Frjáls verslun - 01.07.2005, Síða 31
F R J Á L S V E R S L U N • 7 . T B L . 2 0 0 5 31
D A G B Ó K I N
1. júlí
Yfirtökunefndin
og FL Group
Yfirtökunefnd tók til starfa
þennan ágæta dag. Henni er
ætlað að fjalla um yfirtökuskyldu
á hlutabréfamarkaði. Formaður
nefndarinnar er Viðar Már Matth-
íasson lagaprófessor, Þór Sigfús-
son, framkvæmdastjóri Viðskipta-
ráðs, er varaformaður. Þriðji
nefndarmaðurinn er Magnús
Gunnarsson, stjórnarformaður
Capital hf.
Yfirtökuskylda skapast við
40% eignarhlut, þ.e. að einn
hluthafi, eða hann í samráði við
aðra hluthafa, hafi náð yfirráðum
í félagi.
Fyrsta stóra verkefni nefndar-
innar kom strax í fyrstu vikunni
og fólst í að athuga hvort yfir-
tökuskylda hefði myndast í FL
Group vegna viðskiptatengsla
eignarhaldsfélaganna Odda-
flugs/Primusar (Hannesar Smára-
sonar), Baugs Group og Kötlu
Investment eftir að Katla Invest-
ment og Baugur keyptu hlut Sax-
byggs í FL Group. Félögin fjögur
voru þar með komin með rúm
65% í félaginu. Viðskiptatengsl
eru á milli félaganna annars
staðar, t.d. í Húsasmiðjunni, Og
Vodafone og Mosaic Fashion.
Yfirtökunefndin komst hins vegar
að þeirri niðurstöðu að ekki hefði
myndast yfirtökuskylda þrátt
fyrir viðskiptatengsl stærstu
hluthafanna í FL Group í öðrum
félögum.
1. júlí
Stjórn FL Group
sagði af sér - engin
áhrif á gengið
Það var ekki bara að yfirtöku-
nefndin fengi FL Group inn á sitt
borð sem sitt fyrsta stóra verk-
efni. Fyrstu vikuna í júlí var ekki
rætt um annað í viðskiptalífinu
en duttlungafullan hlutabréfa-
markað og hvers vegna ekki
hefði orðið verðhrun á bréfum í
FL Group í kjölfar sviptinganna
innan stjórnar félagsins. Þær
höfðu engin áhrifa á gengi bréf-
anna. Sex af sjö stjórnarmönnum
sögðu af sér - allir nema Hannes
Smárason stjórnarformaður - í
kringum stjórnarfundinn 30. júní
sl. enda þá ljóst að til tíðinda
væri að draga og Saxbygg að
selja 26,56% hlut sinn í félag-
inu til Kötlu Investment SA og
Baugs Group. Gengi bréfanna
var 15,0 þegar viðskiptin voru
gerð og hækkuðu meira að
segja upp í 15,10 daginn eftir.
Umræðuefnið var einfaldlega
þetta: Svona lagað gæti ekki
gerst nema á íslenska mark-
aðnum sem væri með „sín eigin“
lögmál.
2. júlí
Sérstakt félag
um Opin kerfi
Kögun seldi þennan dag allan
hlut sinn í Opnum kerfum Group
til félags með svipað nafn, þ.e.
Opin kerfi Group Holding ehf. Í
raun var Kögun að setja Opin
kerfi undir sérstakt félag með
þessum gjörningi þar sem eig-
endur Opinna kerfa Group Hold-
ing er Kögun og Iða fjárfestingar-
félag sem er í eigu Kaupfélags
Eyfirðinga og Straums-Burðaráss.
Kögun yfirtók Opin kerfi Group í
október sl.
4. júlí
Hverjir eiga Kötlu
Investment?
Katla Investments SA, sem
keypti ásamt Baugi Group,
hlutinn í FL Group af Saxbyggi,
er í eigu Magnúsar Ármanns,
Sigurðar Bollasonar og Kevin
Sanford. Þess má geta að félag
þeirra keypti tæp 9% í Baugi
Group í desember á síðasta ári af
Kaupþingi banka. Þá á Kevin San-
ford 12,8% í Mosaic Fashions
ásamt eiginkonu sinni, en þar er
Baugur Group stærsti hluthafinn,
á 36,8% hlut.
Þess má geta að Sigurður
Bollason er sonur hins kunna
kaupmanns Bolla Kristinssonar í
Sautján. Sigurður settist í stjórn
FL Group eftir viðskiptin. Leiðir
Hannesar Smárasonar og þeirra
Magnúsar Ármanns og Sigurðar
Bollasonar liggja líka saman
hjá Og Vodafone. Næststærsti
hluthafinn þar, Runnur ehf., er í
eigu Primus (Hannesar) og Mogs
ehf. sem er í eigu Magnúsar og
Sigurðar.
6. júlí
Finnur lykt af
ilmvatnsfyrirtæki
Það er óhætt að segja að Karl
Wernersson sé einn öflugasti fjár-
festir þessa árs. Hann hefur látið
til sín taka innan Íslandsbanka.
En í byrjun júlí var sagt frá því
að hann ásamt nokkrum öðrum
íslenskum fjárfestum hefðu keypt
meirihluta í breska ilmvatnsfyr-
irtækinu Per-Scent. Um var að
ræða 70% hlut og var verðmæti
hans um 4,9 milljarðar króna.
12. júlí
Birgir Már
til Samson
Þennan dag
var tilkynnt
að Birgir Már
Ragnarsson
lögfræðingur
hefði verið
ráðinn fram-
kvæmdastjóri
Samson
eignarhaldsfélags ehf. Félagið
á 45% eignarhlut í Landsbank-
anum. Birgir Már er 31 árs og
lauk embættisprófi í lögum frá
Háskóla Íslands 1999. Hann
útskrifaðist með meistaragráðu
í lögum, LL.M, á sviði alþjóðlegs
fjármagnsréttar frá Harvard Law
School árið 2003.
21. júlí
Baugur Group
kaupir í dönsku
fasteignafélagi
Þó helstu eignir Baugs Group
séu í Bretlandi er ljóst að félagið
hefur mikinn áhuga á Danmörku
um þessar mundir. Um miðjan
júlí var sagt frá því að Baugur
Group hefði fest kaup á 30%
hlut í danska fasteignafélaginu
Keops. Kaupverðið var 564 millj-
ónir danskra króna eða tæpir 6
milljarðar króna. Þegar Baugur
Group tók þátt í að kaupa
Magasin du Nord á síðasta ári
voru glæsilegar fasteignir inni
í kaupunum og ljóst að félagið
hefur lengi haft áhuga á fast-
eignum - og það ekki bara hér
á landi.
Gunnlaugur Sigmundsson,
forstjóri Kögunar.
Birgir Már
Ragnarsson.