Frjáls verslun - 01.07.2005, Blaðsíða 67

F R J Á L S V E R S L U N • 7 . T B L . 2 0 0 5 67
Steinunn Finnsdóttir hafði unnið við bók-hald í 20 ár þegar hún ákvað að breyta til. Hún skráði sig í nám í útstillingum við
Iðnskólann í Hafnarfirði og útskrifaðist í fyrravor.
„Þetta er tveggja ára nám þar sem m.a. er
kennt um útstillingar, formfræði, litafræði og þar
eru teikni- og hönnunaráfangar.“
Í dag er Steinunn verslunarstjóri í ISIS í
Kringlunni og þar fær hún útrás fyrir sköpunarþörf-
ina, bæði hvað varðar gluggann í versluninni sem
og verslunina sjálfa. Auk þess sér hún um útstill-
ingar í ISIS í Smáralind. Þá starfar hún fyrir önnur
fyrirtæki í aukavinnu; hún stillir upp í verslunum,
hefur hannað sýningarbása og skreytt veislusali.
„Mér finnst verslunareigendur ekki reikna með
útstillingum í glugga í rekstrarkostnaði. Þetta
ætti að vera í rekstrarkostnaði verslana og það er
synd að verslunareigendur séu að horfa í þennan
smáhlut sem er að borga lærðu útstillingafólki.
Þótt arkitektar hafi séð um hönnun verslunarinnar
þá vantar mikið ef ekki er góð útstilling inni í
versluninni sjálfri og glugga verslunarinnar.
Mér finnst að verslunareigendur í verslunar-
miðstöðvum ættu að vera skyldugir til að vera
með þessa hluti í lagi. Það fer ekki á milli mála
hverjir hafa látið faglært fólk sjá um útstillingar í
gluggum og hverjir ekki. Það vinnur faglært fólk
í erlendum verslunarkeðjum hér á landi og hjá
stærstu innlendu fyrirtækjunum. Hjá þessum fyrir-
tækjum hefur fólk áttað sig á því að það skiptir
máli að varan sé rétt upp sett. Það skiptir máli
að gluggi sé fallegur og aðlaðandi og kalli í raun-
inni á væntanlega viðskiptavini. Gluggi verslunar
á að selja og til þess að hann virki þarf að huga
að samspili lita og forma.
Kannski veit fólk ekki hvar það á að ná í
okkur. Þó held ég að fólk sé að vakna til lífsins
hvað þetta varðar hér á landi.“
Guðrún Dagmar Haraldsdóttir er útstill-ingarhönnuður hjá Hagkaupum í Smáralind þar sem verslunarrýmið er
um 10.000 fermetrar. Hún sagði upp starfi
sínu við markaðsrannsóknir eftir að hafa lesið
grein í Frjálsri verslun um nám í útstillingum
við Iðnskólann í Hafnarfirði vorið 1999. Hún
ákvað að hefja nám á hönnunar- og listabraut
með aðaláherslu á útstillingar. Hún útskrifaðist
vorið 2001.
„Ég var hrifin af öllu sem tilheyrði
fagurfræði sem barn. Ef til vill hafði
bæði uppeldið og umhverfið
áhrif sem og eitthvað með-
fætt.“
Guðrún Dagmar segir að hjá Hagkaupum
starfi duglegt fólk sem sé meðvitað um
hvernig vöruframsetning á að vera. Setja
þarf vöru fram á þann hátt að hún auki sölu.
Útstillingarhönnuður þarf auk þess að hafa til-
finningu fyrir litasamsetningu, röðun, formum
og verðmerkingum.
„Athyglisverður gluggi og vel framsett vara
virkar yfirleitt sterkt á viðskiptavininn. Þetta
getur líka ómeðvitað fengið viðskiptavininn til
að festa kaup á vöru sem hann e.t.v. ætlaði
sér ekki að kaupa eða hafði ekki hugmynd
um að væri fáanleg. Í þessu samhengi er nauð-
synlegt fyrir útstillingarhönnuðinn að taka fram
hluti sem fylgja ákveðinni vöru sem undirstrikar
ennþá frekar stemmningu útstillingarinnar.“
Guðrún Dagmar segir að Hagkaup séu
gullnáma fyrir útstillingarhönnuð þar sem
vöruúrvalið sé mikið og vöruflokkarnir margir.
„Starfið felst í því að vinna sjálfstætt og vera
frjó í hugsun. Það er einnig skapandi og krefj-
andi. Þ.a.l. er nauðsynlegt að fylgjast vel með
nýjustu straumum og stefnum í vöruframboði
og framsetningu. Umfram allt þarf að gæta
þess að staðna ekki í starfinu.“
ÆTTI AÐ VERA Í REKSTRARKOSTNAÐI
STEINUNN FINNSDÓTTIR Svart-hvítt og einfaldleiki. „Gluggi verslunar á að selja og til þess að hann virki þarf að
huga að samspili lita og forma.“