Frjáls verslun - 01.07.2007, Side 14

14 F R J Á L S V E R S L U N • 7 . T B L . 2 0 0 7
Fyrst þetta ...
Tímaritið Þjóðmál kemur út
ársfjórðungslega og er ætlað
að vera vettvangur fyrir skrif á
hægri væng stjórnmálanna. Þótt
pólitísk þjóðfélagsrýni sé megin-
uppistaða tímaritisins læðast
með ljóð og greinar um allt á
milli himins og jarðar í hverju
tölublaði. Þjóðmál, sem eru
tveggja ára um þessar mundir,
eru gefin út af Bókafélaginu
Uglu en eigandi þess er Jakob
F. Ásgeirsson.
„Ég hef alltaf haft gaman
af tímaritum og mér fannst
vanta eitthvað af þessu tagi,“
segir Jakob, aðspurður um
tildrög útgáfunnar. „Eftir að
Morgunblaðið breyttist og varð
að hálfgerðu vinstriblaði fannst
mér rík þörf á nýjum vettvangi
fyrir hægri sjónarmið. Þjóðmál
kenna sig við frelsi og hæfilegt
íhald. Í þeim er skýr frjálshyggju-
tónn en jafnframt varðstaða um
góð og gild íhaldssjónarmið.
Auðvitað er svo markmiðið líka
að gefa út fjölbreytt og skemmti-
legt tímarit sem fólk hefur
ánægju af því að lesa.“
Frá upphafi hafa komið út
átta tölublöð af Þjóðmálum
og Jakob segir áskriftahópinn
stækka ört með hverju nýju
hefti. „Reksturinn er auðvitað
í járnum en hefur þó hald-
ist réttum megin við strikið.
Tímaritið er til sölu í flestum
bókaverslunum og á mörgum
bensínstöðvum Olís. Því miður
hefur Hagkaup ekki viljað hafa
það í hillunum. Í tímaritarekk-
anum í Hagkaup eru örugglega
á annað hundrað tímarit en
Þjóðmál vilja þeir ekki selja. Ég
vona að það tengist ekki því að
stundum hafa birst
greinar í Þjóðmálum
sem hafa verið
gagnrýnar á
Baugsveldið.“

Hægri pennar
Þegar Jakob er
spurður hvað ræður
efnisvali tímarits-
ins, svarar hann:
„Það á að vera
klár hægri slagsíða
á blaðinu og ef mér bærist
grein sem boðaði þjóðnýtingu
fyrirtækja myndi ég ekki birta
hana. Hinsvegar er talsvert af
ýmiskonar menningartengdu
efni í blaðinu sem er skrifað
af fólki úr öllum áttum. Einn
helsti tilgangur útgáfunnar er að
fjalla um mál sem ekki er mikið
fjallað um á öðrum fjölmiðum.
Ekki síst á það við um ýmislegt
þar sem pólitískur rétttrúnaður
hefur skotið rótum.“
Vinstri menn halda því stundum
fram að í gegnum tíðina hafi
þeir átt miklu ritfærari menn
í sínum röðum en þeir hægri.
Hver er þín skoðun á því?
„Já, þess vegna er maður nú
að garfa í þessu. Til að spyrna
aðeins við fótum. Það er alveg
rétt, það hefur
stundum virst svo
að allir ritfæru
mennirnir væru á
vinstri vængnum.
En ekki er það
nú alveg einhlítt.
Það hafa verið
margir mjög fínir
pólitískir blaða-
pennar á hægri
vængnum. Til
dæmis á 20. öld-
inni Kristján Albertsson, Árni
Jónsson frá Múla og Magnús
Stormur — og seinna Indriði
G. Þorsteinsson og faðir minn,
Ásgeir Jakobsson. Skáldin og
skáldsöguhöfundarnir hafa mörg
sannarlega verið til vinstri en
ekki endilega beitt sér í pólitík.
Sjálfum finnst mér að það eigi
ekki að draga skáld og rithöf-
unda í pólitíska dilka, en það
Þjóðmál frá hægri
er því miður enn þá gert, sam-
anber hina nýju bókmenntasögu
Máls og menningar.“
Bókaútgáfa
Samhliða útgáfu Þjóðmála hefur
fyrirtæki Jakobs, Bókafélagið
Ugla, sent frá sér 5-10 bókatitla
á ári. „Þetta eru bækur af ýmsu
tagi, reyfarar og klassískar
skáldsögur, en ekki síst bækur
um pólitísk efni og sögu. Ég gaf
t.d. út merka bók um komm-
„Eftir að
Morgunblaðið
breyttist og varð
að hálfgerðu
vinstriblaði fannst
mér rík þörf á
nýjum vettvangi
fyrir hægri
sjónarmið.“
TEXTI: HULDAR BREIÐFJÖRÐ
MYND: GEIR ÓLAFSSON
Jakob F. Ásgeirsson, ritstjóri og útgefandi tímritsins Þjóðmála,
segir að klár hægri slagsíða eigi að vera á blaðinu.