Fréttablaðið - 22.03.2014, Síða 94

22. mars 2014 LAUGARDAGUR| MENNING | 58
Allir þekkja söguna um Hans og
Grétu. Óp-hópurinn vill kynna
heim óperunnar fyrir börnum á
skemmtilegan og ævintýraleg-
an hátt og sýnir barnaóperuna
um þau Hans og Grétu tvívegis
á morgun í Salnum, klukkan
11 og 13.30. Sýningin er um
klukkustundarlöng, verkið var
stytt í þeim tilgangi að gera það
aðgengilegra fyrir börn á öllum
aldri.
Tónlist Humperdincks og
texti systur hans, Adelheid
Wette, setja óperuna Hans og
Grétu í skondinn búning en
um leið vekur hún fólk sterkt
til umhugsunar um lífið og til-
veruna. Í tónlistinni leynast stef
sem eru Íslendingum góðkunn
eins og Það búa litlir dvergar
í björtum sal. Þegar að þeim
hluta sýningarinnar kemur er
gestum boðið að taka þátt og
syngja með.
Í uppsetningarferlinu íslensk-
aðist fleira en texti óperunnar
því fjölskyldan rekur lopaverk-
stæði og nornin er ekki með
bakaraofn eins og í upphaflegu
sögunni heldur risastóran pott
sem hún notar til að sjóða kjöt-
súpu.
Leikstjóri er Maja Jantar.
Hún er hollensk en gift Íslend-
ingi og því með sterk tengsl við
landið. Hún hefur sérhæft sig í
uppsetningu barnaópera.
Ekkert hlé er á sýningunni
en hún verður samt brotin upp
því 2. þáttur verður sýndur í
anddyri Salarins og er því for-
eldrum, öfum og ömmum bent á
að gott getur verið að kippa með
sér púðum til að sitja á í öðrum
þætti.
Sýningar eru líka fyrirhugað-
ar sunnudaginn 30. mars klukk-
an 13.30 og 16. gun@frettabladid.is
Setja óperuna
í skondinn búning
Barnaóperan Hans og Gréta verður frumsýnd af
Óp-hópnum á morgun í Salnum í Kópavogi. Næsta
sýning er líka á morgun. Gestir mega syngja með.
NORNIN Bylgja
Dís Gunnars-
dóttir í hlutverki
nornarinnar
bragðar á
kjötsúpunni.
MYND/ SIGURLAUG
KNUDSEN STEFÁNS-
DÓTTIR
TÓNLIST ★★★★ ★
Sinfóníuhljómsveit Íslands
Tónlist eftir Mozart
Einleikari: Hallfríður Ólafsdóttir
Stjórnandi: Leo Hussain
ELDBORG HÖRPU
FIMMTUDAGINN 20. MARS
Maður les alls kyns vitleysu á net-
inu um klassíska tónlist. Til dæmis
að Mozart hafi eitt sinn spurt:
„Hvað er leiðinlegra en ein flauta?
Jú, tvær flautur.“ Reyndar er til
bréf frá honum þar sem hann seg-
ist ekki vera hrifinn af þverflaut-
unni. Líklega var ástæðan sú að
hann var í vondu skapi yfir að ein-
hver hafði pantað verk fyrir flautu
frá honum, sem hann borgaði svo
ekki fyrir. Í öllu falli samdi hann
ekki mikið af einleiksverkum fyrir
flautu, samanborið við píanókons-
ertana sem eru 27 talsins.
Eitt af þessum flautueinleiks-
verkum var á dagskrá tónleika
Sinfóníuhljómsveitar Íslands
á fimmtudagskvöldið. Það var
konsert nr. 1 í G-dúr og var ein-
leikari Hallfríður Ólafsdóttir.
Leikur hennar var sérlega falleg-
ur. Hröð tónahlaup voru skýr og
vandvirknislega leikin. Alls konar
stefbrot voru mótuð af kostgæfni.
