Læknablaðið - 15.05.2008, Síða 37

Ú R
UMRÆÐUR 0 G FRÉTTIR
PENNA STJÓRNARMANNA LÍ
Rafræn sjúkraskrá
Sigurður
Böðvarsson
sigurdbo@landspitali.is
Stjórn LÍ
Birna Jónsdóttir,
formaður
Sigurður E. Sigurðsson,
varaformaður
Sigurveig Pétursdóttir,
gjaldkeri
Sigríður Ó. Haraldsdóttir,
ritari
Elínborg Bárðardóttir
Kristján G. Guðmundsson
Ragnar Freyr Ingvarsson
Sigurður Böðvarsson
Þórarinn Guðnason
I pistlunum Úr penna
stjórnarmanna LÍ birta
þeir sínar eigin skoðanir
en ekki félagsins.
Stjórn Læknafélags íslands hélt árlegan vorfund
sirtn 28. mars síðastliðinn. Þema fundarins var
rafræn sjúkraskrá. Framsögu höfðu nokkrir góðir
gestir og röktu þeir ýmsar hliðar á þessu verkefni.
María Heimisdóttir gerði grein fyrir stöðu
rafrænnar skráningar á Landspítala. Stefnt er að
vistun allra gagna með rafrænum hætti og áhugi
er á samvinnu við aðrar sjúkrastofnanir. Áhersla
hefur til þessa verið lögð á rafræn lyfjafyrirmæli
og rannsóknaniðurstöður. Fyrirhuguð er að setja
á fót svokallaða Heilsugátt. Hún er hugsuð sem
anddyri eða gátt starfsmanna að upplýsingum
sem síðan er að finna í mismunandi gagnasöfnum.
Þá er unnið að uppbyggingu upplýsingasíðna
fyrir sjúklinga og aðstandendur.
Torfi Magnússon reifaði þau lög og reglur sem
gilda um skráningu og meðferð rafrænnar sjúkra-
skrár bæði hér á landi og í öðrum Evrópulöndum.
Ljóst er að huga verður vel að persónuverndar-
sjónarmiðum. Gæta þarf vel að því hvað er skráð
og ekki síður hverjir hafa aðgang að þeim upplýs-
ingum. Einnig þarf að huga vandlega að heimild-
um til að miðla upplýsingum milli stofnana.
Valgerður Gunnarsdóttir kynnti stöðu mála
hjá heilsugæslu höfuðborgarsvæðisins. Líkt og á
Landspítala er markmiðið að auka gæði og hag-
ræðingu í pappírslausu umhverfi. Læknabréf
berast nú rafrænt frá spítalanum til heilsugæsl-
unnar og nokkurt aðgengi er að rannsóknakerf-
um. Unnið er að sameiginlegri sjúkraskrá sjúk-
lings sem allar heilsugsælustöðvar hafi aðgang
að. Áhugavert þróunarverkefni er í gangi við
heilsugæslustöðina í Álfheimum sem gerir sjúk-
lingum meðal annars kleift að senda inn rafrænt
fyrirspurnir varðandi tímapantanir og lyfseðla-
endurnýjanir.
Guðrún Auður Harðardóttir lýsti sjónarmiðum
ráðuneytis. Ljóst er að mikill áhugi er almennt
fyrir aukinni rafrærmi stjómsýslu hér á landi og
rafræna sjúkraskrá má nýta með hliðsjón af klín-
ískum leiðbeiningum og öðrum gæðavísum. Hér
eins og víðar hefur fjármagnsskortur tafið virrnu.
Sigurður Guðmundsson landlæknir tók síð-
astur til máls á þessu ágæta málþingi. Hann rakti
eftirlits- og skráningarhlutverk landlæknisemb-
ættisins og nauðsyn skráningar til grundvallar
allrar framtíðargreiningar og stefnumörkunar í
heilbrigðiskerfinu. Finna þarf jafnvægi milli per-
sónuverndar sjúklinga og öryggis með tilliti til
aðgangsheimilda.
Hinn 22. apríl síðastliðinn var haldinn mjög
áhugaverður fræðslufundur á vegum „Fókus"
í fundarsal læknafélaganna um rafræna lyf-
seðla. Frummælendur voru Gurtnar Alexander
Ólafsson frá heilbrigðisráðuneytinu, Arnar Þór
Guðmundsson heilsugæslulæknir á Selfossi og
Þórbergur Egilsson forstöðumaður lyfja- og
þróunarsviðs Lyfju. Fram kom að nú í næsta mán-
uði er fyrirhugað að urrnt verði með hugbúnaði
Heklu að senda rafræna lyfseðla frá sjúkrahúsum
og heilsugæslustöðvum á höfuðborgarsvæðinu.
Þessi möguleiki hefur verið fyrir hendi á lands-
byggðinni um nokkurt skeið og er reynslan frá
Selfossi góð.
Af framansögðu má ráða að mikill gangur er
í rafrænni meðferð sjúkragagna hér á landi og er
það vel. Séu hagsmunir og öryggi sjúklinga höfð
að leiðarljósi verður auðvelt að þróa slík kerfi hér
á landi og reyndar höfum við allar forsendur til að
vera í fararbroddi á þessu sviði meðal vestrænna
þjóða. Að mínu viti er mikilvægt að hér á landi
verði komið á fót heilbrigðisneti á landsvísu er
taki til allra þátta heilbrigðisþjónustunnar. Þá
ætti einu að gilda hvort sjúklingur leiti til heilsu-
gæslustöðvar, sjúkrahúss eða sjálfstæðrar lækn-
ingastofnunar, - alls staðar ættu læknar að komast
að nýjustu og áreiðanlegustu upplýsingum um
sjúklinginn, heilsufarssögu, lyfjatöku, ofnæmi,
blóð- og myndgreiningarrannsóknir. Það segir sig
sjálft að slíkar upplýsingar myndu auka öryggi £
meðferð sjúklinga og draga úr tvítekningu hvað
rannsóknir varðar.
Að lokum hvet ég lækna til að mæta á félags-
fund Læknafélags Reykjavíkur sem haldinn verður
um þessi mál 20. maí næstkomandi klukkan 20.00
í húsakynnum læknafélaganna. Frummælendur
verða meðal annarra úr þeim hópi sem hér hefur
verið nefndur að framan. Búast má við líflegum
og skemmtilegum umræðum sem vonandi munu
þoka þessu mikilvæga máli nokkuð á leið.
LÆKNAblaðið 2008/94 389