Fréttablaðið - 11.05.2013, Síða 38

11. maí 2013 LAUGARDAGUR| HELGIN | 38
Barist um farseðilinn til Svíþjóðar
Evrópumót kvennalandsliða í knattspyrnu hefst þann 10. júlí í Svíþjóð. Landsliðsþjálfarinn Sigurður Ragnar Eyjólfsson
glímir við þann hausverk næstu vikurnar að móta 23 manna landsliðshóp sinn. Stærstur hluti hópsins verður sjálfskipaður
atvinnumönnum erlendis en hér heima berjast nokkrar ungar og bráðefnilegar stelpur um laus sæti í hópnum.
FRAMTÍÐIN ER
BJÖRT
Sandra María,
Glódís Perla og
Elín Metta verða
að óbreyttu í
lykilhlutverki hjá
íslenska kvenna-
landsliðinu næsta
áratuginn og gott
betur.
FRÉTTABLAÐIÐ/DANÍEL
Glódís Perla Viggósdóttir
Fæðingarár: 1995
Lið: Stjarnan
Staða: Miðvörður
Leikir í efstu deild: 17
A-landsleikir: 7
Skemmtileg staðreynd:
■ Glódís Perla var nýorðin 14 ára þegar hún
lék sinn fyrsta landsleik af 24 leikjum með
U17 liði Íslands. Hún er leikjahæsti leikmaður
liðsins frá upphafi. Hefur spilað fyrir Íslands
hönd í Danmörku, Færeyjum, Póllandi, Finn-
landi, Sviss, Austurríki, Belgíu, Hollandi, Spáni,
Skotlandi og Svíþjóð.
Þorlákur Árnason, þjálfari Stjörnunnar: „Leik-
skilningurinn er hennar besti kostur og svo
er enginn í deildinni með betri ristarspyrnur
langt fram völlinn. Hún er góður stjórnandi og
talar vel við samherja sína. Hún hefur þroskast
mikið andlega á einu ári, hefur bætt sig mikið
sem varnarmaður og er nú þegar orðin mun
betri leikmaður en í fyrra.“
Íslenska landsliðið leikur í annað sinn á meðal tólf
bestu þjóða Evrópu eftir frumraun sína í Finnlandi
árið 2009. Þá töpuðust allir leikir liðsins. Ísland
hafnaði í öðru sæti í riðli sínum í undankeppninni
en lagði Úkraínu að velli í umspili um laust sæti í
lokakeppninni í Svíþjóð. Íslensku stelpurnar eru í
B-riðli ásamt Þýskalandi, Hollandi og Noregi. Þjóð-
verjar eru fyrir fram taldir sterkasta þjóðin enda
sjöfaldir Evrópumeistarar, í öðru sæti heimslistans
og hafa lyft bikarnum á síðustu fimm Evrópumót-
um. Ísland og Noregur voru saman í riðli í undan-
keppninni og unnu þjóðirnar sinn leikinn hvor.
Holland er einu sæti fyrir ofan Ísland á listanum.
Ísland spilar leiki sína í Kalmar og Växjö og er
fyrsti leikurinn gegn Norðmönnum í Kalmar þann
11. júlí.
Í úttektinni var miðað við unga leikmenn á Ís-
landi sem hafa spilað færri en tíu A-landsleiki.
Elísa Viðarsdóttir
Fæðingarár: 1991
Lið: ÍBV
Staða: Hægri bakvörður
Leikir í efstu deild: 37
A-landsleikir: 8
Skemmtileg staðreynd:
■ Draumur Elísu var að spila A-lands-
leik með systur sinni Margréti Láru.
Þær voru í fyrsta skipti saman í
byrjunarliði landsliðsins í 1-0 sigri á
Kína á Algarve-mótinu í mars 2012.
Jón Ólafur Daníelsson, þjálfari
ÍBV: „Hún hefur mikla hlaupagetu,
mikinn hraða og er mjög sterk í
stöðunni einn gegn einum í vörninni.