Túlkunin í það heila var lífleg og
tilfinningarík. Hljómsveitin spil-
aði líka ágætlega undir stjórn
Leos Hussain. Almennt talað
voru strengirnir vel samstilltir
og annað var í góðu jafnvægi.
Dagskráin var öll eftir Mozart.
Tónleikarnir voru í grænu röðinni
svokölluðu, en hún helgast fyrst
og fremst af léttmeti, a.m.k. mjög
aðgengilegri tónlist. Verk Moz-
arts eru ekki alltaf persónuleg,
hann gat samið glaðlega tónsmíð
þótt allt væri í klessu í einka-
lífinu, fjármálin í rúst og heils-
an slæm. Þetta kemur sterklega
fram í kvikmynd Milos Forman,
Amadeus. Hún er vissulega ekki
sagnfræðilega rétt. En hún sýnir
samt skýrt að tónlist Mozarts var
himnesk. Hún streymdi í gegnum
hann án nokkurrar fyrirstöðu,
þótt hann sjálfur væri hálfgerð-
ur asni. Senan þegar hann liggur
fyrir dauðanum og er að semja
sálumessu er frábær. Fyrst heyr-
ist ein og ein rödd sem oft virk-
ar skringilega, en svo þegar allt
kemur saman er útkoman stór-
fengleg. Það er þess virði að sjá
Amadeus bara út af þessu atriði.
Lítið er að segja um restina af
dagskrá Sinfóníutónleikanna. Við
fengum að heyra balletttónlist
úr fyrstu alvöru óperu Mozarts,
Idomeneo, Maurerische Trauer-
musik (sorgartónlist fyrir Frí-
múrararegluna sem Mozart til-
heyrði) og sinfóníu nr. 36. Það var
gaman að þessu öllu. Sérstaklega
frímúraratónlistinni, sem var
óvanalega raddsett, með kraft-
meiri bassatónum en vaninn er
hjá tónskáldinu.
Danstónlistin og sinfónían liðu
áfram án þess að neitt sérstakt
bæri til tíðinda. Hljómsveitin var
í góðu formi. Mismunandi hljóð-
færahópar voru með sitt á hreinu.
Heildarhljómurinn var þéttur og
sannfærandi. Túlkunin var litrík
og kröftug. Og samt var tónlist-
in svo þægileg áheyrnar að hægt
var að loka augunum og slaka á.
Það er fátt sem kemur manni í
betra skap en að hafa Mozart lágt
stilltan á fóninum heima. Dóttir
mín fæddist einmitt undir slíkum
kringumstæðum. Betri fæðingar-
tónlist er vandfundin.
Jónas Sen
NIÐURSTAÐA: Mozart var prýðilega
útfærður og rann ljúflega niður.
Skapbætandi tónlist
EINLEIKAR-
INN Hallfríður
Ólafsdóttir.
„Leikur
hennar var
sérlega fal-
legur.“
FRÉTTABLAÐIÐ/
VILHELM
➜ Í tónlistinni leynast stef
sem eru Íslendingum góðkunn
eins og Það búa litlir dvergar
í björtum sal.
Halldór B. Runólfsson safnstjóri
verður með leiðsögn um yfir-
litssýningu á verkum Magnús-
ar Kjartanssonar, Form, litur,
líkami: Háspenna/lífshætta á
morgun klukkan 14 í Listasafni
Íslands.
Sýningin er yfirlitssýning á
verkum Magnúsar. Magnús var
meðal þeirra listamanna sem
brúuðu bilið milli formrænnar
myndlistar eftirstríðsáranna –
bæði óhlutbundinnar og fígúra-
tívrar – og póstmódernískrar
listar á 9. og 10. áratug liðinnar
aldar.
Leiðsögn
um sýningu
Magnúsar
LEIÐSÖGN Höfuðfætlur eftir Magnús
Kjartansson.
MENNING