Frjáls verslun - 01.11.2007, Síða 87

F R J Á L S V E R S L U N • 1 1 . T B L . 2 0 0 7 87
um áramótHvað segja þau ?
ingólfur helgaSon
ForsTjóri kaupÞings Á Íslandi:
Stærstu einstöku fyrirtækjakaupin
Ég hugsa að kaupin á niBc bankanum í
Hollandi standi nú upp úr þegar litið er yfir
starfsemi bankans á árinu. Þetta eru stærstu
einstöku fyrirtækjakaup sem bankinn hefur
ráðist í og tókust vel, þrátt fyrir erfiðleika á
markaði.
aðstæður á fjármálamörkuðum hafa verið
krefjandi nú í haust og líklega verður það
svo a.m.k. eitthvað inn í 2008. rekstur
bankans gengur vel á Íslandi sem og á
helstu starfssvæðum hans, en að sjálfsögðu
er bankinn ekki ónæmur fyrir alþjóðlegum
óróa. ekki frekar en aðrir. en í sögulegu
ljósi séð skiptast á skin og skúrir á
fjármálamarkaðinum. Það felast alltaf tækifæri
í andstreyminu og oft er það nú svo að fyrr en
varir snúast hlutirnir í hag á nýjan leik.
Fjármálastarfsemi er mjög vaxandi
atvinnugrein á Íslandi og ég á ekki von á öðru
en vöxturinn muni halda áfram. líklega mun
þó hægja eitthvað á fyrirtækjakaupum í bili
og vöxturinn koma innan frá. menn hafa lært
mikið á undanförnum misserum sem byggt
verður á til framtíðar. atvinnugreinin mun
halda áfram að styrkjast.
Bankinn varð 25 ára á árinu og af því
tilefni var haldin afar vegleg tónlistarhátíð
á laugardalsvelli og þjóðinni boðið. Þeir
sem ekki komust gátu fylgst með beinni
útsendingu í sjónvarpinu. Þetta var nú
eitt það ánægjulegasta sem við gerðum í
bankanum á þessu ári og gaman að upplifa
þá miklu og góðu stemmingu sem myndaðist
á þjóðarleikvanginum fyrir framan frábæra
íslenska listamenn.
af persónulegum málefnum ber hæst
giftinguna rétt fyrir síðustu áramót.
Ingólfur Helgason.