Fréttablaðið - 01.08.2013, Blaðsíða 64

1. ágúst 2013 FIMMTUDAGUR| SPORT | 52
Lið 13. umferðar
Gunnleifur Gunnleifsson Breiðabliki
Guðmann Þórisson FH
Kristján Hauksson Fylki
Aron Bjarki Jósepsson KR
Guðjón Pétur Lýðsson Breiðabliki
Alfreð Már Hjaltalín Víking Ó.
Daniel Craig Racchi Valur
Oddur Ingi Guðmundsson Fylki
Kristinn Freyr Sigurðarson Val
Kjartan Henry Finnbogason KR
Garðar Jóhannsson Stjörnunni
FÓTBOLTI FH fékk vænan liðsstyrk
á lokadegi félagaskiptagluggans í
gær þegar Davíð Þór Viðarsson sneri
heim. Davíð Þór hefur verið á mála
hjá danska liðinu Vejle í eitt ár. Hann
fékk samningi sínum við félagið rift
og samdi við FH til tveggja ára.
„Það var gert í góðu,“ segir Davíð
Þór um brottförina frá Danmörku.
Miðjumaðurinn lék með Öster í Sví-
þjóð þar til í ágúst í fyrra þegar hann
hélt til Danmerkur. Spurður hvort
ekki sé erfitt að yfirgefa Danmörku
þegar hann sé að ná valdi á tungu-
málinu segir hann:
„Sem betur fer náði ég ekkert að
breyta úr sænsku yfir í dönsku. Mér
hefur alltaf fundist danska hræðilegt
tungumál. Hvað tungumálið varðar
þá er ég mjög ánægður með að vera
á leiðinni heim.“
Davíð Þór varð Íslandsmeistari
með FH fimm sinnum á árunum
2004-2009. Hann er væntanlegur til
landsins á föstudag og klár í slaginn
þegar FH sækir ÍBV heim í deildinni
á laugardag. Hann verður einnig
gjaldgengur með FH í Evrópuverkefn-
um liðsins að loknum síðari leiknum
gegn Austria Vín á þriðjudag.
Davíð Þór samdi við Hafnfirðinga
til ársins 2015. - ktd
Alltaf fundist danska hræðilegt tungumál
TITLL Líkurnar á að FH verji Íslands-
meistaratitilinn minnkuðu ekki við
tíðindi gærdagsins. FRÉTTABLAÐIÐ/DANÍEL
FÓTBOLTI Félagaskiptagluggi KSÍ lokaði á mið-
nætti í gær en fjölmargir erlendir leikmenn
gengu til liðs við íslensk félög í Pepsi-deild
karla í knattspyrnu.
Alls gengu fimm leikmenn til liðs við
Skagamenn í félagaskiptaglugganum en liðið
hefur gengið frá samningum við fjóra erlenda
leikmenn á undanförnum sólarhringum. Vals-
menn hnepptu fjóra leikmenn og þar af þrjá
af erlendum uppruna.
Hafnfirðingurinn Davíð Þór Viðarsson
gekk í raðir uppeldisfélag síns FH en hann
hefur fimm sinnum orðið Íslandsmeistari með
FH á sínum ferli og var fyrirliðið liðsins áður
en hann hélt út í atvinnumennsku.
Elfar Freyr Helgason samdi einnig við upp-
eldisfélag sitt Breiðablik í gær en hann var
í Íslandsmeistaraliði Breiðabliks árið 2010.
Bæði lið fengu því frábæra leikmenn í sínar
raðir. Eyjamenn fengu framherjann Aziz
Kemba frá Úganda. - sáp
Átján erlendir leikmenn komu í glugganum
Það var nóg um að vera á félagaskiptamarkaðnum í Pepsi-deild karla í knattspyrnu í gær. Glugginn lokaði.
FÓTBOLTI Englandsmeistarar
Manchester United undirbúa
nú hæsta tilboð í sögu félagsins
í spænska miðjumanninn Cesc
Fabregas frá Barcelona.
Forráðamenn Manchester
United hafa nú þegar boðið í leik-
manninn í tvígang en þeim til-
boðum hafa stjórnendur Barce-
lona neitað.
Búlgarinn Dimitar Berbatov
var keyptur til Manchester
United fyrir 30,75 milljónir
punda árið 2008 og var það met í
sögu félagsins. Liðið mun nú vera
að undirbúa tilboð sem hljóðar
upp á hærri upphæð.
