Stígandi - 01.10.1946, Qupperneq 71

gerbeytast. Læknarnir verða starfsmenn liins opinbera, og hafa
fastákveðin laun og vissan vinnutíma. Þetta verður kleift vegna
þess, að læknarnir starfa saman í flokkum.
í 'hverri heilsuræktarstöð verður flokkur af læknum, sem starfar
eins og einstaklingur. Allir eru þeir jafn-færir, en þó stundar hver
sína sérgrein, en álit þeirra allra kemur til greina, og verður það
skráð í sérstaka bók, sem heilsufarslýsing hvers einstaks manns.
í henni verður auðvelt að finna allar nauðsynlegar upplýsingar
urn heilsu hans og hvenær hver athugun var framkvæmd. Ein
ahugunin er um líkamlegt heilsufar, önnur um ljósvaka- eða
geislunarendurvarp mannsins og hvernig kirtlar líkamans svara
áhrifum geimgeisla og staðbundnum sveiflum. Þriðji læknirinn
rannsakar hina sálrænu hlið mannsins og hinn fjórði hið andlega
ástand lians. Þá verða gerðar rannsóknir á meltingunni og öndun-
inni, sem er mikilvægt atriði. Hver þessara lækna hefir þekkingu
til að lækna — ef unnt er — þær veilur, er hann finnur á sál eða
líkama mannsins, og hann hefir einnig aðgang að því, er félagar
hans hafa leitt í Ijós. Læknarnir munu haga störfum sínum þann-
ig, að jafnan séu einhverjir að starfi, og sjúklingnum verður gert
ljóst, að alhliða læknisskoðun og lækning er framkvæmd á honum.
Heilsuræktarstöðvarnar verða einnig miðstöðvar líkamlegra
æfinga og ihreysti, þar sem allar tegundir þeirra verða stundaðar
af kappi. Kvikmyndir, ræður og prédikanir verða þar um hönd
hafðar sjúklinunum til líkams- og sálubóta. Kennsla í matreiðslu
og mataræði verður ókeypis.
Þessar heilsustöðvar og allt, sem þeim fylgir, verða ekki til í
einu vetfangi, heldur þróast þær smátt og smátt, út frá fenginni
reynslu og vaxandi hreinlæti.
Hinar miklu auðlindir, stórhugur og lífsþróttur, fá fullt at-
hafnarúm, öllum þjóðúm til vaxandi gengis og betrunar, og í
stærri stíl en nokkru sinni áður. Allt verður til að auka trú mann-
anna á þessari gag-ngeru breytingu. Umbæturnar og velferðin,
sem koma í kjölifar þeirra, verða hylltar og lofsungnar. Þær verða
þreyttum og hrelldum sálum það’. sem jass og brennivín eru
þeirn í dag — þær verða þjóðleg nauðsyn og ánægja, sem lengi
hefir verið þráð.
Þjóðfélagsþegnar hinna nýju heilsuverndar munu heimsækja
heilsuræktunarstöðvarnar, fullir af athygli og nýrri von, og þeir
munu hverfa þaðan aftur fullir skilnings og vitundar á því starfi,
sem þar er inntaf höndurn í þágu hvers einstaklings, svo að hann
STÍGANDI 309