Fréttablaðið - 18.05.2013, Síða 22

18. maí 2013 LAUGARDAGUR| HELGIN | 22
Friðrika Benónýsdóttir
fridrikab@frettabladid.is
Við Sigmundur kynntumst á gaml-árskvöld 2001. Það voru ekki liðn-ar nema nokkrar mínútur af 2002 þegar ég var orðin heilluð upp úr skónum,“ segir Anna Sigurlaug Pálsdóttir, mannfræðingur og
eiginkona Sigmundar Davíðs Gunnlaugs-
sonar. Spurð hvort þetta hafi verið ást við
fyrstu sýn svarar hún: „Já, veistu, ég held
það bara. Allavega hvað mig varðar. Og ég
er alveg heilluð enn þá.“
Hvað er svona heillandi? „Hann er svo
sterkur karakter, eins og fólk er að átta sig
á. Hann hefur sterkar skoðanir, er fylginn
sér og það er óskaplega gaman að rökræða
við hann þó maður þurfi nú stundum að
vera dálítið vel undirbúinn til að taka debatt
við hann. Hann hefur áhuga á öllu sem við
kemur lífinu og tilverunni. Svo líður okkur
bara alveg óskaplega vel saman. Við erum
bæði týpur sem eiga ekkert yfirþyrmandi
mikið af áhugamálum, finnst bara gott
að vera saman þegar við eigum frítíma.
Við ferðumst mikið, bæði hérna heima og
erlendis, og þá tökum við bara einn dag í
einu og látum lífið bera okkur áfram. Sig-
mundur er búinn að smita mig af áhugan-
um á borgum og húsum og þegar við erum í
útlöndum leigjum við okkur oft bíl og keyr-
um um. Sérstaklega höfum við hrifist af
austari hluta Evrópu, Póllandi, Slóvakíu og
Slóveníu til dæmis. Þá keyrum við bara um
í rólegheitum, skoðum borgir og hverfi og
lesum okkur til um sögu lands og þjóðar.
Þannig tjúnum við okkur niður og smellum
saman í áhuganum á þessu.“
Anna Stella, eins og hún er alltaf kölluð,
segir Sigmund Davíð vera rómantískan og
hugulsaman eiginmann. „Hann á það til að
vera mjög rómantískur, já. Hann er að vísu
stundum svo utan við sig að hann gleymir
tyllidögum, en þegar hann man eftir þeim
er hann alveg afskaplega rómantískur. Þá
undirbýr hann ferðalög eða eitthvað sem
hann veit að mér finnst skemmtilegt. Þegar
við bjuggum úti í Oxford bauð hann mér til
dæmis einu sinni á afmælinu mínu í óvissu-
ferð til Bath. Þá var hann búinn að undirbúa
allt út í æsar, ég vissi aldrei hvað var næst
á dagskrá.“
Allt byggt á rökum
Ef þú ættir að velja þrjú orð til að lýsa
Sigmundi Davíð hver mundu þau verða?
„Fyrstu orðin sem koma upp í hugann eru
traust og heiðarleiki. Og hlýja. Þótt hann
virðist stundum svolítið stífur þá er hann
alveg ofsalega mikið ljúfmenni. Það er allt-
af hægt að leita til hans ef maður þarf á
hjálp að halda. Hann gefur sér alltaf tíma
til að hjálpa og hefur skilning á því hvernig
öðrum líður. Kannski virkar hann þannig
að fólk treystir sér ekki til að leita til hans
en þegar á reynir er hann virkilega mik-
ill vinur vina sinna og það er hægt að trúa
honum fyrir öllu, hann blaðrar aldrei neinu.