Gerardo Martino, nýráðinn
knattspyrnustjóri Barcelona,
hefur samt sem áður gefið til
kynna að öllum tilboðum í Fabre-
gas verði neitað og hann eigi sér
framtíð hjá Barcelona.
Skotinn David Moyes, sem
tók við sem knattspyrnustjóri
Manchester United í maí, hefur
aðeins fest kaup á einum leik-
manni, úrúgvæska bak verðinum
Guillermo Varela. Stjórinn
hyggst styrkja liðið töluvert
meira, en það ætlar að ganga
erfið lega. - sáp
Risatilboð í
Fabregas
EFTIRSÓTTUR Cesc Fabregas gæti verið
á leiðinni til Englands. NORDICPHOTOS/GETTY
HANDBOLTI ÍBV hefur samið við
slóvenska varnartröllið og línumann-
inn Matjaz Mlakar. Þetta staðfesti
Arnar Pétursson, þjálfari Eyjamanna, í
samtali við Fréttablaðið í gær.
Mlakar er margreyndur Slóveni
sem hefur leikið 111 landsleiki fyrir
þjóð sína. Hann er væntan-
legur til Eyja fljótlega eftir
Þjóðhátíð og er mikill
liðsstyrkur fyrir ÍBV,
sem leikur á ný á
meðal þeirra bestu í
vetur.
Mlakar er 31 árs og
var síðast á mála hjá
Maribor Branik í Slóveníu og
þar á undan Cimos Koper.
ÍBV mætir ÍR í Austur-
bergi í 1. umferð N1-
deildar karla laugardag-
inn 21. september. - ktd
Eyjamenn fá reynslumikinn línumann
SPORT
FÓTBOLTI „Þetta var fullkominn
dagur og alveg geggjað. Framar-
arnir eru auðvitað með fínt lið og
þetta var kærkominn sigur. Mark-
ið gerði þetta auðvitað hrikalega
sætt,“ segir Kristján Hauksson,
leikmaður Fylkis. Miðvörðurinn
skoraði eitt marka Árbæjarliðsins
sem vann afar sannfærandi sigur
á Fram í 13. umferð Pepsi-deildar-
innar.
Að lokinni fyrri umferð Íslands-
mótsins var Fylkir með fjögur stig
og hafði ekki tapað leik. Nú hafa
Valur og Fram fengið að kenna á
Árbæingum í síðustu leikjum og
Fylkir kominn í betri mál með tíu
stig.
„Við hefðum getað kroppað í
fleiri stig í fyrri umferðinni. Við
vorum ekki það lélegir að við
ættum bara að vera með fjögur
sig,“ segir Kristján. Ásgeir Börkur
Ásgeirsson, miðjumaðurinn grjót-
harði, sneri heim í Árbæinn fyrir
leikina tvo og hafa margir tengt
gott gengi Fylkis við komu hans.
Við erum ekkert sloppnir
„Það er erfitt að útskýra áhrifin
sem Börkurinn hefur bæði inni
í klefa og úti á velli. Allir fengu
meiri trú og eru að finna sig
betur,“ segir Kristján. Hann hrós-
ar einnig Andrési Má Jóhannes-
syni í hástert en minnir á að enn
sé mikil vinna fyrir höndum.
„Við erum ekkert sloppnir. Þetta
verður fjögurra eða fimm liða mót
þarna neðst fram í síðasta leik,“
segir Kristján. Gott markmið
Árbæinga sé að vinna það mót.
Það vakti athygli í mars þegar
fréttist að Kristján væri á leið
burtu frá uppeldisfélagi sínu
Fram. Í kjölfarið tilkynnti mið-
vörðurinn 27 ára að hann hygðist
leggja skóna á hilluna.
Yfirgaf Fram ekki í illu
„Ég tók viku eða tíu daga til að
ákveða þetta. Svo eina helgina,
þegar það voru leikir í gangi, fékk
ég á tilfinninguna að ég væri ekki
tilbúinn að hætta strax. Ég fór að
sakna boltans og fannst leiðinlegt
að hætta svona,“ segir Kristján.
Það færist í vöxt að knattspyrnu-
menn kjósi að fagna ekki mörkum
sem þeir skora gegn fyrrverandi
félögum sínum. Allir áhorfendur í
Lautinni á sunnudag geta staðfest
að sú hugsun kom aldrei upp í koll-
inn hjá Kristjáni.
