Frjáls verslun - 01.01.2013, Page 73

FRJÁLS VERSLUN 1. 2013 73
Menntunin síðast
Hann var í björgunarsveit flug­
hersins, meðal annars í Ví etn am,
og að lokinni herþjónustu tók
atvinnulífið við. Hann varð sölu ­
maður og stjórnandi hjá banda ­
rískum stálframleiðanda, stofn aði
síðan eigið fyrirtæki í „stálbrans­
anum“ og græddist fé.
Þegar Rick var orðinn ríkur
seldi hann fyrirtækið. Það var
árið 1989 og hann ætlaði að
hætta vinnu en tók að sér tvö
verkefni við að endurskipu­
leggja illa stödd fyrirtæki.
Árang urinn vakti athygli og Rick
var nauðugur viljugur kominn
inn á nýtt svið. Hann var orðinn
ráðgjafi í stjórnun og rekstri en
alveg ómenntaður í faginu.
„Ég stofnaði ráðgjafarfyrirtæki
með félaga mínum og fór um
leið að leita mér háskólamennt­
unar. Það gekk í áföngum með
vinnu og áður en 15 ár voru
liðin var ég kominn með æðstu
háskólagráðu,“ segir Rick.
Rick lauk doktorsprófi í stjórn­
un árið 2005 en er kominn á
eftirlaunaaldur eftir því sem oft
gerist í Bandaríkjunum. Hann
hafði ætlað að setjast í helgan
stein þegar fyrirtækið var selt
árið 1989. Hann byrjaði á því
að vinna og græða og fór svo í
nám og enn meiri vinnu.
Menntun er góð en
ekki allt
Rick byggir ráðgjöf sína bæði
á eigin reynslu og menntun.
„Menntun er mjög góð. Í skóla
lærir maður að hugsa hlutlægt,
lærir að nota kenningar og sjá
hlutina í stærra samhengi. En
kenningarnar passa ekki alltaf
við raunveruleikann. Þá er gott
að geta staðið báðum fótum á
jörðinni,“ segir Rick um viðhorf
sitt til menntunar.
Sem ráðgjafi fékk hann of
mikið að gera. Hann enda sent­
ist út og suður við fyrirlestrahald
og vinnu við að endurskipu­
leggja fyrirtæki. Sum voru stór,
önnur smá, og vandi fyrirtækj­
anna lá oft hjá stjórn þeirra.
„Þegar ráðgjafi kemur í fyrir­
tæki óttast allir um vinnu sína.
Ráðið er oft að segja upp fólki
og stundum er það óhjákvæmi­
legt en vandinn byrj ar aldrei hjá
fólkinu á gólfinu. Hann byrjar á
toppnum,“ segir Rick.
Hann segist því oft hafa orðið
að leggja til uppsagnir til að
bjarga einhverjum störfum en
framtíðarlausnin felst í því að
skóla stjórnendur fyrirtækisins
að nýju.
Missa jarðsambandið
„Ég hef veitt því athygli að oft
myndast skil á milli stjórnenda
í fyrirtæki og þeirra sem eiga
að vinna vinnuna,“ segir Rick.
„Stjórnendurnir eru allir mjög
hæfir í stjórnun en það hefur
til dæmis gleymst að skóla þá
í sölumennsku. Ef varan eða
þjónustan selst ekki skiptir
engu hve mikið stjórnendurnir
vita um stjórnun.“
Þetta hefur sannfært Rick
um að besta ráðið í stjórnun
sé að halda sig á jörðinni.
„Ég byggi þetta bæði á minni
eigin reyn slu sem sölu­ og
markaðsmaður og menntun á
sviði stjórnunar,“ segir hann.
Núna er hann búinn að selja
upphaflegt ráðgjafarfyrirtæki
sitt en sinnir sex völdum við­
skipta vinum í Bandaríkjunum
og Kanada.
„Ég sinni núna bara þeim
viðskiptavinum sem ég vil hafa
og bara ef mér finnst að ég
hafi eitthvað fram að færa. Ég
vil ekki halda í viðskiptavini
til þess eins að hafa af þeim
peninga. Þarf þess ekki,“ segir
Rick.
