Fréttablaðið - 01.08.2013, Qupperneq 18

1. ágúst 2013 FIMMTUDAGUR| FRÉTTIR NEYTENDUR | 18
Bankastofnanir og greiðslukorta-
fyrirtæki ráða viðskiptavinum
frá því að greiða fyrir vöru eða
þjónustu í íslenskum krónum
þegar þeir rétta fram greiðslu-
kort sitt bjóði viðkomandi selj-
andi upp á slíka þjónustu.
„Við höfum alltaf ráðlagt að
borgað sé í aðalmynt landsins
sem dvalið er í. Verslanir geta
bætt gjaldi ofan á verð vörunn-
ar eða þjónustunnar. Þeim ber
skylda til þess að gefa það upp
en fólk getur lent í vandræðum
með að nálgast það. Þar að auki
er óvíst við hvaða gengi versl-
anir miða,“ segir Guðný Helga
Herberts dóttir, upplýsinga-
fulltrúi Íslandsbanka.
Undir þetta tekur Kristján
Kristjánsson, upplýsingafulltrúi
Landsbankans. „Allajafna borg-
ar sig ekki fyrir viðskiptavin að
þiggja umreiknaða upphæð því
gengið verður óhagstæðara þar
sem kaupmaðurinn eða færslu-
hirðirinn tekur eitthvað fyrir
þjónustuna.“ Kristján bætir því
við að sumir líti þó á þetta sem
kost þar sem þeir viti með þessu
nákvæmlega hvað þeir greiða.
Bergþóra Karen Ketils dóttir,
forstöðumaður viðskiptavers hjá
Borgun, tekur fram að mikilvægt
sé að korthafinn sé með vitaður
um gengi viðkomandi gjaldmiðils
þegar hann ákveður hvora leiðina
hann vill fara.
„Almennt séð er ódýrast að
versla vöru eða þjónustu erlend-
is beint með greiðslukorti á hefð-
bundinn hátt.“
Jóhanna M. Jóhannsdóttir,
þjónustustjóri hjá Valitor, segir
greiðslukortafyrirtækið mæla
með því að korthafar breyti ekki
upphæð í íslenskar krónur þegar
þeir eru staddir erlendis. „Okkur
þykir öruggara að nota gjaldmiðil
viðkomandi lands því þá er allt
reiknað eftir föstum stöðlum
frá Vísa/Mastercard í stað þess
að verslanir geti lagt prósentu á
upphæðina sem við vitum í raun
ekki hver er.“ ibs@frettabladid.is
Hefðbundin korta-
greiðsla er ódýrust
Fjármálastofnanir mæla með því að ekki sé greitt í íslenskum krónum þegar
greiðslukortið er straujað erlendis. Óvíst er við hvaða gengi seljendur miða.
Réttir orkumerkimiðar voru aðeins
á 8 prósentum heimilistækja í raf-
tækjaverslunum sem Neytenda-
stofa gerði könnun hjá. Merkingarn-
ar eiga að auðvelda neytendum að
sjá á aðgengilegan hátt upplýsingar
um tegund, orkunýtni, árlega orku-
notkun, hávaða og önnur helstu ein-
kenni vörunnar eftir því sem við á,
að því er segir á vef Neytendastofu.
Farið var í 14 raftækjaverslanir
og kannaðar 300 vörur af fimm mis-
munandi gerðum, það er þvottavél-
ar, þurrkara, ísskápa, frystikistur
og uppþvottavélar.
Aðeins var að finna orkumerking-
ar á 25 tækjum. Á þeim tækjum sem
orkumerkingar voru ekki aðgengi-
legar utan á tækjunum var þær oft-
ast að finna inni í tækjunum sjálf-
um. Verslanir Elko komu best út
úr könnuninni, þar voru 16 heim-
ilistæki með orkumerkingu utan á
tækjunum.
