var fyrirtækið
stofnað árið 1974 og efldist mjög á
tíunda áratugnum eftir að það var
sameinað frystihúsinu í bænum.
Það er fjölskylda Guðmundar, sjö
börn hans og einn frændi, sem á og
rekur fyrirtækið. Starfsmenn eru
10% af öllum íbúum í Grundarfirði.
Starfsemi G. Run er þríþætt,
veiðar, landvinnsla og veiðar-
færagerð. Fyrirtækið gerir út tvö
skip, minni gerðir af skuttogurum.
Þetta eru Helga SH 135 og Hringur
SH 153. Þau eru með tíu manna
áhöfn hvort. Skipin sækja eingöngu
karfa, þorsk, ufsa og ýsu. Fiskurinn
er ýmist unninn í frystihúsinu í
bænum eða seldur ferskur úr landi.
Skipin eru aðeins tvo til þrjá daga
að veiðum í senn. Þau sigla heim
þegar þau hafa fyllt sig. Þessi stutti
tími veldur því að fyrirtækin geta
boðið upp á ferskara og betra hrá-
efni. Um leið leggur það lóð á vog-
arskálar betri fjölskyldulífs sjó-
manna sinna.
G. Run fylgir markvissri um-
hverfis- og samfélagsstefnu. „Við
berum virðingu fyrir umhverfi okk-
ar og því samfélagi sem við störfum
í og leitumst við að skapa starfs-
umhverfi sem laðar að hæfa starfs-
menn,“ segir í stefnuyfirlýsingu fyr-
irtækisins sem lesa má á vef þess.
Fyrirtækið hefur markvisst leitast
við að sameina fjárhagslegan og
umhverfislegan ávinning með því að
bæta nýtingu hráefna, efna og orku
sem notuð eru í starfseminni. Það
hefur einnig lagt áherslu á jöfn
tækifæri starfsfólks, óháð kyni,
aldri eða þjóðerni. Boðið er upp á
breytilegan vinnutíma og almennt
ekki unnið lengur en átta tíma á sól-
arhring þar sem því verður við
komið sem er einkum í landvinnslu
og netagerð.
Dregið hefur úr þýðingu veiðar-
færagerðar G. Run vegna tækni-
framfara. Verkefnin á því sviði hafa
aðallega falist í gerð botntrolla fyrir
fiskiskip í Grundarfirði og þjónustu
við rækjuveiðibáta á Breiðafjarðar-
svæðinu. gudmundur@mbl.is
Stólpi atvinnulífsins
í sinni heimabyggð
Morgunblaðið/Sigurður Bogi
Á veiðar Eitt af skipum G. Run, Hringur SH, stefnir út Grundarfjörðinn.
 G. Run í Grundarfirði skapar níutíu manns atvinnu
 Leggur áherslu á virðingu fyrir umhverfi og samfélagi
Saltverksmiðja Norður & Co á
Reykhólum hlýtur viðurkenningu
Morgunblaðsins, Vitann 2014, á
Vestfjörðum. Fyrirtækið framleiðir
flögusalt á umhverfisvænan hátt
fyrir neytendamarkað. Það hefur
skapað ný störf og nýtir affallsvatn
sem áður fór til spillis.
Rúmt ár er síðan framleiðslan
hófst. Undir hana var byggt 540 fer-
metra stálgrindarhús við höfnina á
Reykhólum. Starfsemin útheimtir
núna sjö störf; fjögur á staðnum, tvö
í Reykjavík og eitt í Danmörku.
Ekki er ólíklegt að starfsmönnum
eigi eftir að fjölga þegar fram líða
stundir.
Hugmyndir um saltvinnslu úr
sjónum við Reykhóla eru ekki nýjar
af nálinni. Nefnd á vegum Danakon-
ungs stakk upp á því fyrir 250 árum
að hafin yrði saltvinnsla á staðnum.
Vegna hafnleysis gekk það ekki, en
í staðinn hófst saltvinnsla á Reykja-
nesi við Ísafjarðardjúp og stóð hún í
tvo áratugi. Nú eru aðstæður
breyttar, komin ágæt höfn og á
staðnum er hin öfluga Þörunga-
vinnsla sem nýja saltverksmiðjan
fær affallsvatn frá. Að auki nýtir
hún heitt vatn beint úr borholu.
