Frjáls verslun - 01.07.2005, Page 69

F R J Á L S V E R S L U N • 7 . T B L . 2 0 0 5 69
Þegar þessar verðkannanir eru skoðaðar ofan í
kjölinn kemur í ljós að verðmunurinn er ekki mikill
og í mjög mörgum tilfellum óverulegur. Þar er ekki
tekið tillit til meiri þjónustu í okkar verslunum og í
mörgum tilfellum meira úrvals. Samkeppnin er hörð
og fyrirtæki keppa bæði um verð og gæði ásamt
öðrum þáttum.
Ég tel okkur vera samkeppnisfær á báðum sviðum.
Við settum okkur markmið fyrir þessa vertíð og
héldum okkur við aðgerðir sem við töldum styðja
við þau markmið. Og við erum verulega ánægð með hvernig tókst
til. Svo má nefna það sem aldrei er tekið inn í verðkannanir, skipti-
bókamarkaðina, þar sem við höfum algera forystu og spörum náms-
mönnum ótaldar fjárhæðir á hverju ári. Markaðurinn hefur verið
tölvuvæddur og er nú frábærlega skilvirkur.
Þetta fyrsta álagstímabil hjá Pennanum eftir að við tókum við
hefur gengið vel og það er mikilvægt að ná góðum árangri í hausttörn-
inni og svo aftur fyrir jólin en þessi tvö tímabil eru þau mikilvægustu
fyrir smásöluna hjá okkur,“ segir Kristinn Vilbergsson.
- Telurðu að stór hluti fólks kaupi þessar vörur þar sem lægsta
verðið er boðið, og þá án tillits til þjónustu og gæða?
„Það er mjög mikilvægt að menn aðgreini sig líka með aukinni þjón-
ustu og úrvali sem við státum af. Það er athyglisvert að á þessum
markaði telja menn það eingöngu hagkvæmt að
keppa í verði. Það er stundum gott fyrir viðskipta-
vinina, en ekki alltaf. Í samkeppninni má ekki
eingöngu horfa til þess að ná aukinni markaðs-
hlutdeild og auka veltuna og missa sjónar af fram-
legðinni. Það getur verið mikill fórnarkostnaður
því samhliða.
Þá er mikilvægt að skoða kostnaðarsamsetning-
una, og hér hefur verið unnið vel í þeim málum og
það er enn tækifæri til að auka hagræðinguna og
gera betur. Viðskiptavinurinn þarf einnig að fá að njóta þeirrar hag-
ræðingar.“
- Þið bjóðið einnig upp á mikið úrval skrifstofuhúsgagna. Er
hagur í því að vera með svona fjölþætta starfsemi? Kannski sjá
margir hag í því að geta keypt allt á skrifstofuna á einum stað,
en kannski er sérhæfingin heppilegri þegar öllu er á botninn
hvolft?
„Sérhæfing er mikilvæg og gefur mönnum forskot En stundum fer
það ekki saman að geta keypt allt á sama stað því kröfurnar eru
svo fjölbreytilegar. En hins vegar er gott að viðskiptavinurinn þekki
vöruúrvalið en valið í húsgögnum er oftast erfiðara og flóknara en
í ritföngum. Það byggir líka á útboðum eða öðrum þáttum. En góð
þekking starfsmanna Pennans á þessum markaði nýtist vel.
Kristinn Vilbergsson hefur stýrt Pennanum í liðlega tvo mánuði. „Félagið hefur vaxið hratt síðustu árin og mörg spennandi verkefni eru framundan.“
„Samkeppnin er
hörð og fyrirtæki
keppa bæði í verði
og þjónustu. Það er
ljóst að Penninn er
fyllilega samkeppn-
isfær.“