Listin að lifa - 01.03.2004, Qupperneq 18

■ I ■
KYNNING:
Fötin skapa manninn
- Veljið föt sem gera eitthvaö fyrir ykkur, segir Anna Gunnarsdóttir
Fjóla Guómundsdóttir var kærkominn gestur, svo samvinnuþýð og tilbúin að finna veikleika í sínu útliti.
Konur festast oft í ákveðnum litum og fatnaði, sem dregur útlit þeirra niður. Eldri konur klæðast tíðum
litlausum fötum eða velja fölgrábrúna liti. Með aldrinum fölnar húðin, hárið og augun, eldri konur þurfa
því skærari liti! Þær velja oft fatnað sem gerir ekkert fyrir þær, eru í þægilegum golftreyjum eða
beinsniðnum bolum, sem draga hvorki fram mitti né axlarbyggingu, og buxurnar eru með rykkingu að
framan sem gerir þær magameiri. Kápuval er iðulega frakki með laskermum, þá verður miðjan svo breið
og axlirnar litlar. Þyngdarpunktur á alltaf að veljast út frá axlalínu! Skóna vantar oft stíl, ferskleika eða liti.
Þægilegir skór geta líka verið fallegir, t.d. gefur þvertáin fallegan stíl. Veljið ekki alltaf rúnnaða tá. Munið,
skórnir og taskan skapa rammann utan um ykkur!
Horfum nú aðeins á Fjólu. Líkami
með hennar byggingu er stundum
nefndur venusarvöxturinn. Fjóla er
stundaglas sem þýðir að mjaðmir og
brjóstlína eru jafnbreið. Frægasta
stundaglasið er Marilyn Monroe.
Fjóla er með gott mitti og glaðlegt
andlit.
Hún er glæsileg og smekkleg kona.
Samt má gera hana enn glæsilegri. í
útliti hennar ætla ég að lengja hálsinn
og hana sjálfa. Peysan, sem hún var í
fyrir breytingu, gerði hana feitari
vegna vasanna, svo hefði hún átt að
velja bol eða peysu í sama lit og bux-
urnar til að lengja líkamann. Lítil
kona ætti alltaf að klæðast sem mest
samlitum klæðnaði. Ég valdi að-
skoma dragt með rúnnaða boðunga
svo að hún sýndist hærri. Aðskorin
flík leggur líka áherslu á mittið. Bol-
urinn er með flegnu hálsmáli til að
lengja hálsinn.
Hárblik sá um hárið. Ég og Jónína,
eigandi Hárbliks, vorum sammála um
að hár Fjólu væri alltof rautt, hún ætti
að nota kaldari tóna. Hárið var líka
klippt örlítið upp í hnakkann til að fá
lengingu á hálsinn. Gæta verður þess
að hafa ekki hárið of dökkt, þegar
maður fer að eldast, heldur að hafa
ljósa tóna með.
Takið Fjólu ykkur til fyrirmyndar.
Jákvæð kona geislar út frá sér.
sAnna (uj útlMÁ
18