Framleiðslan er rekin undir nafninu
Norðursalt. Auk flögusaltsins eru
uppi áform um fleiri vörur, svo sem
fiskisósu. Hugmyndin að saltverk-
smiðjunni er komin frá frumkvöðl-
unum Garðari Stefánssyni fram-
kvæmdastjóra og skólabróður hans
frá Árósum, Sören Rosenkilde. Öfl-
ugur stuðningur frá nýsköp-
unarsjóðum og stuðningsneti þeirra
hefur gert þeim kleift að hrinda
hugmyndinni sem kviknaði í námi
þeirra í framkvæmd.
gudmundur@mbl.is
Með gæðasalt fyrir
neytendamarkað
Ljósmynd/Norður & Co.
Saltvinnsla Við eimingu í heitu
vatni verður saltið eftir.
 Nýtir vatn sem áður fór til spillis
Traust þekking ehf. í Borgarnesi
hlýtur viðurkenningu Morgunblaðs-
ins, Vitann 2014, á Vesturlandi. Fyr-
irtækið hannar og framleiðir vél-
búnað fyrir matvælavinnslu, skapar
atvinnu fyrir tuttugu manns og tölu-
verðar gjaldeyristekjur vegna sölu
utanlands.
Traust þekking er eitt fyrsta ný-
sköpunarfyrirtækið hér á landi,
stofnað af Trausta Einarssyni árið
1978. Starfsemin hefur frá upphafi
snúist um að hanna og framleiða bún-
að til að auðvelda vinnslu matvæla,
einkum í sjávarútvegi. Þá veitir fyr-
irtækið ráðgjöf á þessu sviði. Fyrsti
búnaðurinn sem Traust þekking
hannaði og framleiddi var til vinnslu
loðnuhrogna.
Ársvelta fyrirtækisins er um 350
milljónir. Eru tekjurnar mestar í er-
lendum gjaldeyri. Framleiðsluvör-
urnar eru fjölbreytilegar. Sem dæmi
má nefna sprautuvélar, söltunar-
kerfi, vinnslulínur, rækjuverk-
smiðjur, skelverksmiðjur, reykverk-
smiðjur og löndunarkerfi fyrir síld,
loðnu og makríl með fiskidælum og
færiböndum. Allur þessi búnaður er
hannaður hjá fyrirtækinu og byggist
á hugviti og þekkingu sem þar er til
staðar.
Nýjasta framleiðsluvaran er
skurðvél sem sker afurðirnar í fyr-
irfram ákveðnar stærðir eftir eðlis-
þyngd hráefnisins. Notuð er þrívídd-
ar-leysitækni til að greina lögun
hráefnisins og reiknar vélin
skammtastærðir út frá löguninni og
þyngdinni. Vél þessi hentar til skurð-
ar á fiski og beinlausum kjötafurðum.
Að vélinni hefur verið unnið í tvö ár
og er hin fyrsta sem framleidd hefur
verið þegar seld til Spánar.
Önnur ný framleiðsluvara fyrir-
tækisins er afsöltunarvél. Um er að
ræða nýja aðferð við að afsalta fisk í
saltfiskframleiðslu. Endurnýtir vélin
salt sem ekki nýtist við vinnslu og
eykur þar af leiðandi nýtingu á hrá-
efni til mikilla muna.
gudmundur@mbl.is
Ljósmynd/Traust þekking ehf.
Búnaður Unnið að samsetningu matvinnsluvéla í Borgarnesi.
Hannar búnað til
matvælavinnslu
 Einn af frumherjum í nýsköpun á Ís-
landi  Skapar tuttugu manns vinnu
2014
Eins og náttúran hafði í hyggju
• Magnesíumsprey sem virkar strax!
• Slakandi, bætir svefn og slær á
fótaóeirð og sinadrátt
• Frábær upptaka
Sefurðu illa?
MagnesiumOil
Spray
Fæst í flestum apótekum, Lifandi Markaði, Heilsuhúsinu,
Fjarðarkaup og Systrasamlaginu
Nánari upplýsingar á www.gengurvel.is
og á Facebook síðunni Better You Ísland
P
R
E
N
T
U
N
.IS
Goodnight