Fréttatíminn - 09.01.2015, Qupperneq 58

 LeikList Björn thors fór með BuBBa á hraunið á aðfangadag
Kenneth
Máni aftur
á Hraunið
Hefð er fyrir því á aðfangadag
að Bubbi Morthens haldi tón-
leika á Litla-Hrauni og taki með
sér einhverja gesti í hvert sinn.
Á nýliðnum aðfangadegi var
engin breyting þar á og með
Bubba í för voru rithöfundurinn
Einar Kárason og lífskúnstner-
inn Kenneth Máni. Fangar Litla-
Hrauns fögnuðu komu Kenneths
það mikið að nú stendur til að
hann haldi einkasýningu á ein-
leik sínum úr Borgarleikhúsinu
á Litla-Hrauni um mánaðamót-
in. Björn Thors leikari sagði það
hafa verið magnaða upplifun að
fara á Hraunið með Bubba.
Þ etta var furðulega hátíð-legt,“ segir Björn Thors leikari um ferð sína með
Bubba Morthens á Litla-Hraun á
aðfangadag.
„Það er sannur jólaandi í loftinu
þarna hjá þeim sem eru í þessum
sporum og á sama tíma merking-
arþrungið fyrir okkur sem eru að
koma í heimsókn á þessum tíma.
Fangarnir fögnuðu Kenneth mjög
og þetta gekk mjög vel,“ segir
Björn, „það vel að við ákváðum að
setja upp sýninguna fyrir þá um
mánaðamótin, og því var fagnað vel
og innilega. Kenneth hafði gam-
an af því, enda maður gleðinnar,“
segir Björn. „Honum leið mjög vel
þarna og var greinilega á heima-
velli. Hann var jafnvel með þá hug-
mynd að hefja landssöfnun undir
nafninu Kenneth heim.“
Bubbi Morthens hefur farið á
hverjum jólum á Litla-Hraun til
tónleikahalds í rúm 30 ár og segir
Björn það hafa verið magnað að
fá að fara með. „Það var gaman
að fylgjast með Bubba þarna og
manni líður eins og maður sé að
gera samfélagslegt góðverk,“ segir
Björn. „Það var sérstök tilfinning
að borða grjónagraut með vörðun-
um og stíga svo á svið til þess að
skemmta föngum. Það er nauðsyn-
legt að leyfa fólki að hlæja og jafn-
vel láta þeim líða eins og frjálsum í
nokkrar mínútur.“
Sýning Kenneths Mána, sem
enn gengur í Borgarleikhúsinu
við góðar undirtektir, verður sýnd
á Litla-Hrauni í kringum mánaða-
mótin og segir Björn að verið sé
að finna réttu dagsetninguna. „Það
er sýnt svo ört í leikhúsinu og það
er verið að finna rétta daginn. Ég
hlakka mikið til, Kenneth varð
til á Hrauninu og honum líður vel
þar. Hann var samt ósköp feginn
að stíga upp í bíl á aðfangadag og
keyra í bæinn,“ segir Björn Thors.
Hannes Friðbjarnarson
hannes@frettatiminn.is
Það er nauðsynlegt að leyfa fólki að hlæja aðeins, segir Björn Thors leikari sem
skemmtir föngum á Litla-Hrauni með Kenneth Mána-sýninguna. Ljósmynd/Hari
Kenneth Máni varð til á Litla-Hrauni í sjónvarpsþáttunum Fangavaktin.
Elín Sif Halldórsdótt-
ir er 16 ára og tekur
þátt í Söngvakeppn-
inni. Ljósmynd/Hari
 sjónvarpið tiLkynnt um höfunda og fLytjendur í söngvakeppninni
16 ára nýliði í Söngvakeppninni
Tilkynnt var í gær, fimmtudag,
hvaða höfundar verða með lög
í Söngvakeppni Sjónvarpsins
sem fer fram í lok mánaðarins,
og hverjir það eru sem flytja
lögin. Lögin eru 12 og höf-
undateymin eru 11. Bræð-
urnir Pálmi Ragnar og Ásgeir
Orri Ásgeirssynir og Sæþór
Kristjánsson eiga tvö lög í
keppninni, en þeir hafa komið
fram undir nafninu StopWaitGo
í fyrri keppnum. Lög þeirra
verða í flutningi Friðriks Dórs
annars vegar og ungrar versl-
unarskólastúlku, Maríu Ólafs-
dóttur, hinsvegar.
Karl Olgeirsson á lag í ár en
hann átti lagið Lífið kviknar á
ný sem komst í úrslit í fyrra.
Haukur Heiðar, söngvari
Diktu, flytur lag Karls. María
Björk á lag í ár eins og undan-
farin ár og er það Regína Ósk
sem flytur. Þá spreytir Bjarni
Hall, söngvari Jeff Who?, sig í
fyrsta sinn í keppninni.
Það vekur athygli að nýtt
nafn skýtur upp kollinum í
ár og er það hin 16 ára gamla
Elín Sif Halldórsdóttir sem
flytur eigið lag og texta, sem
nefnist Í kvöld. Elín er á fyrst
ári í Menntaskólanum við
Hamrahlíð og verður gaman að
fylgjast með hennar frumraun.
Undanúrslitin verða 31. janúar
og 7. janúar og úrslitakvöldið er
14. febrúar. Keppnin mun fara
fram í Háskólabíói. -hf

