Þjóðlíf - 01.07.1988, Blaðsíða 20

INNLENT
„Sífellt fleiri rannsóknir á efn-
um til varnar sjúkdómum
benda til þess aö nokkur
næringarefni dragi úr tíöni
krabbameins í þekjuvef lík-
amans. Meðal þeirra eru A, C
og E vítamín, /3-karótín (for-
veri A vítamíns) og selen".
Hennekens C.H., M.J. Stampfer & W. Willett:
Channing Laboratory. Department of
Medicine, Harvard Medical School and
Brigham and Women's Hospital, and the
Department of Epidemiology, Harvard
School of Public Health, Boston, MA
Cancer Detection and Prevention 1984 7,147.
Hollar Omega-3 fitusýrur
fyrir hjarta og æöakerfi. Ekk-
ert annað lýsisþykkni á ís-
landi er auöugra af omega-3
fitusýrum, þ.e. 50% innihald
af EPA og DHA. Hylkin inni-
halda ekki A- og D-vítamín.
J/4 TÓRÓ HF
Siöumúla 32. I08 Reykjavik. a 686964
Jarteikn og fyrirboðar
Rœtt við Sverri
Haraldsson bónda,
um landsins gagn og
nauðsynjar, og
hugsanlegt
Heklugos.
Sverrir Haraldsson, bóndi á Selssundi undir
Heklu hlær stórum þegar blaðamaður Þjóö-
lífs spyr hann hvort hann sé búinn að gera
einhverjar viðeigandi ráðstafanir varðandi
sig og fjölskylduna, ef Hekla færi kannski að
gjósa á næstunni.
— Ég veit nú ekki hvort gos er í nánd, en
það er ansi fróðlegt að fylgjast með þessum
fyrirboðum. Ég tók eftir því fyrst um mán-
aðamótin mars—apríl að vatnsmagn í lækj-
um hafði minnkað þó nokkuð. Smálækir
þornuðu jafnvel alveg upp. Og það fannst
engin venjuleg skýring á þessu, úrkomuleysi
virðist til dæmis yfirleitt ekki hafa nein áhrif
á vatnsmagn í lækjum hér í sveitinni og þetta
var einmitt á sama tíma og leysingarnar voru
sem mestar. Það er algengt að yfirborð lækja
hafi lækkað um þetta 12-15 sentimetra. Þetta
er svipað og gerðist svona hálfu öðru til
tveimur árum fyrir gosin 1970 og 1980, svo að
ýmislegt bendir nú til að Hekla eigi þarna
hlut að máli.
— Kolsýrumagn í vatni hefur verið mælt
víða hér í kring og virðist það vera mikið.
Það fannst fyrst í Rangárbotnum og síðan
alla leið hingað til mín og virðist vera mest á
þessum tveim stöðum en minna á milli. End-
anlegar niðurstöður um magnið eru þó ekki
komnar.
mu var nú þannig í fyrra þegar stóri
skjálftinn kom hér á Suðurlandi, sem margir
kölluðu Suðurlandsskjálftann, að þá flæddu
lækir við Keldur yfir bakka sína, svo að þetta
getur nú haft ýmsar ásjónur.
Fannstu eitthvað fyrir jarðskjálftunum,
sem fundust á Suðurlandi í júní?
— Nei, við fundum nú ekkert fyrir þeim
hér. Það fannst eitthvað á bæjum hér í ná-
grenninu, en það var þó lítið. Én ég er alltaf
jafnhræddur við skjálfta, svo að þegar ég
heyri um þá í námunda við mig, þá finnst mér
ég alltaf finna einhvern titring. En ég spái
aldrei Heklugosi, þó að ég sé alltaf við því
búinn. Það er nú ekki víst að það verði í
okkar tíð. Hver veit?
En hvernig hefur svo tíðarfarið verið?
— Ég kvarta nú ekki undan því. Júní var
svona frekar hryssingslegur, en í júlí hefur
verið mjög góð tíð. Spretta er að vísu seinna
á ferðinni en undanfarin ár, en þau voru nú
svoddan góðæri, að það er kannski ekki rétt
að miða eingöngu við þau. Annars hefur
verið hér um 20 stiga hiti undanfarið og ég
fer að byrja sláttinn alveg á næstunni.
— Fullvirðisrétturinn hjá mér er innan
við 150 ærgildi, en vísitölubúið er í kringum
400 ær svo þetta kallast nú ekki stórbúskap-
ur. Þetta gengur þó, það fóðrast býsna mikið
4 þijóskunni. Ég ákvað fyrir þó nokkru síðan
að gefast ekki upp á þessu á meðan Jón
Helgason er enn landbúnaðarráðherra. í
hans tíð hefur verið gerð einhver frekasta
atlaga að meðalbændum á landinu sem
þekkst hefur. Auðvitað vissu allir að eitt-
hvað varð að gera í þessum málum, en þetta
var nú kannski frekar hömlulaust. En maður
gefst ekki upp. Við viljum vera hér áfram. Á
bæjunum hér í kring, svokölluðum Heklu-
bæjum, eru flestir sauðfjárbændur og við er-
um á því stigi fjárhagslega að við getum ekki
hætt búskap, þótt við vildum. Það er ekki
hægt að hlaupa slyppur frá þessu.
— Annars þýðir ekki lengur að snúa sér
að þjóðkjörnum mönnum í þessu landi. Þeir
eru ekki raunverulegstjórnvöld. Valdið ligg-
ur allt hjá peningamönnum og bönkunum.
Það þarf að slíta þetta úr samhengi. Ég get
heldur aldrei skilið að verkalýðsforystan
skuli sitja á Alþingi. Það er margsannað mál
að það eru ekki þingmenn í verkalýðsforyst-
unni sem hafa fleytt fólki þangað sem það er
komið, heldur er það dagleg barátta, sagði
Sverrir Haraldsson, bóndi á Selssundi undir
Heklu, og var þar með rokinn út að vinna.
Sagðist vera að stækka fjárhúskofa fyrir Jón
Helgason.