Fréttablaðið - 01.08.2013, Qupperneq 2

1. ágúst 2013 FIMMTUDAGUR| FRÉTTIR | 2
BRASILÍA Á síðustu fimm árum hafa 35 þúsund manns horfið sporlaust
í Rio de Janeiro í Brasilíu, samkvæmt opinberum skrám.
Meðal þeirra er 42 ára gamall múrari, sex barna faðir, sem lögregl-
an handtók vegna gruns um aðild að fíkniefnasmygli. Hann var látinn
laus nokkrum dögum síðar en síðan hefur ekkert til hans spurst.
Mannréttindasamtök í Brasilíu hafa reynt að vekja fólk til umhugs-
unar um öll þessi mannshvörf, meðal annars með uppákomu á Copa-
cabana-ströndinni í Rio í gær. - gb
Tíðum mannshvörfum mótmælt í Brasilíu:
Tugir þúsunda horfnir sporlaust
MÓTMÆLI Á STRÖNDINNI Á ströndinni við Rio de Janeiro stóðu þrjár manneskjur
vafðar í hvít klæði til að vekja athygli á mannshvörfum í landinu. FRÉTTABLAÐIÐ/AP
EFNAHAGSMÁL Til skoðunar er í
fjármálaráðuneytinu að leggja til
hækkun á lífeyrisaldri opinberra
starfsmanna í 67 ár til að bjarga
fjárhag Lífeyrissjóðs starfsmanna
ríkisins. Hækkunin myndi bæta
fjárhag A-deildar sjóðsins um 60
milljarða króna og fara langleið-
ina með að leysa vanda hans.
„Auðvitað er það ein leið sem
myndi gera mikið til framtíðar
litið,“ segir Bjarni Benedikts-
son fjármálaráðherra en tekur
þó fram að ekki sé tímabært að
segja til um hvaða leiðir sérstak-
ur starfshópur ráðuneytisins um
málið mun leggja til. - þþ
Reyna að leysa vanda LSR:
Skoða hækkun
lífeyrisaldurs
Eiríkur, færðu nokkuð Svans-
merkið með þessum aðgerð-
um?
„Nei, enda sækist ég ekki eftir
því. Vildi heldur fá frið frá þessum
blessuðu álftum.“
Eiríkur Egilsson, bóndi á Seljavöllum, vill fá
leyfi til þess að skjóta álftir þar sem þær
leggjast á repjuakra hans. Svansmerkið er
opinbert umhverfismerki Norðurlanda.
LÖGREGLUMÁL Vél Icelandair á
leið frá Keflavík til Seattle var
snúið við eftir tæplega klukku-
stundarlangt flug og lenti á Kefla-
víkurflugvelli um gærkvöldi.
Guðjón Arngrímsson, upplýs-
ingafulltrúi Icelandair, segir
ástæðuna vera „óásættanlega
hegðun“ farþega, sem var hand-
tekinn við lendingu. Að sögn ann-
ars farþega reyndi maðurinn að
opna útgöngudyr vélarinnar, en
Guðjón gat ekki staðfest það.
Öryggisreglur kveða á um að
skipta þurfi um áhöfn í tilfellum
sem þessum og urðu því frekari
tafir á fluginu. - hva
Hegðaði sér óásættanlega:
Vél snúið við
vegna flugdólgs
KJARAMÁL Samningsaðilar í deilu
geislafræðinga mættu á Eiríksstaði
upp úr klukkan ellefu í gærmorgun
og stóðu fundahöld fram eftir degi.
Gert var fundarhlé en aftur verður
sest að samningaborðinu klukkan
sjö til að ræða nýjar hugmyndir.
Ekki náðist í fulltrúa samnings-
aðila áður en Fréttablaðið fór í
prentun, en bæði Katrín Sigurðar-
dóttir, formaður Félags geisla-
fræðinga, og Björn Zoëga, for-
stjóri Landspítalans, kváðust í
kvöldfréttatíma Stöðvar tvö vera
bjartsýn.
