Læknablaðið - 15.03.2006, Page 55

UMRÆÐA & FRÉTTIR / LÆKNINGAHÚMOR
Aðalfundur félags um lækningahúmor
Aðalfundur HÍFL, Hins íslenska félags um
lækningahúmor, var haldinn að Hótel Loftleiðum
þann 19. janúar 2006 í tengslum við Læknadaga.
Andstætt við aðra stórlæknafundi var þessi ekki
„makalaus“ í neinum skilningi. Aðalfundarins
hafði verið beðið með nokkurri eftirvæntingu
vegna þess að búist var við miklum átökum vegna
stjórnarkjörs í félaginu og hugsanlegs „sprengi-
framboðs".
Formaður félagsins, Bjarni Jónasson, setti
fundinn og stýrði honum af sinni alkunnu rósemi.
Skýrsla stjórnar fyrir árið 2005 og reikningar voru
fram lögð og kynnt samkvæmt lögum félagsins.
Viðstaddir luku lofsorði á kynninguna og sam-
þykktu hvort tveggja. Að auki var árgjald félagsins
fyrir næsta starfsár, kr. 2006, samþykkt einróma. Þá
var komið að stjórnarkosningunni sem allir biðu
eftir. Kjörnefnd félagsins lagði til að tveir sitjandi
stjórnarmenn, þeir Bjarni Jónasson, formaður, og
Jóhann Heiðar Jóhannsson, meðstjórnandi, yrðu
endurkjörnir. Óvænt var engum andmælum hreyft
og ekkert heyrðist af sprengiframboðinu þannig að
báðir náðu kjöri til næstu tveggja ára. Fyrir í stjórn
var Friðrik Vagn Guðjónsson, varaformaður. Pá
voru endurkosnir í kjörnefnd þeir Jón Eyjólfur
Jónsson og Ólafur Mixa og var þeim fagnað með
ástríðufullu lófaklappi. Kjörnefndin lagði til að
Sigurður Guðmundsson skyldi enn sinna starfi
skoðunarmanns reikninga og var það sömuleiðis
samþykkt með lófunum.
Sérstakir gestir fundarins voru norski læknirinn
Stein Tyrdal, forseti Nordisk Selskap for Medisinsk
Humor, og kona hans Astrid Gjerland. Stein flutti
fyrirlestur um hina ýmsu eiginleika lækningahúm-
ors og þær hættur sem stafað gætu af beitingu hans.
Var honurn ákaft fagnað og þau heiðursgestirnir
leystir út með bókargjöf.
Undir liðnum: „Önnur mál og uppákomur" var
eftirfarandi tillaga einróma samþykkt:
Aðalfundur HÍFL (Hins íslenska félags um
lækningahúmor) haldinn að Hótel Loftleiðum
19. jan. 2006 harmar þá fljótræðislegu ákvörðun
fyrrverandi forráðamanna Læknablaðsins að
leggja niður hið næringarríka „Broshorn" sem
þó augljóslega hefur stuðlað að þeirri velgengni
Læknablaðsins að það hefur núna náð því tak-
marki að vera skráð í MEDLINE. Skorar fund-
urinn á nýja ritnefnd að hefja að nýju birtingu
„Broshornsins“ með einum eða öðrum hætti.
Áður en fundi var slitið var fyrrverandi varafor-
maður, Pétur nokkur Pétursson, aldavinur for-
manns HÍFL, heiðraður fyrir störf sín í þágu
félagsins og áratuga fylgispekt. Matur og drykkur
voru um hönd höfð og um munn tekin. Örvaði
fóður þetta félagsmenn til ýmissa upphrópana og
orðaskipta um aðra félagsmenn og hástemmdra
yfirlýsinga um starf og framtíð félagsins sem ekki
voru til bókar færð. Fundi var slitið að áliðnu
kvöldi og fór þá væntanlega hver til síns heima.
Fréttatilkynning frá HÍFL.
Egils Snorrasonar fyrirlesturinn 2006
The paradigm shift in scientific methodology and in
medical ethics after The Second World War
- a self-experienced near-history
Povl Riis.
Fyrirlesari: Professor Povl Riis DR. MED. HC. FRCP, Danmörku
Hringssal á Landspítala laugardaginn 1. apríl kl. 11.00.
Fyrirlesturinn er fluttur á ensku og öllum opinn.
Professor Povl Riis er íslenskum læknum að góðu kunnur fyrir fjölda námskeiða og erinda
um læknisfræði, tölfræði, siðfræði o.fl. sem hann hefur haldið á íslandi.
Hann hefur heimsótt ísland 50 sinnum.
Að fundi loknum eru kaffiveitingar í boði Félags áhugamanna um sögu læknisfræðinnar.
Heimasíða: www.icemed.is/saga/
Læknablaðið 2006/92 231