Þeir sem þekkja hann minna mundu senni-
lega nefna skynsemina fyrst, það þarf allt
að byggja á rökum. Jafnvel þegar hann er
að leysa úr einhverjum tilfinningaflækjum
með manni þá notar hann rökhugsunina til
að finna lausnir. Það virkar fínt enda gerir
hann það á ljúfan og góðan hátt.“
Öllum sem ég hef talað við ber saman
um að hann sé feiminn og hlédrægur, ertu
sammála því? „Hann er hlédrægur og finnst
voða þægilegt að halda sér til hlés og hlusta
á aðra. Ég held kannski að það komi til af
því að hann vinnur við að tala og þá finnst
honum gott að slaka á með því að leyfa
öðrum að hafa orðið án þess að trana sér
fram.“
Hann kom svakalega bratt inn í pólitík-
ina, hver var aðdragandinn að því? „Það
höfðu samband við hann menn að austan,
sem höfðu fylgst með því sem hann hafði
verið að segja um skipulagsmál, þjóðfélags-
mál og fleira, í desember 2008 og hvöttu
hann til að ganga til liðs við framsóknar-
menn með það að markmiði að taka við for-
mennsku í flokknum. Hann tók þeirri áskor-
un, við gengum í flokkinn og hann bara
hellti sér út í pólitíkina.“
Var hann aldrei efins um þá ákvörðun?
„Nei, það held ég ekki. Hann anar aldrei út
í neitt, er yfirleitt búinn að velta hlutunum
Táraðist yfir kommentakerfunum
Enginn þekkir mann betur en eiginkonan og haft er fyrir satt að það megi ráða í innræti manna af framkomu þeirra við
fjölskyldu sína. Samkvæmt því þarf þjóðin ekki að kvíða forsætisráðherratíð Sigmundar Davíðs Gunnlaugssonar því eigin-
kona hans, Anna Sigurlaug Pálsdóttir, segir hann traust ljúfmenni sem alltaf sé til staðar ef vandamál komi upp.
BEÐIÐ EFTIR STJÓRNARMYNDUN Anna Sigurlaug og Sigríður Elín eru mikið einar heima þessa dagana. Fréttablaðið/Valli
Það leyndi sér ekkert strax og maður hitti Sigmund að hann hefur fullt af hæfileikum og sér
hlutina oft frá skemmtilegum sjónarhornum, en hins vegar var hann á þeim tíma sem ég vann
með honum mjög hlédrægur og það kom mér mikið á óvart að hann skyldi velja sér stjórnmál
sem starfsvettvang,“ segir Kristján Kristjánsson, upplýsingafulltrúi Landsbankans, samstarfs-
maður Sigmundar Davíðs á fréttastofu RÚV. „Hann er orðinn mun framhleypnari í dag.“
Kristján segir Sigmund Davíð hafa verið frægan fyrir það á RÚV að vera seinn fyrir. „Hann
skákaði meira að segja mér ágætlega í því, sem er þó nokkuð erfitt. En hann er mjög skemmti-
legur maður, hugmyndaríkur og pælir mikið í alls konar hlutum. Á þeim árum deildi hann hins
vegar þessum pælingum sínum bara í smáskömmtum, svo maður vissi aldrei almennilega hvað
hann var að hugsa.“
Þórður Karl Einarsson, hönnuður á Stöð 2, hefur þekkt Sigmund Davíð frá því báðir voru
fjögurra ára og hann er sammála Kristjáni um hlédrægnina. „Hann reyndi aldrei að vera aðal-
númerið þegar við vorum krakkar og eiginlega ekki síðan heldur. Ég gat alveg séð það fyrir að
hann færi í pólitík, en að hann byði sig fram til forystu, datt mér aldrei í hug.“
Þórður Karl segir þó að það sem upp úr standi varðandi Sigmund Davíð sé skynsemin. „Hann
er eiginlega eini maðurinn sem ég þekki sem var aldrei barn. Hann var alltaf svo skynsamur og
aldrei hægt að fá hann með í nein prakkarastrik.“

Sigmundur Davíð í augum annarra
vel fyrir sér frá öllum hliðum áður en hann
tekur ákvörðun. Þegar ákvörðunin er tekin
stendur hann við sitt og bakkar ekki.“
Auðvelt að sitja eftir
Það hlýtur að hafa breytt heimilislífinu tölu-
vert mikið þegar hann varð svona áberandi í
pólitíkinni? „Ójá, það gerði það. Það er aldrei
lognmolla að búa með Sigmundi Davíð, það
er alveg á hreinu, en flestallt sem fylgir
þessu er bara skemmtilegt. Við erum búin
að kynnast alveg rosalega mörgu góðu fólki
og eignast fullt af ofsalega góðum vinum í
kringum þetta. Þegar hann var að byrja þá
hafði ég tækifæri til að ferðast með honum
um allt land, enda tilkynnti hann það þegar
hann tók við formennsku að hann myndi
heimsækja öll aðildarfélög Framsóknar-
flokksins, sem hann og gerði.“
Anna Stella og Sigmundur Davíð eiga eina
dóttur, Sigríði Elínu, sem er rúmlega árs
gömul, það hlýtur líka að hafa breytt tölu-
verðu.