Sjónvarpstæki voru einnig skoð-
uð þar sem ný reglugerð kveður
á um að orkumerkingar skuli nú
einnig vera á þeim. Í ljós kom að
þriðjungur sjónvarpstækja var
með orkumerkimiða límdan fram-
an eða aftan á. Tækin voru í versl-
unum Sjónvarpsmiðstöðvar innar,
Max raftækja og Bræðranna
Ormssonar. - ibs
Neytendastofa segir raftækjaverslanir verða að bæta orkumerkingar:
Aðeins 8% tækja rétt merkt
„Bestu kaup sem ég hef gert eru gúmmístígvél frá Marc Jacobs sem ég
keypti í New York fyrir nokkrum árum á 10 dollara,“ segir Heiða Kristín
Helgadóttir, framkvæmdastjóri þingflokks Bjartrar framtíðar.
„Það besta við kaupin var að maður fékk risastóran Marc Jacobs-
poka undir stígvélin. Þannig gat maður gengið stoltur um stræti
borgarinnar, líkt og maður ætti sand af seðlum,“ segir Heiða og hlær,
en stígvélin sjálf hafa reynst Heiðu afar vel þó svo að pokinn hafi verið
toppurinn á kaupunum.
„Verstu kaup sem ég hef gert eru hins vegar rauður Volkswagen-bíll
sem ég keypti árið 2010. Bílnúmerið var BL-200 sem var það eina góða
við bílinn. Það var mjög sterk reykingalykt í honum og svo drap hann
alltaf á sér á rauðu ljósi. Ég þurfti að finna leið frá heimili mínu að
Höfða þar sem ég átti von á því að mæta einungis grænum ljósum,
það var ekkert alltaf alveg grænt ljós,“ segir Heiða sem keypti sér nýjan
bíl ári seinna.
- le
NEYTANDINN Heiða Kristín Helgadóttir
Gengur um í gúmmístígvélum frá Marc Jacobs
Lággjaldaflugfélagið Ryanair hefur í sparnaðarskyni skipað flugmönnum
sínum að fljúga hægar, að því er segir í frétt Dailymail. Flugfélagið hyggst
einnig bjóða upp á auglýsingar utan á vélum sínum.
Með því að draga úr hraðanum eykst flugtíminn að meðaltali um 2 mín-
útur á klukkustund. Við þetta minnkar eldsneytiskostnaður flugfélagsins um
15 prósent.
Talsmenn Ryanair halda því fram að vegna hitabylgjunnar í Evrópu hafi
færri keypt flugmiða á netinu en vonast hafði verið til. Talið er að tekjurnar
eigi eftir að lækka enn frekar.
FLUGMÖNNUM SKIPAÐ AÐ FLJÚGA HÆGAR
Á SÓLARSTRÖND Á sumum vinsælum ferðamannastöðum erlendis bjóða verslanir og veitingastaðir viðskiptavinum sem greiða
með korti að breyta upphæðinni í íslenskar krónur.
GREIÐSLUKORT Á Íslandi er boðið upp
á myntvalslausn. Ef kortið er erlent er
verðið bæði sýnt í íslenskum krónum og
gjaldmiðli korthafans. Samkvæmt upp-
lýsingum frá Valitor nemur þóknunin 3
prósentum af verði vörunnar eða þjón-
ustunnar. Seljandi fær hluta þóknunar-
innar endurgreidda frá kortafyrirtækinu.
ÞVOTTAVÉL Neytendur eiga að geta
séð merkingu með orkunýtni og árlegri
orkunotkun auk annars.
NÝ
JU
NG
!
VAL ER UM 2 VIKUFERÐIR
20. - 27. ÁGÚST OG
27. ÁGÚST - 03. SEPTEMBER
SUMARGOLF
Á ALMERÍA
PIERRE VACANCES - GOLF
Pierre Vacances er glæsileg ný
íbúðagisting í Roquetas de Mar.
Garður með tveimur sundlaugum
og barnalaug.
VERÐDÆMI - 7 NÆTUR:
129.900 KR
á mann m.v. 2 fullorðna í íbúð.
NÁNAR Á UU.IS
Fleiri gistingar í boði inni á urvalutsyn.is