Frjáls verslun - 01.11.2007, Blaðsíða 25
F R J Á L S V E R S L U N • 1 1 . T B L . 2 0 0 7 25
Maður ársins
Andri segist í samræmi við þetta hafa lagt áherslu á að byggja upp
teymi stjórnenda sem vinni saman að markmiðum fyrirtækisins.
„Ég reyni oft að velja fyrirtæki eftir stjórnendum,“ segir Andri.
„Þessi fyrirtæki eru oft ekkert án góðra stjórnenda. Þegar við komum
inn reynum við að hagræða og innleiða markaðssókn. Við komum
inn með stærðina og okkur hefur alltaf tekist að laga kostnaðargrunn
inn. Ég á ekkert erindi inn í fyrirtæki ef ég get ekki aukið verðmæti
fyrirtækisins.“
En þessi áhersla á samvinnu við stjórnendur, sem eru fyrir, getur
verið vandasöm það viðurkennir Andri.
„Ég lít svo á að stjórnendur þekkist af verkum sínum,“ segir Andri.
„Ég sé hvernig þeir umgangast starfsfólkið, hvernig þeim helst á fólki
og ég sé hvort þeir eru værukærir eða vilja bæta sig. Stjórnandi fyrir
tækis má ekki halda sig til hlés þegar aðrir vilja sækja.“
Veit ekki allt best sjálfur
En sér Andri þessa eiginleika stjórnendanna á augabragði við
fyrstu kynni? Líkar honum strax við mennina eða alls ekki?
„Það er engin regla fyrir þessu,“ segir hann.
„Sumir stjórnendur sækja sig mjög þegar þeir
mæta nýjum aðstæðum og áskorunum.“
Rekur Andri gamla stjórnendur ef þeir
standa sig ekki að hans mati?
„Það má gera breytingar með ýmsum hætti og
breyta þannig að þeir sem eru fyrir vilji vinna
með manni að settum markmiðum,“ segir
Andri. „En það hefur komið fyrir að menn
hafa orðið að víkja.“
„Þótt ég sé eini eigandinn þá veit ég ekki
allt best sjálfur,“ segir Andri. ,,Það er mikil
vægt að geta hlustað á aðra.“
Heimamenn duga best
Andri heldur jafnframt þeirri reglu að heimamönnum láti best að
stýra fyrirtækjum í greinum eins og ferðaþjónustu.
„Það er lykilatriði,“ segir Andri. „Stjórnendurnir verða að hafa alist
upp í því umhverfi sem þeir eiga að starfa í. Þess vegna treysti ég alltaf
á heimamenn. Þótt Norðurlandaþjóðirnar séu líkar þá eru þær ólíkar
um margt. Það eru heimamenn sem þekkja best til á hverjum stað og
þess vegna er þeim best treystandi fyrir stjórninni.“
Lemur Andri aldrei í borðið ef honum líkar ekki árangurinn?
„Ég lem í borðið ef þess þarf en það er mjög sjaldgæft,“ segir Andri
og hlær, það eru margar aðrar leiðir til.
„Ég er með frábært teymi við stjórn fyrirtækisins,“ segir Andri.
„Það hefur verið mjög ánægjulegt að koma því saman. Eitthvað það
ánægjulegasta sem ég hef gert. Við tökum flestar ákvarðanir saman.
Ég er enginn einfari í fyrirtækinu og legg áherslu á að menn séu sam
mála um markmiðin. Mitt hlutverk er að færa mönnum verkfæri í
hendur svo þeir nái árangri eftir sínum leiðum.“
Selur ekki hluti
En hefur Andra aldrei dottið í hug að setja fyrirtækið á markað
eða að selja hluta þess og fá inn meðeigendur með ný viðhorf og
peninga?
„Nei, ég hef aldrei haft þörf fyrir það,“ segir Andri. „Ég hef fengið
margar fyrirspurnir um að selja hlut en hef ekki gert það enn. Hvað
framtíðin ber í skauti sér kemur svo í ljós.“
Og vegna þessa á Andri Primera Travel Group einn.
Öll starfsemin er þó ekki undir nafni Primera. Flugfélagið Jetx
Primera Air er að 80 prósent hlut í eigu Andra utan við Primera. Þeir,
sem sjá um daglegan rekstur flugfélagsins, eiga afganginn.
Í ár hefur flugfélagið haft fimm þotur í förum með farþega Pri
mera. Frá næsta hausti verða þessar þotur níu, þar af tvær breiðþotur.
Og í allt fer fólk á vegum Primera Travel Group til um 50 staða um
allan heim, mest í beinu leiguflugi.
Andri á einnig Hótel 1919 í gamla Eimskipafélagshúsinu einn og
heldur því fyrir utan Primera.
Sterk samningsstaða
En hver er tilgangurinn með því að reka fyr
irtæki í sjö löndum þar sem langt er á milli
staða? Er kröftunum ekki dreift of mikið?
Hvernig er hægt að samræma ferðir frá Finn
landi og Írlandi svo dæmi sé tekið? Andri
svarar þessu:
„Markmiðið er að njóta hagkvæmni stærðar
innar,“ segir Andri. „Að einhverju marki nást
fram samlegðaráhrif en það mikilvægasta er að
vera stór á markaðnum þegar kemur að því að
kaupa þjónustuna á áfangastöðunum. Áður en
við keyptum Budget á Írandi fluttum við 100
þúsund farþega til Kanaríeyja. Með Budget
bætast 100 þúsund við. Við erum þar með komnir í hóp stærstu
seljenda á ferðum til Kanaríeyja. Það gerbreytir samningsstöðu okkar
þar.“
Sama hugsun ræður för þegar tvær nýjar breiðþotur verða teknar
í notkun næsta vetur til að flytja farþega til Tælands og annarra fjar
lægra áfangastaða. Önnur þotan verður gerð út frá Tælandi til að
sækja farþega á einstaka upphafsstaði á Norðurlöndum og Írlandi.
„Hugsunin er ekki að safna farþegum saman á einn stað í Skand
inavíu og flytja þá þaðan í sömu vél á áfangastaðinn,“ segir Andri.
„Þetta er úrelt hugmynd sem ekki gengur. Allir vilja beint flug. Þess
vegna skiptir engu máli þótt við séum með starfsemi bæði í Finnlandi
og Írlandi. Þar er langt á milli en hagkvæmni stærðarinnar kemur
fram á áfangastaðnum. Þegar kemur að því að semja við hóteleig
endur þar vita þeir hverjir við erum og að við erum stórir kaupendur.
En að ætla að safna saman farþegum frá mörgum löndum á einn stað
og flytja þá svo áfram er bæði dýrt og óvinsælt. Það er ekki hægt að
bjóða upp á það og er ekki gert.“
Og Andri heldur áfram að lýsa grundvelli viðskiptanna:
„Þegar við kaupum nýtt fyrirtæki opnum við því aðgang að okkar
vöruhúsi. Það fær aðgang að hundruðum samninga og fjölda nýrra
áfangastaða sem það hafði ekki aðgang að áður og þá getur markaðs
færslan verið mjög hröð. Þarna hefur okkar styrkleiki legið.“
„Ferðalög eru hluti af
lífsmynstri fólks. Menn
hætta ekki við hina
árlegu ferð sína þótt
þeir fresti því að endur
nýja bílinn sinn.“