Frjáls verslun - 01.07.2005, Síða 33

F R J Á L S V E R S L U N • 7 . T B L . 2 0 0 5 33
D A G B Ó K I N
VERÐIÐ, 66,7 MILLJARÐAR? Hæsta til-
boðið í Símann, tilboð Skiptis upp á 66,7
milljarða, var hærra en flestir höfðu reiknað
með. Fyrirfram var langoftast rætt um að til-
boðin í Símann myndu vera einhvers staðar
á bilinu 50 til 60 milljarðar. Tilboð Skiptis
reyndist svo afgerandi hæst, að ekki fór á
milli mála að þar voru menn að tryggja sig.
Síðustu mánuðina fyrir útboðið var jafnan
talað um að baráttan um Símann kæmi til
með að standa á milli bræðranna í Bakka-
vör og Björgólfs Thors Björgólfssonar. Sú
varð líka raunin. Það vakti athygli að ekkert
þeirra erlendu félaga, sem lögðu fram óbind-
andi tilboð fyrr í sumar, voru með bindandi
tilboð þegar til kastanna kom.
OF HÁTT VERÐ? Þegar tilboðið í Símann lá
fyrir, 66,7 milljarðar, sögðu margir að þetta
verð væri hreinlega of hátt - svo mikil áhætta
væri samfara þessum kaupum. Áhættan felst
líklegast mest í því að ýmsar tækninýjungar
í tengslum við Netið geri símtöl ódýrari og
dragi úr tekjum símafélaga. Hins vegar býður
Netið líka upp á ýmsa nýja möguleika fyrir
símafélög.
En var tilboð Skiptis of hátt? Það á eftir
að koma í ljós. Hlutabréfamarkaðurinn er
í toppi um þessar mundir. Við verðmat á
fyrirtækjum er best að horfa á afkomuna.
Nýjustu afkomutölur Símans voru birtar
föstudaginn 26. ágúst sl. þar sem fram kom
að hagnaður Símans fyrstu sex mánuðina
hefði verið 2,2 milljarðar miðað við um 1,2
milljarða á sama tíma í fyrra.
Verði hagnaður Símans á öllu árinu um
4,4 milljarðar þýðir söluverðið 66,7 millj-
arðar að V/H hlutfallið í kaupunum er 15,1
sem telst nokkuð lágt.
Þá hefur stundum verið rætt um ein-
hverja þumalputtareglu (ekki veit ég hvaðan
hún er komin) sem segir að EBITA marg-
földuð með 9 gefi góða mynd af verðmæti
fyrirtækja. EBITA Símans var 3,5 milljarðar
fyrstu sex mánuðina. Verði hún 7 milljarðar
á öllu árinu gefur það verðmat upp á 63
milljarða.
Í HVAÐ FARA SÍMA-PENINGARNIR?
Auðvitað eru allir farnir að rífast um það
hvernig best sé að eyða peningunum sem
fengust fyrir Símann. „Greiða niður skuldir“,
segja hagfræðingar til að létta frekar á
vaxtabyrði ríkissjóðs. Aðrir vilja Sundabraut
og hátæknisjúkrahús. Það var einmitt Davíð
Oddsson utanríkisráðherra sem fyrstur kom
með hugmyndina um að setja féð í eitt stórt
nýtískulegt hátæknisjúkrahús. Það verður
vafalaust lítill vandi að eyða þessu fé, ekki
satt?
2. ágúst
Friðrik kaupir
TM Software
Um leið og til-
kynnt var um
uppstokkunina
á Burðarási og
sameiningu
Burðaráss og
Straums var
tilkynnt að Frið-
rik Jóhannsson,
forstjóri félags-
ins, væri að hætta, enda hefði
hann keypt meirihluta (52,3%)
í TM Software af Burðarási og
Brú Venture Capital og ætlaði að
einbeita sér að því fyrirtæki. TM
Software er hugbúnaðarfyrirtæki
og hét áður Tölvumyndir. Friðrik
tekur þar sæti sem stjórnarfor-
maður. Nafni hans Sigurðsson er
forstjóri félagsins. Saman eiga
þeir tveir um 69% hlutafjárins.
4. ágúst
Nýr forstjóri
Dagsbrúnar
Það fór fyrir brjóstið á mörgum
þegar sagt var frá skipulagsbreyt-
ingum í kringum Og Vodafone og
að Eiríkur S. Jóhannsson tæki við
forstjórastöðu nýs móðurfélags
Og Vodafone
sem héti
Dagsbrún.
Það var auð-
vitað nafnið
Dagsbrún
sem menn
stöldruðu
við. Fannst
sumum
sem óþarfi væri að koma með
þetta nafn þar sem Dagsbrún
væri fyrst og fremst í hugum
þjóðarinnar Verkamannafélagið
Dagsbrún. Einhver spurði: Verður
Eiríkur formaður Dagsbrúnar,
eins og Guðmundur Joð og Ebbi
á Litlu-Brekku? Fjarskiptarekstur
Dagsbrúnar verður undir heit-
inu Og Vodafone og þar hefur
Árni Pétur Jónsson verið ráðinn
forstjóri. Fjölmiðlarekstur Dags-
brúnar verður undir heitinu 365
miðlar og þar er Gunnar Smári
Egilsson forstjóri.
4. ágúst
Danskir og sænskir
takast á í Össuri
Stærstu hluthafarnir í Össuri hafa
aukið hluti sína í fyrirtækinu að
undanförnu - svo að eftir hefur
verið tekið. Þetta byrjaði á því að
4. ágúst jók danska fjárfestinga-
félagið William Demant Invest
Jón Sveinsson, formaður einkavæðinganefndar, og Erlendur Hjaltason, framkvæmdastjóri Exista,
takast í hendur þegar niðurstaðan í útboðinu lá fyrir og að Skipti væri með hæsta tilboðið.
Friðrik Jóhanns-
son, stjórnar-
formaður TM
Software.
Eiríkur S.
Jóhannsson,
forstjóri Dags-
brúnar.