Hefurðu ekki minna getað ferðast með
honum eftir að hún kom til? „Hún er nú að
verða sextán mánaða núna. Og auðvitað
hef ég verið meira heima síðan hún fædd-
ist, en ég reyni enn þá að vera með í þessu
öllu. Pólitíkinni fylgir mikil vinna og mikil
ferðalög og ef maður tekur ekki þátt í því
með jákvæðni og gleði þá held ég að það sé
auðvelt að sitja svolítið eftir. Þannig að ég
tók þá ákvörðun strax í upphafi að vera með
og kynnast öllu fólkinu og þegar maður gerir
það þá nýtur maður þess bara að vera með
í þessu.“
Hafðirðu tekið þátt í pólitísku starfi áður?
„Ekki neitt. Ég hafði auðvitað velt fyrir mér
pólitík og tekið ákvarðanir í aðdraganda
kosninga um það hvað ég ætlaði að kjósa, en
ég hafði aldrei verið í einhverjum flokki eða
tekið þátt í stjórnmálastarfi áður. Þetta er
allt alveg glænýtt fyrir mér. Það er margt
ákaflega skemmtilegt og áhugavert og
maður smitast af kraftinum í kringum þetta.
Ég myndi samt aldrei sjálf fara að starfa í
pólitík, ég hef ekki svo mikinn áhuga.“
Laumaðist í tölvuna
Sviðsljósinu fylgir alls kyns illmælgi og bak-
tal, tekurðu það nærri þér? „Ég gerði það
fyrst. Tók þetta alveg óskaplega nærri mér.
Ég átti til að laumast í tölvuna á kvöldin og
sitja fram eftir nóttu lesandi kommentakerf-
in með tárin í augunum. Ég bara skildi þetta
ekki og langaði helst til að hitta allt þetta
fólk og segja því að við værum ekki svona
slæm eins og það var að segja. En svo lærir
maður af fólki sem er þjálfað í pólitíkinni og
fer að brynja sig smám saman. Sigmundur
tekur þetta ekkert inn á sig. Hann er alveg
gallharður og brynjaður fyrir þessu. Að
minnsta kosti þessari illmælgi á kommenta-
kerfunum. Það pirrar hann í almennri
umræðu þegar verið er að fara í manninn en
ekki málefnin, hann vill að fólk haldi sig við
málefnalega umræðu, en hann tekur þetta
ekkert nærri sér. Ég er líka orðin harðari af
mér og komin á þá skoðun að ef einhverjum
finnst ég ekki nógu almennileg eða góð eða
eitthvað þá verður hann bara að fá að halda
það, ég get ekkert gert í því.“
Nú ertu væntanlega að verða forsætisráð-
herrafrú, hvernig leggst það í þig? „Ef ég á
að segja þér alveg eins og er þá hef ég lítið
sem ekkert hugsað út í það. Þangað til það
er orðið staðreynd þá heldur maður bara ró
sinni og hefur báða fætur á jörðinni. En ef
það verður þá bara setur maður sig í gírinn
og tekst á við það. Maður hlýtur að læra til
hvers er ætlast af manni og það væntanlega
kennir mér einhver til verka, ég hef ekki
áhyggjur af því.“
SAMA ÁHUGAMÁL Anna Sigurlaug og Sigmundur Davíð sameinast í áhuganum á borgarhverfum, húsum
og sögu lands og þjóðar á ferðalögum sínum.