Frjáls verslun - 01.10.2011, Síða 76

76 FRJÁLS VERSLUN 10. TBL. 2011
S
pjaldtölvur, sem einnig
eru oft kallaðar töflutölvur,
eru síður en svo nýjar
af nálinni. Fyrir réttum
tíu árum hélt Bill Gates,
þá verandi yfirmaður
þróunar mála hjá Micro­
soft, ræðu á Comdex­tækniráðstefnunni í
Las Vegas. Þar talaði hann fjálglega um
bjarta framtíð spjaldtölva, sem Microsoft
hugðist leggja mikið púður í næstu árin.
„Ég vona að á ráðstefnunni á næsta
ári muni stór hluti áhorfenda taka niður
punkta á slíkar tölvur og ég spái því að
innan fimm ára verði spjaldtölvur orðnar
mest seldu tölvur í Bandaríkjunum,“ sagði
Gates.
réttur maður á rönGum tíma
Árum saman var gert grín að þessum
spádómum Gates, enda voru spjald­
tölvur langt frá því að ná einhverri sölu
að ráði. Árið 2007 var markaðshlutdeild
spjald tölva til að mynda einungis 1,2%
af tölvumarkaðnum á heimsvísu. En
síðasta eina og hálfa árið hefur komið í
ljós að Gates hafði verið á réttri braut í
spádómum um innreið spjaldtölvanna –
þeir komu bara fram á röngum tíma. Og
reyndar í vitlausu húsi því það var ekki
Microsoft sem áttaði sig á því hvernig ætti
að hanna spjald tölvur sem almenningur
hefði áhuga á. Það var Apple sem fann
lykilinn að hjörtum tölvunotenda og ekki í
fyrsta skiptið sem menn þar á bæ skjóta
keppinautunum ref fyrir rass við hönnun
tölvubúnaðar.
Frá því Apple gaf út fyrstu iPad­spjald­
tölvuna í apríl 2010 hefur hún rokselst. Í
sumar höfðu frá upphafi selst 25 millj­
ónir iPad­tölva á heimsvísu og þótt aðrir
tölvuframleiðendur hafi rokið upp til handa
og fóta í von um að ná að elta velgengni
Apple á þessu sviði eru engir alvöru
keppinautar komnir fram á sjónarsviðið.
Markaðshlutdeild iPad er enn í kringum
80% og mun án efa haldast mjög há
næstu árin.
nýtist á dollunni
En hvað er þetta fyrirbæri, spjaldtölva, og
hvernig breytir hún því hvernig við notum
tölvur á heimilum og í vinnu? Þetta eru í
raun fartölvur án lyklaborðs, sem stjórn­
að er gegnum snertiskjá. Þær eru því
afar léttar og meðfærilegar. Segja má að
grundvallarhugsunin að baki velgengni
iPad frá Apple sé sú að spjaldtölva eigi
að leggja áherslu á neyslu fjölmiðlaefnis í
stað sköpunar efnis.
Á meðan Bill Gates og félagar töldu
alltaf að aðalstyrkleiki spjaldtölvanna lægi
í að hægt væri að skrifa og teikna á þær
GaTes sá InnrásIna FyrIr
Það eru tíu ár síðan Bill Gates sá innrás spjaldtölvanna fyrir. Síðasta eina og hálfa árið hefur komið í ljós að
Gates hafði verið á réttri braut í spádómum sínum sem komu bara fram á röngum tíma. Nú er því spáð að
spjaldtölvur verði jólagjöfin í ár.
TexTi: krisTinn JÓn arnarson
Innrás spjaldtölvanna:
Bill Gates.