TENNIS
er skemmtileg hreyfing

Nú er rétti tíminn til að
panta fastan tíma í tennis.
Eigum nokkra tíma lausa.
Skemmtilegu byrjendanámskeiðin
fyrir fullorðna eru að hefjast.
Skráning og upplýsingar í síma 564 4030 eða á tennishollin.is
Jón
Óttar á
ensku
Þættir Jóns
Óttars Ragn-
arsson, Dulda
Ísland, hafa
farið vel af
stað á Stöð 2.
Meðal gesta í
þeim eru Gísli
Gíslason, tilvonandi geimfari, Eiður Smári
Guðjohnsen knattspyrnumaður, Yoko Ono
og Magnús Scheving athafnamaður. Sam-
kvæmt upplýsingum Fréttatímans voru
viðtöl í þáttunum tekin upp bæði á íslensku
og ensku. Það er því viðbúið að Jón Óttar
ætli sér að ná til stærri hóps með þáttinn á
næstunni en áskrifenda Stöðvar 2.
Gus Gus í Gamla bíói
Hljómsveitin Gus Gus heldur tónleika í nýju
og endurnýjuðu Gamla bíói laugardags-
kvöldið 24. janúar. Hljómsveitin hefur
nýlega lokið löngu tónleikaferðalagi um
Evrópu og Bandaríkin og er í frábæru
formi. Miðasala hefst í dag á Miði.is en
miðaverð er 5.900 krónur. Aldurstakmark
er 18 ár.
Biðlistar í bókabúðum
Mikill áhugi
var á bókinni
Sveitin í
sálinni eftir
Eggert Þór
Bernharðsson
sem kom út
fyrir jólin.
Sem kunnugt
er féll Eggert
Þór frá á
gamlársdag, langt fyrir aldur fram. Eftir
fráfall hans hefur áhugi á bókinni síst
minnkað og eru biðlistar í bókabúðum
eftir þeim bókum sem skilað er. Útgefandi
bókarinnar, Forlagið, er nú að skoða
endurprentun.
Tökulið á vegum Wachowski-systkinanna, Lönu og
Lawrence, er nú hér á landi við tökur á áhættuatriðum
fyrir þættina Sense8. Wachowski-systkinin
voru við tökur á þáttunum hér í haust
og höfðu ráðgert að koma aftur í
vetrartökur og til að ná norður-
ljósunum. Ekki er vitað hvort
þessar tökur á áhættuatriðum
séu þriðja heimsóknin eða hvort
þeim er slegið saman
við áðurnefndar
vetrartökur.
Wachowski-
systkinin
eru þekktust
fyrir að hafa
skrifað hand-
rit Matrix-
myndanna.
Netflix hefur
keypt réttinn
af þáttunum
Sense8.
Taka áhættuatriði á Íslandi
58 dægurmál Helgin 9.-11. janúar 2015