Frjáls verslun - 01.07.2005, Side 65

F R J Á L S V E R S L U N • 7 . T B L . 2 0 0 5 65
Í GLUGGUNUM
Bergljót Ylfa Pétursdóttir útskrifaðist sem útstillingahönnuður frá Iðnskólanum í Hafnarfirði vorið 2003. Hún vinnur við
verslunarstörf hjá Kultur í Kringlunni auk þess sem
hún vinnur hjá ýmsum fyrirtækjum sem verktaki
og sér þar um útstillingar. Áður en hún flutti til
Þýskalands, þar sem hún bjó í sjö ár, vann hún sem
flugfreyja hjá Flugleiðum og við afgreiðslustörf í
Silfurbúðinni. Áhugi á hönnun vaknaði í Þýskslandi og
þá sérstaklega útstillingar í verslunum.
„Ég er mikil handavinnukona,“ segir Bergljót Ylfa
sem er yfirleitt kölluð Ylfa. „Námið í Iðnskólanum í
Hafnarfirði var skemmtilegt og skapandi og stóðst
allar mínar væntingar.“ Þegar skreyta á glugga
föndrar hún sjálf ýmislegt sem á eftir að gleðja augu
vegfarenda. „Ég kaupi m.a. blóm og vír og fer mikið
á haugana þar sem ég finn alls konar dót til að nota
í skreytingar. Ég er alltaf með hugann við þetta og er
endalaust að finna góðar hugmyndir fyrir þau fyrirtæki
sem ég vinn fyrir. Yfirleitt er ég búin að skipuleggja
nokkra glugga fram í tímann til að samræmi haldist.
Það er ekki gott að hafa of mikið í glugganum; vegfar-
endur verða að koma augu á vöruna en ekki einhverja
kaos.“
Ylfa segir að hvað stílinn varðar þá fari hann eftir
hverri verslun. „Engin verslun er eins. Ég reyni að
útfæra hvern verslunarglugga eftir stíl hennar. Ég
hlusta á verslunareigandann hvað varðar óskir hans.
Ég hef þó yfirleitt verið heppin og fengið að láta
hugmyndaflugið njóta sín. Verslunarglugginn skiptir
meginmáli. Hann er andlit verslunarinnar og ódýrasta
auglýsingin sem völ er á. Verslunareigendur hafa um
fimm sekúndur til að grípa augu vegfarenda og þá
skiptir útlit hans máli.“
Stílhreinn gluggi þar sem aðaláhersla er lögð á fötin. „Engin verslun er
eins. Ég reyni að útfæra hvern verslunarglugga eftir stíl hennar.“
FIMM
SEKÚNDUR
BERGLJÓT YLFA PÉTURSDÓTTIR