Læknablaðið - 15.05.2008, Síða 51

U M R Æ Ð
U R
S J
0 G FRÉTTIR
ÚKRASKRÁR
Að loknum Læknadögum 2008 sendu átta læknar Landspítala heilbrigðisráðherra eftirfarandi bréf þar sem
gallar Sögukerfisins eru tíundaðir og eindregið óskað eftir að rafræn sjúkraskrá verði tekin til gagngerrar end-
urskoðunar hið allra fyrsta.
Reykjavík 31.01.08
Hæstvirtur heilbrigðisráðherra,
Á nýliðnum Læknadögum kynnti Dr. Thomas Edes, yfirlæknir heimaþjónustu VA-heilbrigðiskerfisins í Bandaríkjunum, breytingar sem þar
hafa átt sér stað á síðustu árum. VA-kerfið hefur gjörbreyst á síðustu 10 árum hvað varðar bæði gæði og skilvirkni. Sjúklingafjöldi sem nýtir
sér þjónustu kerfisins hefur tvöfaldast og gæði á öllum sviðum aukist. Á sumum sviðum hefur náðst framúrskarandi árangur en kostnaður við
hvem sjúkling hefur nánast staðið í stað á árunum 1998-2006 meðan kostnaður við annað opinbert heilbrigðistryggingakerfi, Medicare, hefur
vaxið um u.þ.b. 30%. Stjómendur VA-kerfisins þakka afrakstur breytinganna einkum þremur þáttum:
1. Samtengdu rafrænu sjúkraskrárkerfi.
2. Gæðastarfi, þ.e. klínískum leiðbeiningum, gæðavísum og gæðaeftirliti.
3. Áhersla starfseminnar hefur færst frá hefðbundinni bráðaþjónustu yfir í yfirgripsmikla samfellda fmmþjónustu.
Yfirgripsmikil samfelld fmmþjónusta byggir á markvissu eftirliti og meðferð langvinnra sjúkdóma, sem hefur að leiðarljósi samfellu og
heildaryfirsýn á vandamál sjúklingsins. Hluti af þeirri nálgun felst í bættri heimaþjónusta fyrir aldraða sem hefur skilað u.þ.b. 85% fækkun
á innlögnum á hjúkmnarheimili, 50% fækkun á sjúkrahúsinnlögnum og 25% minni heildarútgjöldum á hvern notanda heimaþjónustu í VA-
kerfinu.
Kynmng Thomas Edes á rafrænm sjúkraskrá VA-kerfisins hefur vakið lækna Landspítalans og á landinu öllu enn á ný til umhugsunar um stöðu
rafrænnar sjúkraskrár á sjúkrahúsinu. Það er mat margra lækna að núverandi rafrænt sjúkraskrárkerfi Landspítala og heilsugæslu (Saga) sé
afar ófullkomið og í raun óviðunandi.
Læknaráð Landspítalans ályktaði í tvígang á síðasta ári um sjúkrarskrármái spxtalans og hvatti til að þau yrðu tekin til gagngerrar endurskoð-
unar. Þessar ályktanir fylgja með þessu bréfi. Vankantar rafrænnar sjúkraskrár á Landspítala em eftirfarandi:
1. Persónuverndarákvæði hamla nýtingu kerfisins.
a. Persónuvemdarákvæði virðast vega þyngra en öryggi sjúklinga. Læknar hafa oft ekki aðgang að upplýsingum um sjúklinga sem
þeir armast. Þar með hefur persónuvemdin snúist upp í andhverfu sína.
b. Sú nálgtm sem beitt er við hindrun aðgangs að upplýsingum í rafrænni sjúkraskrá spítalans skaðar starfsemina og er frábmgðin
því sem annars staðar þekkist.
2. Saga, sem er klímskt skráningarumhverfi, uppfyllir ekki þær kröfur sem gera þarf til nútímalegs gagnavirmslu- og sjúkraskrár-
kerfis. Enda er kerfið gamalt og á rætur sínar í heilsugæslunni en ekki sjúkrahúsaþjónustu.
a. Grundvallaruppbygging er röng.
b. Kerfið er of flókið í notkirn, þar sem hver notandi þarf að stilla kerfið með mismunandi hætti.
c. Útfærslur sem byggja á upplýsingatækni og eiga að styðja við klíníska ákvarðanatöku em vanþróaðar í Sögu-kerfinu.
a. Klínískar leiðbeiningar er ekki að firma í tengslum við kerfið.
b. Gátlista vantar vegna vinnu við sjúklinga (svipað og gerist hjá flugmönnum).
c. Ámirmingar, viðvaranir og ábendingar vantar.
3. Öflun upplýsinga úr kerfinu er ákveðnum vandkvæðum bimdin.
a. Það torveldar stjómun og áætlanagerð.
b. Kerfið nýtist ekki við gæðaeftirlit.
4. Rafrænn flutningur gagna milli eininga innan stórra stofnana eins og LSH og milli stofnana eins og spítala, heilsugæslu og einkarek
irrna læknamiðstöðva, er lítt virkur.
5. Samþætting við önnur rafræn kerfi eins og lyfjafyrirmæli, skurðstofukerfi, rarmsóknarstofur og röntgen er ekki fyrir hendi.
Við undirrituð fögnum jákvæðum viðhorfum heilbrigðisráðherra til frekari uppbyggingar rafrænnar sjúkraskrár og á íslandi og óskum eftir því
að hann taki þennan málaflokk til gagngerrar endurskoðunar hið allra fyrsta.
Málið er afar brýnt og óskum við eftir fundi með þér sem fyrst til að kynna sjónarmið okkar og hugmyndir til úrbóta.
Virðingarfyllst,
Aðalsteinn Guðmundsson lyf- og öldrunarlæknir, Landspítala
Guðjón Birgisson sérfræðingur í almcnnum skurðlækningum, Landspítala
Helga Hansdóttir yfirlæknir almennra öldrunarlækningadeilda, Landspítala
Páll Torfi önundarson yfirlæknir blóðmeinafræðideildar, varaformaður læknaráðs Landspítala
Runólfur Pálsson yfirlæknir nýrnalækninga, ritari læknaráðs Landspítala
Sigurður ólafsson lyf- og meltingarlæknir, formaður skipulags og þróunamefndar læknaráðs Landspítala
Viðar Eðvarðsson bamalæknir, gæðastjóri lækninga á Bamaspítala Hringsins
Þorbjörn Jónsson sérfræðingur í ónæmis- og blóðgjafarfræði, formaður læknaráðs Landspítala
LÆKNAblaðið 2008/94 403