Stígandi - 01.10.1946, Page 58

nokkurn veginn reglulegt, og reyndist hraðinn fullir 5 hnútar að
jafnaði, en þar sem oft hafði þurft að snúa fyrir jaka þá, sem voru
rétt á leið skipsins, gerði skipstjóri ráð fyrir, að tæplega mætti
reikna meira en 5 hnúta. Eftir skoðun hans áttu því að vera 10
fjórðungsmílur ófarnar upp að Kópnum. Veðrið var stöðugt hið
sama, að undanteknu því að liríðin var tæplega jafn dimm.
ísinn var nú all'taf að þéttast meira og meira og jakarnir að
stækka, og var stundum ekki sýnilegt, að hægt væri að verjast því
að lenda á þeim, en með varúð og snarræði hafði þó enn tekizt að
komast hjá slysum.
Þar kom, að leiðin lokaðist algjörlega. Voru nú góð ráð dýr.
„Tilbúnir að venda!“ hrópaði skipstjóri ofan úr vantinum.
„Yfir með tálíuna að aftan!
Gefið eftir klýfinn!
Renndu honum upp í!
Halið saman að aftan!“
Sæfarinn rann liðlega upp í vindinn, en svo var eins og hann
væri á báðum átturn, livað hann ætti að gera. Hann stakk stefn-
inu beint í báruna og stöðvaðist alveg. En um leið kváðu við fyr-
irskipanir skipstjóra, skarpar og ákveðnar:
„Út með afturseglið!
Bakkið klýfinum!
Til baka með stýrið!“
All't var framkvæmt á augabragði og hiklaust, eins og vant er,
þar sem góðir sjómenn eiga í hlut og bera fullkomið traust til yf-
irmanna sinna.
Sæfarinn virtist nú skilja, hvað ætlazt væri til, að hann gerði, og
fór að snúast til bakborða, og enn kvað við rödd skipstjóra:
„Gefið eftir stórseglið! Yfir með klýfinn!"
Fór nú f 1 jótlega að koma skriður aftur á skútuna, en nú skip-
aði skipstjóri að snúa undan og stefna í vestur.
Var nú siglt þannig um stund, og virtist ísinn heldur greiðast,
eftir því sem vestar dró og eftir klukkutíma sást aðeins einn og
einn jaki á stangli. Var þá aftur breytt um stefnu, seglin borin yf-
ir, og stýrt í suðaustur.
Enda þótt miklu minni ís væri nú heldur en áður, var þó sama
varkárnin viðhöfð að því undanskildu, að nú var gamli Jónas
kominn niður úr vantinum, en þar hafði hann verið í fullar 4
stundir.
„Ég hugsa nú, að við séura að verða lausir við Grænlending-
296 STÍGANDI