Fréttablaðið - 18.05.2013, Side 45

TÍSKA | FÓLK | 3
HANNA GRÍMUR
FYRIR DÝRIN
TÍSKA Nokkrir heimsþekktir hönnuðir leggja góðu málefni
lið með því að hanna grímur fyrir góðgerðardansleik. Ætl-
unin er að safna fé til að bjarga dýrum í útrýmingarhættu.
VORSÝNING HJÁ IÐNNEMUM Í
HAFNARFIRÐI
■ IÐNSKÓLINN Í HAFNARFIRÐI OPNAR SÝNINGU Í DAG
Vorsýning nemenda Iðnskólans í Hafnarfirði verður opnuð í dag
klukkan 14 í húsnæði skólans við Flatahraun 12. Þar eru sýnd verk-
efni útskriftarnemenda og nem-
enda sem skemmra eru á veg
komnir í náminu.
Skólinn hefur skapað sér sér-
stöðu með fjölbreyttu náms-
framboði í greinum sem byggja
á sköpun og að hugur og hönd
vinni sem eitt. Skólinn er með
kennslu á níu sviðum, það er
byggingagreinar, pípulagnir,
hársnyrtiiðn, listnám, málmiðnir, rafiðnir og tækniteiknun auk al-
mennrar brautar og starfsbrautar.
Margir frumlegir og skemmtilegir munir er á sýningunni sem
hefur það að markmiði að sýna þverskurð af vinnu nemenda á skóla-
árinu á ýmsum námsstigum. Má þar nefna húsgögn og listmuni úr
leir, málmi og tré, lampa, ljós, stóla og borð. Sjá má sýnishorn af
klippingum og hárgreiðslum, gripum smíðuðum í eldsmíði, einni
elstu málmiðngreininni, og vélarhlutum sem smíðaðir eru í tölvu-
stýrðum iðnvélum. Þá má sjá tölvuteikningar og ýmislegt fleira tengt
mannvirkjagerð.
Yfirskrift sýningarinnar að þessu sinn er „Hugur og hönd hanga
saman“.
Sýningin stendur til og með sunnudeginum 26. maí og er opin virka
daga milli klukkan 9 og 17 og klukkan 14 og 18 um helgar.
Hönnuðir á borð við Diane von Furstenberg, Manolo Blahnik og Mario Testino fengu það skemmtilega verkefni að hanna grímur fyrir góðgerðardansleikinn Animal Ball sem samtökin Elephant Family og Habitat for Humanity standa
fyrir þann 9. júlí. Grímurnar munu allar draga dám af dýrum í útrýmingarhættu
en dansleikurinn er einmitt haldinn til að safna fé til að styrkja starf sam-
takanna tveggja.
Gestalistinn á ballinu verður ekki af verri endanum. Sex
hundruð af fínasta og ríkasta fólki Bretlands verða á staðnum
en veislustjóri verður Karl Bretaprins. Gestirnir verða
að punga út þúsund pundum fyrir hvert sæti en
fá í staðinn að eiga eina af hinum sérhönnuðu
grímum. Ballið verður haldið í Lancas-
ter House og verða 24 herbergi
hússins skreytt í anda
dýraríkisins.
ROBBIE
HONEY
DIANE VON
FURSTENBERGRACHEL
TREVOR
MORGAN
MARIO
TESTINO
MANOLO
BLAHNIK
JASPER
CONRAN
NATALIE
ELLNER
HUGUR OG HÖND HANGA SAMAN
er yfirskrift vorsýningar Iðnskólans í
Hafnarfirði sem opnuð verður í dag.
MYND/GVA
Mörkinni 6 | 108 Reykjavík | S: 568 2533 | www.fi.isFERÐAFÉLAG ÍSLANDS
Komin út
ÁrbókFerðafélags Íslands2013
Árbókarferð með Hjörleifi Guttormssyni í júní
Ferðafélag Íslands stendur fyrir árbókarferð um Norðausturland 22. - 23. Júní.
Hörleifur Guttormsson náttúrufræðingur höfundur árbókar er fararstjóri í ferðinni.
Árbókarsvæðið nær meðal annars yfir Vopnafjörð, Langanesströnd, Þórshöfn og
Langanes, Þistilfjörð, Melrakkasléttu, Núpasveit, Öxarfjörð og Hólsfjöll. Afréttum
og fjalllend viðkomandi byggðarlagai einnig lýst í árbókinni.
Sjá nánar um ferð á www.fi.is Skráðu þig inn – drífðu þig út