Fréttatíminn - 09.01.2015, Page 31

Námskeið Helgin 9.-11. janúar 2015
Höldum heilanum
og líkamanum við efnið
Þegar nýtt ár gengur í garð líta margir á það sem kjörið tækifæri til að gera eitthvað nýtt og spenn-
andi. Þekking er eitthvað sem við getum alltaf bætt við okkur og því ætti það að gleðja marga að
úrval námskeiða hefur líklega aldrei verið fjölbreyttara hér á landi en einmitt núna. Endurmenntun
HÍ býður til dæmis upp á fjöldann allan af spennandi námskeiðum, en þar trónir námskeið um Egils
sögu á toppi vinsældalistans. Tungumál, tækninám af ýmsu tagi, vettvangsnám í sjávarfræðum á
Vestfjörðum, samkvæmisdansar, forritun fyrir krakka og sjálfstyrkingarnámskeið ásamt mörgu öðru
eru dæmi um námskeið sem nálgast má frekari upplýsingar um hér á næstu síðum.