Læknablaðið - 15.06.2002, Blaðsíða 64

UMRÆÐA & FRÉTTIR / RITFREGN
Hjartavernd gefur út bækling um
háþrýsting og heilablóðfall
Hjartavernd hefur gefið út nýjan bækling í ritröð samtakanna um áhættuþætti
hjarta- og æðasjúkdóma. I þessum bæklingi er fjallað um háþrýsting og heila-
blóðfall sem er einn helsti áhættuþátturinn í þeim sjúkdómaflokki.
I inngangi bæklingsins segir svo:
„Háþrýstingur og heilablóðfall tengjast náið. Háþrýstingur eykur verulega
hættuna á því að fá heilablóðfall. Hann er oft einkennalítill. Mæling á blóðþrýst-
ingi er mikilvæg og nauðsynlegt er að taka því alvarlega ef hann mælist of hár.
I bæklingnum er meðal annars sagt frá niðurstöðum úr rannsókn Landspítala-
Háskólasjúkrahúss á tíðni heilablóðfalls.. Sagt er frá flokkun heilablóðfalls,
byrjunareinkennum, meðferð, afleiðingum og áhættuþáttum. Háþrýstingur er
skilgreindur og greint er frá þróun á meðferð hérlendis út frá niðurstöðum úr
Hóprannsókn Hjartaverndar. Þá er sagt frá lyijameðferð við háþrýstingi."
Bæklinginn sem er 16 bls. að stærð má nálgast í afgreiðslu Hjartaverndar,
Holtasmára 1,201 Kópavogi.
Áskrifendur Læknablaösins eru vinsamlega beðnir að tilkynna aðsetursskipti. Tilkynnið
breytingar á heimilisfangi í síma 564 4104 eða í netfang: ragnh@icemed.is
Við flutning til útlanda
Við flutning til útlanda fellur niður áskrift að Læknablaðinu sem greidd er með félagsgjöldum
til LÍ. Læknar sem vilja halda áskrift að blaðinu þurfa að æskja þess sérstaklega. Áskriftar-
gjald er kr. 6.000 án virðisaukaskatts og ber að greiða fyrirfram. Sími vegna áskriftar
Læknablaósins er 564 4104; netfang: ragnh@icemed.is
528 Læknablaðið 2002/88