Golf með Kristmanni
í Pfaff
Milli þess sem Rick gefur ráð
skrifar hann bækur og greinar
um stjórnun og heldur nokkra
fyrirlestra á ári. Í hléum leikur
hann golf með Kristmanni í Pfaff
á Flórída.
„Ég tek mér alltaf góð frí og þá
erum við hér hópur sem njótum
lífsins í The Village á Flórída. Ég
kynntist Kristmanni í gegnum
golfið. Hann er afskap lega góður
félagi og hefur vit á viðskiptum
en við reynum að tala um allt
annað þegar við erum úti á
vellin um,“ segir Rick og hlær.
Hann lýsir starfsemi sinni
sem eins konar blöndu af
rekstrar ráðgjöf og markþjálfun.
„Markþjálfun er það sem allir
íþróttaþjálfarar hafa gert um
langan aldur: Það er að reyna
að laða fram það besta í hverj­
um einstaklingi,“ segir Rick.
„Mínar hugmyndir ganga út á
að rekstrarráðgjöfin og mark­
þjálfunin fari saman,“ segir Rick
og um þetta hefur hann skrifað
bækurnar, sem nú eru orðnar
þrettán.
Dekkið og malbikið
Rick notar gjarnan líkingamál
til að koma boðskap sínum á
framfæri. Hann segir að færir
stjórnendur breytist oft í ein­
mana úlfa í stað þess að vera
forystuúlfar. Ein af bókum hans
heitir einmitt „Turning Lone
Wolves Into Lead Wolves“.
Hann líkir einnig fræðum
sínum við það þegar hjólbarði
snertir malbik: Markmiðið er
ekki að spóla með miklum lát­
um og reyk heldur að komast
áfram! Stjórnun fjallar um „dekk­
ið og malbikið“ að mati Ricks.
Rick hefur líka skrifað ung l­
inga bók um rótleysi mótunar­
áranna og nauðsyn þess að
taka réttar ákvarðanir til að
komast áfram í lífinu.
Í fyrirlestrum sínum og grein­
um leggur hann áherslu á
mjúkan stjórnunarstíl. Hinn „al­
valda stjórnandi“ heyrir sögunni
til að mati Ricks. Fyrirtækjum er
stjórnað af teymum sem vinna
saman.
lítil trú á Obama
Um leið segist Rick vera fremur
íhaldssamur maður. Hann hefur
ekki trú á að hægt sé að koma
fyrirtæki á réttan kjöl með því
að auka eyðsluna. Það sama á
við um ríkið. Það er ekki hægt
að „eyða sig út úr vandanum“,
segir Rick.
Um framtíð bandarísks efna­
hagslífs á síðara kjörtímabili
Baracks Obama forseta segist
Rick ekki óttast kreppu en spáir
að það verði mjög hægur vöxt­
ur eða jafnvel stöðnun.
„Það liggur núna mikið fjár­
magn ónotað. Það fer að lokum
út í fjárfestingar og kemur í
veg fyrir kreppu. En eyðslu­ og
skattastefna Obama dregur úr
vextinum,“ segir Rick.
Rick er því engin launung á
að hann studdi Mitt Romney
í liðnum forsetakosningum.
„Með Romney hefði ríkið verið
skorið niður, dregið úr eyðslu
og skattar lækkað. Það hefði
leitt af sér myndarlegan vöxt
og mörg ný atvinnutækifæri. Ég
studdi Romney 100%,“ segir
Rick Johnson.
„Stjórnendur eru
allir mjög hæfir í
stjórnun en það hef­
ur til dæmis gleymst
að skóla þá í sölu­
mennsku. Ef varan
eða þjónustan selst
ekki skiptir engu hve
mikið stjórnendurnir
vita um stjórnun.“
„Ef varan eða þjón­
ustan selst ekki
skipt ir engu hve
mik ið stjórnendurnir
vita um stjórnun.“
stjórnun