Samningar þurftu að takast fyrir
miðnætti í gær, því þá áttu upp-
sagnir 46 geislafræðinga við Land-
spítalann að taka gildi.
Katrín sagði mjög alvarlega
stöðu skapast ef geislafræðingar
gengju út en hún veit ekki hvað
felst í neyðaráætlun spítalans sem
þá tekur við.
Hún segir að geislafræðingar
vilji fá það metið að þeir séu mjög
sérhæfð starfsstétt. Hún vildi þó
ekki ræða nánar í hverju hinar
nýju hugmyndir til lausnar deilunni
væru fólgnar. - hþ, gb
Samningsaðilar í deilu geislafræðinga sátu á fundum í gærkvöldi:
Bjartsýni á að saman næðist
KATRÍN SIGURÐARDÓTTIR Formaður
Félags geislafræðinga sagði mjög alvar-
lega stöðu skapast ef geislafræðingar
gengju út. FRÉTTABLAÐIÐ/ANTON
EGYPTALAND, AP Stuðningsmenn
Múhameds Morsí höfðu hreiðr-
að um sig í götuvígjum í Kaíró í
gærkvöld, en bráðabirgðastjórn
landsins hafði skipað lögreglunni
að láta til skarar skríða og fjar-
lægja mótmælendur af götum
borgarinnar.
Múhamed Ibrahím innanríkis-
ráðherra sagði að gengið yrði
til verks í áföngum en vonaði að
mótmælendur myndu sjálfir fara
af vettvangi svo að ekki kæmi til
átaka. - gb
Umsátursástand í Kaíró:
Mótmælendur
reistu götuvígi
SPURNING DAGSINS
www.fronkex.is
Súkkulaðibitakökur
kemur við sögu
á hverjum degi
DÓMSMÁL Íslenskur héraðsdómslögmaður, sem sætti
fyrr á árinu gæsluvarðhaldi vegna gruns um að hann
tengdist innflutningi á tæpum 300 grömmum af kóka-
íni til landsins, var ekki ákærður í málinu. Í dómi yfir
einum smyglaranna segir að margt styðji þann fram-
burð lögmannsins að hann hafi aldrei hitt smyglarann.
Dómurinn yfir manninum, hinum þýska Andreas
Michael Leyendecker, var kveðinn upp í gær, degi eftir
53 ára afmælisdag hans. Hann hlaut sextán mánaða
fangelsisdóm fyrir að standa að innflutningi á kóka-
íninu, alls 283 grömmum. Annar Þjóðverji, sem flutti
efnin til landsins innvortis, hafði áður játað sök og
verið dæmdur í tíu mánaða fangelsi.
Við komuna til landsins í byrjun mars sagðist Leyen-
decker ætla að færa fíkniefnin íslenskum lögmanni,
Snorra Sturlusyni, sem var í kjölfarið handtekinn og
úrskurðaður í gæsluvarðhald.
Snorri neitaði hins vegar sök frá upphafi, sagði þann
þýska hafa komist í samband við hann í gegnum skjól-
stæðing hans sem nú byggi í Suður-Ameríku, og að
hann hafi talið að Leyendecker vildi koma hingað til
lands til að eiga viðskipti með ávaxtakaffi.
Í niðurstöðu Héraðsdóms Reykjaness segir að fram-
burður Leyendeckers hafi „í öllum atriðum verið með
ólíkindum, reikull og misvísandi þannig að erfitt er
að henda reiður á hann“ og í ósamræmi við framburð
allra annarra.
Þá hafi lýsing hans á útliti Snorra verið „í algjörri
andstöðu við raunveruleikann“, sem styðji þann fram-
burð Snorra að þeir hafi aldrei hist. - sh
Þýskur fíkniefnasmyglari sagðist ætla að færa efnin íslenskum lögmanni:
Lögmaðurinn ekki ákærður
LEIFSSTÖÐ Þjóðverjarnir tveir voru handteknir í Flugstöð
Leifs Eiríkssonar í byrjun mars. FRÉTTABLAÐIÐ/VALLI
ATVINNUMÁL Mannekla hjá lögregl-
unni á Selfossi og í Borgarnesi er
farin að setja mark sitt á löggæsl-
una á svæðunum. Á báðum svæð-
unum verða lögregluþjónar að for-
gangsraða.
