Frjáls verslun - 01.07.2005, Side 38
38 F R J Á L S V E R S L U N • 7 . T B L . 2 0 0 5
D A G B Ó K I N
haldið tók um 20 mínútur og
frestaði Pétur Guðgeirsson hér-
aðsdómari málinu að því loknu
til 20. október. Fari málið fyrir
Hæstarétt, sem allir eiga von á,
er gert er ráð fyrir að hann dæmi
í málinu næsta haust.
26. ágúst
Kristín til London
Ein áhrifa-
mesta kona
viðskiptalífs-
ins, Kristín
Pétursdóttir,
framkvæmda-
stjóri Fjárstýr-
ingar Kaup-
þings banka
undanfarin ár,
hefur fært sig til innan bankans
og hafið störf í London. Þar mun
hún stýra innleiðingu breska
bankans Singer & Friedlander í
Kaupþings banka samstæðuna.
Við framkvæmdastjórastarfi
Kristínar tók Guðni Aðalsteins-
son hagfræðingur. Guðni starfaði
áður sem framkvæmdastjóri hjá
skuldabréfasviði Credit Suisse í
Frankfurt.
30. ágúst
Stjórnendur
Kaupþings
auka við hlut sinn
Þessi frétt vakti nokkra athygli.
Hún var um að átta stjórnendur í
Kaupþingi banka, fruminnherjar,
hafi gert framvirka samninga
við bankann um kaup á hlutum
í bankanum fyrir samtals rúma
1,7 milljarða króna. Lokauppgjör
samninganna fer fram þann 29.
nóvember nk. Kaupverðið er 580
krónur á hlut sem var markaðs-
verð bankans þegar þeir voru
gerðir.
Hreiðar Már Sigurðsson, forstjóri
bankans og Sigurður Einarsson,
starfandi stjórnarformaður bank-
ans, eru á meðal kaupenda.
Hlutabréfaeign Hreiðars Más í
bankanum er núna um 1.185
milljónir að markaðsvirði og
Sigurðar um 1.485 milljónir að
markaðsvirði. Þar að auki nema
samanlagðir kaupréttir þessara
æðstu stjórnenda bankans um
7,7 milljónum hluta, sem að
markaðsverðmæti eru um 4,5
milljarðar kr.
31. ágúst
Verslunarráð verður
Viðskiptaráð
Jón Karl
Ólafsson,
formaður
stjórnar Versl-
unarráðs
og forstjóri
Icelandair,
kynnti nýtt
nafn ráðsins
í samsæti
á Hótel Nor-
dica. Nýja
nafnið er Viðskiptaráð Íslands og
sagði Jón Karl að kosturinn við
það væri að það vísaði til breið-
ari hóps aðildarfyrirtækja ráðsins.
Sitt sýnist hverjum um nýja
nafnið. Það gamla var á góðum
merg. Þá kom fram í ræðu Þórs
Sigfússonar, framkvæmdastjóra
ráðsins, að nýjar áherslur í
starfseminni væru tengslanet
fyrirtækja, hnattvæðing og bætt
samskipti við útlönd.
31. ágúst
Eimskip fjárfestir
í frystigeymslum
Eimskip hefur keypt eitt
stærsta frystigeymslufyrirtæki
í Evrópu. Þetta er hollenska
fyrirtækið Daalimpex Beheer
B.V. í Hollandi. Daalimpex er
stærsta frystigeymslufyrirtæki
í Hollandi og eitt hið stærsta í
Evrópu. Daalimpex rekur fjórar
frystigeymslur í Hollandi og muni
kaupin styrkja verulega stöðu
Eimskips í frystiflutningum.
1. september
Ingólfur í stað
Hreiðars Más
Ingólfur Helgason hefur verið ráð-
inn nýr forstjóri Kaupþings banka
á Íslandi í stað Hreiðars Más Sig-
urðssonar sem einbeitir sér fyrst
og fremst að rekstri Kaupþings
banka samstæðunnar. Hreiðar
Már verður áfram búsettur á
Íslandi, enda höfuðstöðvar bank-
ans hér á landi. Ingólfur heyrir
beint undir Hreiðar Má, líkt
og forstjórar bankans í öðrum
löndum. Ingólfur hefur verið
framkvæmdastjóri markaðsvið-
skiptadeildar Kaupþings banka.
Hann hóf störf hjá Kaupþingi við
einstaklingsráðgjöf árið 1993.
1. september
Hræringar í
Atorku Group
Þennan dag var sagt frá því
að félög í eigu þeirra Þorsteins
Vilhelmssonar og Magnúsar
Jónssonar hefðu keypt 9,9% í
Atorku Group og að þeir ættu
orðið samtals 35,33% í félaginu.
Einnig keypti Atorka um 6,4%
af eigin bréfum. Seljendur voru
Landsbankinn í Lúxemborg,
Styrmir Þór Bragason og félög
tengd Aðalsteini Karlssyni og
Lárusi Blöndal. Við söluna sögðu
þeir Aðalsteinn og Lárus sig úr
stjórn Atorku og Styrmir hætti
sem framkvæmdastjóri félagsins.
Hann mun þó halda áfram stjórn-
arsetu í Austurbakka hf. og Lífi
hf. Þess má geta að Magnús
Jónsson er tengdasonur Þor-
steins Vilhelmssonar og Styrmir
Þór Bragason er tengdasonur
Aðalsteins Karlssonar.
2. september
Stjórnendur seldu
í Íslandsbanka
Sagt var frá því að forstjóri
Íslandsbanka og fimm fram-
kvæmdastjórar bankans hefðu
selt 241 milljón hluta í bank-
anum á genginu 15,25 krónur.
Andvirði hlutanna er tæpir 3,7
milljarðar króna. Sömu aðilar
voru í hópi lykilstjórnenda í
bankanum sem keyptu í lok maí
síðastliðins 240 milljónir hluta
í bankanum á genginu 13,30
krónur, eða fyrir tæplega 3,2
milljarða. Söluhagnaður stjórn-
endanna var því samanlagt um
470 milljónir fyrir skatta.
Hreiðar Már
Sigurðsson.
Sigurður
Einarsson.
Jón Karl
Ólafsson, for-
maður stjórnar
Verslunarráðs-
ins, kynnir nýtt
nafn ráðsins.
Kristín Péturs-
dóttir er flutt til
London.
Bjarni Ármannsson, forstjóri
Íslandsbanka.