Frjáls verslun - 01.07.2005, Side 23
F R J Á L S V E R S L U N • 7 . T B L . 2 0 0 5 23
og löggiltur endurskoðandi. Þeir Arngrímur og Garðar voru ekki á
staðnum.
Baugsmálið er eitt af viðamestu dómsmálum á Íslandi og örugg-
lega annað af tveimur umfangsmestu dómsmálum í íslenskri við-
skiptasögu. Hitt var Hafskipsmálið. Bæði málin
eiga það sameiginlegt að stjórnmálamenn blandast
inn í umræðuna um þau.
Davíð Oddsson utanríkisráðherra blandast inn
í vörn sakborninganna sem segja að ákærurnar á
hendur þeim sé runnar undan rifjum hans. Í Haf-
skipsmálinu blönduðust nafntogaðar menn í Sjálf-
stæðisflokknum inn í umræðuna. Þess má geta að
Ólafur Jóhannesson, þá dómsmálaráðherra, var
dreginn inn í umræður um Geirfinnsmálið fyrir
þrjátíu árum.
BEINA KASTLJÓSINU AÐ DAVÍÐ
Fjölmiðlar í Danmörku og Bretlandi hafa fjallað
mikið um Baugsmálið og ákærurnar - enda Jón
Ásgeir Jóhannesson þekktur maður í viðskiptalífi þessara landa
vegna umsvifa Baugs þar. Allir erlendu fjölmiðlarnir segja frá þeirri
vörn Baugsmanna að Davíð Oddsson utanríkisráðherra eigi upp-
tökin í málinu.
Rannsókn lögreglunnar í Baugsmálinu hefur tekið þrjú ár og
þögnin um rannsóknina verið svo yfirþyrmandi að alls kyns sögur
hafa gengið manna á milli um málið. Rannsóknin hófst með flugelda-
sýningu, fjölmennri húsleit lögreglunnar á skrifstofum Baugs hinn
28. ágúst 2002. Ekki verður annað séð en að málið hafi undið upp á
sig jafnt og þétt meðan á rannsókn hefur staðið.
Upphaf málsins er að fyrrum viðskiptafélagi Bónusfeðga, Jón
Gerald Sullenberger, sem búsettur hefur verið í Bandaríkjunum um
árabil, lagði fram kæru til lögreglunnar vegna
viðskipta Baugs við fyrirtæki hans, Nordica Inc.
í Bandaríkjunum. Þáverandi lögfræðingur Jóns
Geralds var Jón Steinar Gunnlaugsson, nú hæsta-
réttardómari.
JÓN GERALD VAR MÆTTUR
Jón Gerald var mættur í Héraðsdómi Reykjavíkur
við þingfestinguna og var á meðal áhorfenda í
dómsal. Hann sat á fremsta bekk í salnum. Aðeins
nokkur ákæruatriði í þessu umfangsmikla máli
snúast um viðskiptin við Jón Gerald og meintar
greiðslur Baugs á snekkjunni „Thee Viking“ - sem
Jón Gerald segist hafa átt með Gaumi.
Húsleit lögreglunnar á skrifstofum Baugs hinn
28. ágúst 2002 var gerð í miðjum samningaviðræðum þeirra Baugs-
manna við breska auðkýfinginn Philip Green. Húsleitin varð til þess
að hann hætti við að yfirtaka Arcadia í samvinnu við þá Baugsmenn
- sem höfðu hins vegar áttu hugmyndina að yfirtökunni og leitað til
hans um samvinnu.
Þegar ákærurnar voru birtar sakborningum 1. júlí sl. voru Baugs-
menn í viðkvæmum samningaviðræðum við erlenda fjárfesta um
kaup á bresku verslanasamsteypunni Somerfield. Baugsmenn urðu
Hagnaður Baugs Group á
fyrstu sex mánuðum þessa
árs nam 10,6 milljörðum
eftir skatta. Heildareignir
Baugs Group voru bók-
færðar á 101 milljarð í lok
júní 2005. Eigið fé félags-
ins nemur 46 milljörðum
króna og eiginfjárhlutfall
er 45%.
Fréttamenn elta Jón H. B. Snorrason, saksóknara og yfirmann efnahagsbrotadeildar ríkislögreglustjóra, þegar hann yfirgefur Héraðsdóm.
B A U G S M Á L I Ð D Ó M T E K I Ð