Fréttablaðið - 19.02.2014, Blaðsíða 23

VINNUVERND
MIÐVIKUDAGUR 19. FEBRÚAR 2014 Kynningarblað Vinnueftirlitið, Verkfræðistofan EFLA og vinnuverndarvikan 2014.
Nú standa yfir framkvæmdir á svoköll-uðum Lýsisreit. Fyrsti hluti fram-kvæmdanna felst m.a. í sprenging-
um í grunni húss sem þar verður byggt.
Þessar sprengingar hafa valdið íbúum og
starfsmönnum í nærliggjandi húsum ónæði
og sumir telja að tjón hafi orðið á eignum. Af
þessum ástæðum hefur fjöldi kvartana bor-
ist Vinnueftirlitinu.
Starfsmenn Vinnueftirlitsins hafa
frá 13. janúar sl. farið alls fjórum sinn-
um í eftirlitsheimsóknir í kjölfar kvart-
ana vegna sprenginga á Lýsisreitnum
auk þess sem þeir hafa tekið þátt í fund-
um sem haldnir hafa verið með íbúum,
framkvæmdaaðilum og byggingafulltrúa.
Farið hefur verið yfir niðurstöður titr-
ingsmælinga og skoðuð bor-, hleðslu- og
sprengiplön fyrir sprengingarnar. Til að
fylgjast með framkvæmd sprenginganna
hefur Vinnueftirlitið farið fram á viku-
legar útskriftir mælinga meðan á fram-
kvæmdum stendur.
Í tengslum við framkvæmdirnar
hefur verið komið fyrir tveimur mælum
er mæla bylgjuhraða og tíma á milli
sprengiraða. Mælarnir, sem staðsettir
hafa verið eftir framvindu verksins, hafa
sýnt að sprengingar þær er framkvæmdar
hafa verið eru innan þeirra marka sem
reglugerð nr. 684/1999 um sprengiefni
gerir ráð fyrir. Þar eru mörk sett fyrst og
fremst út frá hættu á skemmdum en ekki
sérstaklega öðrum þáttum eins og upplif-
un og ónæði þeirra er búa og vinna innan
áhrifasvæðis sprenginganna.
Í ljósi kvartana og upplifunar íbúa á
svæðinu taldi Vinnueftirlitið rétt að skoð-
aðar yrðu leiðir til að minnka „sprengjuafl-
ið“ í samráði við framkvæmdaraðila verks-
ins. Við því hefur Þingvangur ehf., sem er
framkvæmdaraðili verksins, orðið jafnvel
þó af því hljótist aukinn kostnaður. Það er
von Vinnueftirlitsins að með þeim breyt-
ingum er gerðar hafa verið á skipulagi og
hleðslu við sprengingar á Lýsisreitnum
verði öryggi gegn skemmdum betur tryggt
og óþægindi minni en áður var.
Sprengjuaflið minnkað á Lýsis-
reitnum að beiðni Vinnueftirlits
Framkvæmdir standa yfir á svokölluðum Lýsisreit og felst fyrsti hluti framkvæmdanna í sprengingum í grunni. Íbúar hafa kvartað
yfir ónæði og telja að tjón hafi hlotist á eignum. Vinnueftirlitið hefur beðið framkvæmdaraðila að minnka sprengjuaflið.
Vonast er til að með breytingunum verði öryggi gegn skemmdum betur tryggt. MYND/GVA
Vonast er til að með breytingunum verði öryggi gegn skemmdum betur tryggt. MYND/GVA