„Það geta liðið klukkustundir
áður en við komumst á vettvang
þar sem tilkynnt er um innbrot og
stundum eru slík tilfelli látin bíða
til næsta dags,“ segir Frímann
Baldursson, varðstjóri hjá lögregl-
unni á Selfossi.
Theodór Þórðarson, yfirlög-
regluþjónn í Borgarnesi, segir lög-
gæsluna í sínu umdæmi mun slak-
ari en metnaður hans manna standi
til. Hann segir ástandið brothætt.
„Við erum að skrölta þetta á einum
lögreglubíl meðan við ættum að
hafa þrjá,“ segir hann. Þar að auki
er oft einn lögregluþjónn á kvöld-
vöktum. „Það er talsvert á þann
lögreglumann lagt í átta þúsund
ferkílómetra umdæmi og með
hundrað kílómetra af þjóðvegi
eitt,“ segir Theodór. Hann segir
það einnig leiðinlegt hlutskipti að
þurfa að kalla á lögreglumenn úr
fríum til að hlaupa undir bagga.
„Við gerum það náttúrulega ekki
að gamni okkar að kalla menn úr
fríum. Við leitum ýmissa leiða
áður, en þó er þetta nokkuð sem
við þurfum að búa við þar sem við
höfum ekki fengið að ráða afleys-
ingamenn núna fjórða sumarið í
röð,“ segir hann.
Þar að auki segir hann að lög-
regluembættið hafi ætlað að leita
í veikindasjóð til að taka á málum
þegar veikindi bar að í röðum lög-
reglumanna en þá var ráðuneytið
búið að ráðstafa þeim sjóði til ann-
arra nota. „Ég held að þetta sé ekki
lögbundið af hafa þennan sjóð en
áður var það svo að hægt var að
leita í hann,“ bætir hann við.
Hann segir enn fremur að þeir
sem leiti til lögreglunnar hafi sýnt
þessu mikinn skilning. „Fólk veit
bara hvernig þetta er. En svo eru
það hinir kúnnarnir okkar sem
kvarta náttúrulega aldrei. Þá á ég
við þá sem eru að keyra ölvaðir eða
undir áhrifum annarra vímuefna,
þeir kvarta náttúrulega ekkert
þótt við höfum ekki uppi á þeim.
En viljum við hafa það svoleiðis?“
Sjö fastráðnir lögregluþjónar
starfa í Borgarnesi en voru níu
fyrir tveimur árum.
„En við höfum farið þetta langt
á jákvæðninni, þetta er bara harð-
duglegt fólk hérna,“ segir Theodór.
jse@frettabladid.is
Lögreglan hringir út
menn í sumarfríum
Lögreglumenn á Selfossi og Borgarnesi komast oft ekki á vettvang vegna mann-
eklu. Innbrotstilkynningar bíða oft afgreiðslu til næsta dags. Lögreglan í Borgar-
nesi ætlaði að leita í veikindasjóð en búið var að ráðstafa honum í annað.
THEODÓR ÞÓRÐARSON YFIRLÖGREGLUÞJÓNN Til eru margar lögregluhúfur á
lögreglustöðinni í Borgarnesi en það vantar höfuðin til að fylla þær.
FRÉTTABLAÐIÐ/JÓN SIGURÐUR
En svo eru það hinir
kúnnarnir okkar sem
kvarta náttúrulega aldrei.
Þá á ég við þá sem eru að
keyra ölvaðir eða undir
áhrifum annarra vímuefni,
þeir kvarta náttúrulega
ekkert þótt við höfum ekki
uppi á þeim. En viljum við
hafa það svoleiðis?
Theodór Þórðarson
yfirlögregluþjónn í Borgarnesi