Listin að lifa - 01.03.2004, Síða 58

í síðustu tölublöðum blaðsins hafa ýmsir okk-
ar félagar verið að fjalla um samskiptin við
stjórnvöld að undanförnu. Margrét Margeirs-
dóttir hefur t.d. farið ágætlega yfir og rifjað
upp ábendingar og ályktanir svokallaðs stýri-
hóps Heilbrigðisráðuneytisins um stefnumót-
un í málefnum aldraðra. Sá hópur tók saman
og ráðuneytið gaf út ítarlega skýrslu í mars
2003 um þessa stefnumótun til næstu tólf
ára. í þeirri skýrslu eru að finna margar góðar
ábendingar. Þar er hins vegar ekki aö finna,
né heldur í lögum, nógu skýr ákvæði um
hverjum beri að koma hinum góðu tillögum
og ábendingum í framkvæmd.
Nú er loks komið fram í dagsljósið frumvarp til breytinga á
lögum um málefni aldraðra. Frumvarp sem er sagt ætlað að
tryggja framgang tillagna samstarfshóps ríkisstjórnarinnar
og Landssambands eldri borgara frá nóvember 2002. Til-
lögur samstarfshópsins voru um níu skilgreind atriði sem
ríkisstjórn hét, með yfirlýsingu dagsettri 19. nóvember
2002, að beita sér fyrir að koma í framkvæmd á næstu
tveim til þremur árum. Því miður verður að segjast eins og
er að efndir þessa af hálfu stjórnvalda hafa verið heldur
dapurlegar. Hið eina af samkomulagsliðunum níu frá 19.
nóvember 2002, sem segja má að fyllilega hafi komið til
framkvæmda skv. því, er breytingin á tryggingagreiðslum
við tvenn síðustu áramót.
Að vísu er hjúkrunarheimilið að Vífilsstöðum nú að taka
til starfa, en ári seinna en ætlað var og þar eru einungis
fimmtíu vistrými í stað sjötíu sem gert var ráð fyrir í sam-
komulaginu. En hið nýja hjúkrunarheimili að Vífilstöðum
er að vísu ákaflega vistlegt og líklegt að starfsemi þar verði
mjög góð.
Stjórn Landssambands eldri borgara hefur ítrekað á síð-
ustu mánuðum farið fram á að hin formlega samráðsnefnd
ríkisstjórnarinnar og LEB yrði kölluð saman til þess að fara
yfir stöðuna um framkvæmd samkomulagsins frá nóvem-
ber 2002. Slíkur fundur hefur ennþá ekki fengist haldinn og
heldur ekki settur til starfa neinn sameiginlegur hópur til
þess að sjá um framkvæmdina. Efnisatriði samkomulagsins
áttu að komast til framkvæmda á næstu tveim til þrem
árum frá gerð þess, skv. yfirlýsingu ríkisstjórnarinnar dags.
19. nóvember 2002.
Nú er sá tími meira en hálfnaður, þannig að nú ætti að
vera kominn tími til að fara að undirbúa nýtt samkomulag.
En það er kannski eins með þetta eins og með lögin um
málefni aldraðra, að það vantar í þau ákvæði um hverjum
beri að tryggja framkvæmd laganna, t.d. um uppbyggingu
hjúkrunarheimila. Og það er heldur ekki að finna í hinu
nýja frumvarpi um breytingar á þeim lögum nein ákvæði
um það atriði. Á þessu verður að ráða bót. I framhaldi af
þessari frásögn af samskiptunum við stjómvöld er kannski
rétt vegna pistils Tryggingastofnunar í síðasta tölublaði af
Listin að lifa að upplýsa eftirfarandi:
Þar var af hálfu stofnunarinnar gerð ítarleg grein fyrir
nýjum háttum um gerð tekjuáætlana sem stofnunin sendi út
til viðskiptavina sinna, vegna ársins 2004. Slík tekjuáætlun,
gerð í samráði við þann sem tryggingargreiðslurnar á að fá,
verður trúlega í framtíðinni til mikilla bóta og dregur úr
óþægilegum uppgjörsmálum löngu eftir á. En þá er líka
mikilvægt að áætlunardrögin, sem send eru út frá stofnun-
inni, séu sent réttust miðað við þekktar forsendur og spár
um tekjur komandi árs. Einnig hitt að viðkomandi einstak-
lingur sendi inn til stofnunarinnar leiðréttingar á áætluninni
ef hann telur þörf á, eða ef tekjuforsendur hans breytast.
(Sjá ennfremur á bls. 37).
í þessu tilfelli nú, urn útsendingu Tryggingastofnunnar á
tekjuáætlunum, urðu að mati LEB þau mistök af hálfu
stofnunarinnar að hækkun lífeyrissjóðstekna einstaklinga
var almennt metin verulega hærri en rök lágu til. Trygging-
arstofnun áætlaði að hækkun lífeyrissjóðstekna milli
tveggja ára yrði almennt 10%.
Þessu mótmælti LEB með bréfi til stofnunarinnar og
óskaði eftir leiðréttingu. Rökin fyrir því voru að bæði
heildarsamtök lífeyrissjóða og Seðlabanki Islands áætla að
almenn hækkun tekna frá lífeyrissjóðum á umræddu tíma-
bili verðj innan við 5%. Stofnunin taldi ekki ástæðu til að
verða við óskum LEB um þessa leiðréttingu.
Það er því fyllsta ástæða til að hvetja það fólk sem telur
ranglega áætlaða hækkun lífeyrissjóðstekna sinna að senda
inn leiðréttingu ef það hefur ekki þegar gert það vegna
tekjuáætlunar stofnunarinnar fyrir árið 2004.
^ííeneAifit fbavíássMV,
fonnaður LEB
58