„Ég fór svo sem ekkert í neinu
illu frá Fram. Þeir virtust bara
ekki hafa not fyrir mig,“ segir
Kristján. Hann veltir fyrir sér
hvort hann hefði fagnað hefðu
viðskilnaðurinn við Fram verið á
öðrum nótum, t.d. ef hann hefði
haft frumkvæðið að honum.
„Þá hefði maður kannski ekki
tekið alveg sama pakka. Mér
finnst að menn eigi að fagna mörk-
um, sérstaklega ef menn skora
svona sjaldan.“
Miðvörðurinn hefur ekki tekið
ákvörðun um það hvort hann haldi
áfram að lokinni yfirstandandi
leiktíð. Koma verði í ljós hvort
hann hafi orku og tíma í fótbolt-
ann. kolbeinntumi@365.is
Kryfur lík á milli leikjanna
Varnarmaðurinn Kristján Hauksson fagnaði marki sínu gegn uppeldisfélaginu Fram vel og innilega. Hann
segir komu Ásgeirs Barkar Ásgeirssonar hafa haft mikil áhrif. Tók skóna af hillunni eft ir tíu daga umhugsun.
MEINATÆKNIR Kristján segir að sumarstarfið við krufningar henti honum vel. „Þetta fær ekkert á mig þannig að ég held að
þetta sé bara fullkomið fyrir mig,“ segir læknaneminn. FRÉTTABLAÐIÐ/GVA
1. DEILD KARLA
ÚRSLITIN Í GÆR
KA - KF 1-1
0-1 Jón Björgvin Kristjánsson (82.), 1-1 Brian
Gilmour (89.).
HAUKAR - SELFOSS 2-1
1-0 Hilmar Rafn Emilsson (4.), 2-0 Aron Jóhanns-
son (7.), 1-2 Ingi Rafn Ingibergsson (10.).
LEIKNIR - VÖLSUNGUR 3-0
1-0 Hilmar Árni Halldórsson (10.), 2-0 Hilmar
Árni Halldórsson (84.), 3-0 Ólafur Hrannar
Kristjánsson (86.).
VÍKINGUR R. - FJÖLNIR 0-2
0-1 Aron Sigurðarson (7.), 0-2 Aron Sigurðarson
(56.).
STAÐAN
Haukar 14 7 4 3 27-19 25
Víkingur 14 7 4 7 26-22 25
Grindavík 13 7 3 7 30-18 24
Fjölnir 14 7 3 4 16-15 24
Leiknir 14 6 4 4 24-19 22
KA 14 6 4 4 20-20 22
BÍ/Bolungarv. 13 7 0 6 27-27 15
Selfoss 14 5 2 7 29-25 17
Tindastóll 13 4 5 4 18-21 17
KF 14 3 5 6 15-17 14
Þróttur 13 4 2 7 15-20 14
Völsungur 14 0 2 12 10-34 2
➜ Vistaskipti í Pepsi-deild karla
BREIÐABLIK
Arnar Már Björgvinsson (úr
láni)
Elfar Freyr Helgason (Randers)
Elvar Páll Sigurðsson (úr láni)
FH
Davíð Þór Viðarsson (Vejle)
FRAM
Jon André Röyrane (Noregur)
FYLKIR
Ásgeir Börkur Ásgeirsson
(Sarpsborg 08)
Davíð Einarsson (KR)
Emil Berger (Svíþjóð)
Guy Roger (Ísrael)
ÍA
Hector Pena (Spánn)
Jorge Corella (Spánn)
Joshua Watt (Skotland)
Thomas Sörensen (Danmörk)
ÍBV
Aziz Kemba (Úganda)
Bjarni Gunnarsson
KEFLAVÍK
Endre Ove Brenne (Noregur)
KR
Jonas grönner (Noregur)
Francois E. Dingong (Kamerún)
STJARNAN
Enginn
VALUR
Daniel Craig Racchi (Skotland)
Lucas Ohlander (Danmörk)
Patrick Pedersen (Danmörk)
Sigurður Egill Lárusson (úr
láni)
VÍKINGUR Ó
Antonio Mossi (Spánn)
Juan Torres (Spánn)
Samuel Hernandez (Spánn)
Sergio Lloves (Spánn)
ÞÓR
Enginn
*Ritað þegar blaðið fór í
prentun klukkan 22.KOMINN HEIM Elfar Freyr gekk í gær til liðs við
uppeldisfélag sitt Breiðablik. FRÉTTABLAÐIÐ/ARNÞÓR