Hún er mjög sterk andlega og í
algjöru toppformi. Hún er nánast
jafnvíg á báða fætur og með góða
skallatækni. Hún tekst mjög vel á við
mótlæti og er mikill karakter. Hún
fékk ekki knattspyrnuhæfileikann í
vöggugjöf. Það er metnaður hennar
og vilji sem hefur komið henni svona
langt.“
FRÉTTABLAÐIÐ/VALLI
Elín Metta Jensen
Fæðingarár: 1995
Lið: Valur
Staða Framherji
Leikir í efstu deild: 27
A-landsleikir: 4
Skemmtileg staðreynd:
■ Elín Metta hefur skorað 24 mörk í 27 leikjum í
efstu deild eða næstum því mark að meðaltali í
leik. Hún skoraði 17 mörk í 14 leikjum með U17
ára landsliði Íslands. Hún varð yngsti leikmaður
frá upphafi til að hljóta gullskóinn í efstu deild
kvenna sumarið 2012.
Helena Ólafsdóttir, þjálfari Vals: „Hún er marka-
skorari af guðs náð, þefar uppi færin og nýtir
þau mjög vel. Hún er góð með boltann og nær
að halda hraða með boltann á tánum. Hún á
auðvelt með að gera hluti á eigin spýtur, hefur
að vissu leyti leyfi til þess en verður enn betri
þegar hún lærir að nýta samherjana betur. Það er
rosalega gaman að vinna með henni því hún vill
læra og tekur leiðsögn mjög vel.“
Guðmunda Brynja Óladóttir
Fæðingarár: 1994
Lið: Selfoss
Staða: Framherji
Leikir í efstu deild: 18
A-landsleikir: 0
Skemmtileg staðreynd:
■ Guðmunda Brynja er fyrsti leik-
maðurinn sem valinn er í A-landsliðs-
hóp Íslands sem leikmaður Selfoss.
Hún fór fyrir liði Selfoss sem tryggði
sér sæti í efstu deild sumarið 2011
þrátt fyrir að vera ýmist veik eða
meidd allt tímabilið. Guðmunda
spilaði sem markvörður í yngstu
flokkum.
Gunnar Rafn Borgþórsson, þjálfari
Selfoss: „Hún hefur gríðarlegan
viljastyrk og mikinn metnað. Hún
er dugleg að æfa, tekur leiðsögn
gríðarlega vel og hefur þroskast
mikið sem leikmaður. Hún er með
svakalegan sprengikraft, ekki bara á
fyrstu metrum heldur rífur sig áfram
í hverju skrefi. Hún er rosalega fljót,
með mikið markanef og er óhrædd
að láta vaða á markið og keyra á
varnarmennina.“ FRÉTTABLAÐIÐ/VALLI
Sandra María Jessen
Fæðingarár: 1995
Lið: Þór/KA
Staða: Vinstri kantur
Leikir í efstu deild: 33
A-landsleikir: 6
Skemmtileg staðreynd:
■ Sandra hefur verið sjóðheit í treyju A-lands-
liðsins og skorað þrjú mörk í sex leikjum. Hún
skoraði með sinni fyrstu snertingu í A-landsleik
gegn Ungverjalandi eftir að hafa verið inni á
vellinum í þrjár mínútur. Faðir Söndru hefur
getið sér gott orð sem aðstoðardómari hér á
landi.
Jóhann Kristinn Gunnarsson, þjálfari Þórs/KA:
„Hún hefur ofboðslega mikinn vilja til þess að
ná lengra, hlustar vel og er alltaf að uppgötva
eitthvað nýtt. Hún er með skemmtilega blöndu
af því að vera nánast jafnfætt og eldfljót. Hún
er dugleg að koma sér í færi og er með mikið
markanef. Hennar hraði og sprengikraftur
hentar mjög vel á vinstri kantinum.“
Kolbeinn
Tumi Daðason
kolbeinntumi@365.is
EVRÓPUMÓTIÐ
Í SVÍÞJÓÐ