Fréttatíminn - 17.04.2015, Side 30

ErlEndar skyndibitakEðjur á Íslandi Þær sEm Eru horfnar á braut
Þ að leggst auðvitað mjög vel í mig að amerísk keðja ætli að opna hér á landi enda
hafa þær frekar verið að fara en
koma síðustu árin. Það er mikill
söknuður að öllum þessum banda-
rísku keðjum sem hafa ekki séð
sér vært á íslenskum markaði og
kvatt okkur hinnar hinstu kveðju á
undanförnum árum,“ segir Kjartan
Guðmundsson, útvarpsmaður og
fagurkeri.
Kjartan er mikill áhugamaður um
skyndibitafæði og vel að sér í þeim
fræðum. Hann fagnar tíðindum vik-
unnar um að Dunkin Donuts ætli
sér að opna 16 staði á Íslandi.
„Auðvitað fagna ég þessu þó ég
hefði fremur kosið aðrar keðjur, svo
sem Fatburger eða In’n’Out. En það
er kannski bara í villtustu draumum
mínum. Ég smakkaði Dunkin Do-
nuts í Barcelona og varð fyrir dá-
litlum vonbrigðum. Þetta er náttúr-
lega þekkt vörumerki, stofnun eins
og Alþingi eða Legoland, því þegar
maður heyrir um kleinuhringi í bíó-
myndunum heyrir maður um Dunk-
in Donuts. En þessi fyrsta upplifun
mín, að þetta væru bara venjulegir
kleinuhringir, varð til þess að þegar
ég fór fyrst til Bandaríkjanna fór ég
frekar á Krispy Kreme sem er tölu-
vert betri,“ segir Kjartan.
Saga erlendra skyndibitakeðja á
Íslandi er ekki samfelld sigursaga.
Best hefur gengið hjá KFC, Dom-
inos og Subway en stór nöfn á borð
við McDonalds og Burger King hafa
þurft frá að hverfa.
„KFC er konungur amer-
íska skyndibitans á Íslandi.
Hann kom fyrstur og er enn
stór. KFC er orðinn eins og
annarar kynslóðar Íslending-
ur. Dominos byggði veldið
væntanlega upp á hálftíma-
reglunni, þegar þú fékkst
pítsuna fría ef hún kom ekki
innan hálftíma heim til þín.
Ætli það megi ekki segja að
Dominos sé svona Toyota
skyndibitans, tákn um gæði;
fínir bílar sem bila sjaldan,“
segir Kjartan.
Þessi kraftmikla innkoma
Dunkin Donuts, 16 staðir á
fimm árum, er að mati Kjart-
ans athyglisverð. „Það sýnir hvers-
lags veldi þetta er. En ég hef smá
vara á mér. Ef þetta á að vera í versl-
unum 10/11 þá grunar mig að þetta
verði meira eins og sjálfsali. Manni
getur varla liðið eins og amerískri
löggu ef maður þarf að fara í sjálf-
sala og velja sér kleinuhring. Ég
hefði frekar viljað sjá meiri sjarma,
eins og maður væri í NYPD Blue
eða Hillstreet Blues.“
Hvaðan kemur þessi ógur-
legi áhugi þinn á skyndibita?
„Mér fannst langt fram
eftir aldri hreinlega ekki
gott að borða, ég bara greip
eitthvað til að halda mér
gangandi. Upp úr tvítugu
f lutti ég til Danmerkur í
nám og þar kynntist ég ke-
bab-menningu þeirra Dana
sem er ein sú besta í heimi,
vil ég meina. Í kjölfarið fór
ég að njóta skyndibita á borð
við McDonalds og Burger
King. Það sem gerði held ég
útslagið var mæjónesið frá
Kraft sem er besta mæjónes
í heimi. Það að hella 2-3 bréfum af
því á Whopperinn leiddi mig inn í
undraheim skyndibitans og ég heill-
aðist fyrir lífstíð.“
Höskuldur Daði Magnússon
hdm@frettatiminn.is
Kentucky Fried Chicken
Fyrsta alþjóðlega skyndibita-
keðjan á Íslandi. Hefur náð góðri
stöðu og nú eru reknir átta KFC-
staðir hér á landi.
Domino’s
Langvinsælasti pítsastaður á
Íslandi. Meðal annars í eigu líf-
eyrissjóðanna.
Subway
Ein stærsta keðjan hér á landi
sem selur sívinsælar samlokur.
Pizza Hut
Nýlega kominn í eigu sömu aðila
og eiga KFC. Var áður rekinn á
nokkrum stöðum en er nú bara í
Smáralind. Stefnt er því að opna
fleiri í framtíðinni.
Quiznos
Samlokustaður sem var opnaður
upp úr aldamótum. Er enn rekinn
á Olís-stöðvum.
Taco Bell
Systurstaður KFC hér á landi.
TGI Friday’s
Fjölskylduveitingastaður í
Smáralind.
Ruby Tuesday
Bandarískur fjölskylduveitinga-
staður sem virðist alltaf eiga
fastan kúnnahóp.
McDonalds
Kom inn með miklum látum árið
1993 og forsætisráðherra gúff-
aði í sig fyrsta Big Mac-inum. Var
lokað árið 2009.
Burger King
Kóngurinn kom og kóngurinn
fór. Náði aldrei því flugi sem
búast hefði mátt við og var
lokað í árslok 2008.
Little Caesar’s
Fínar pítsur sem nutu vinsælda
um skeið.
Popeyes
Kjúklingastaður sem var bæði
í Kringlunni og við Smáratorg.
Suðurríkja-meðlætið féll ekki að
smekk Íslendinga.
Wendy’s
Var rekinn um árabil á her-
stöðinni á Keflavíkurflugvelli.
Papa John’s
Var opnaður árið 2000 og seldi
amerískar pítsur.
Jacket Potatoes
Var opnaður árið 1994 í
Skeifunni en varð ekki langlífur.
Seldi bakaðar kartöflur með
átta tegundum af fyllingum.
Dairy Queen
Vinsælar ísbúðir sem reknar
voru um áratugaskeið í Reykja-
vík.
Bandaríska skyndibitakeðjan Dunkin Donuts hyggst opna 16
staði hér á landi á næstu fimm árum. Þetta er gert í samstarfi
við 10/11-verslanirnar. Fjölmargar erlendar skyndibitakeðjur
hafa reynt fyrir sér á íslenskum markaði en engin hefur komið
inn með sömu látum og kleinuhringjakeðjan. Sérfræðingur á
þessu sviði fagnar komu Dunkin Donuts hingað en hefði heldur
kosið aðrar keðjur.
Sorgir og sigrar erlendra
skyndibitakeðja á Íslandi
Kjartan Guð-
mundsson
útvarpsmaður
kynntist undra-
heimi skyndi-
bitans í gegnum
danskt mæjónes.
30 skyndibiti Helgin 17.-19. apríl 2015
www.sgs.is
SAMEINUÐ
BERJUMST VIÐ!
KJÓSTU JÁ