Frjáls verslun - 01.07.2005, Blaðsíða 24
24 F R J Á L S V E R S L U N • 7 . T B L . 2 0 0 5
að daga sig út úr þeim samningaviðræðum eftir margra mánaða
vinnu.
Baugsmálið er flókið. Baugur er tjónþoli og hinir ákærðu, þ.e. for-
svarsmenn og endurskoðendur Baugs og Gaums, eru sakaðir um að
hafa valdið Baugi fjárhagslegu tjóni. Á sama tíma benda Baugsmenn
á að staða Baugs Group hafi aldri verið sterkari.
Í yfirlýsingu sem stjórn Baugs Group sendi frá
sér segir m.a.: „Staða Baugs Group er sterkari en
nokkru sinni fyrr. Hjá félaginu og tengdum fyrir-
tækjum starfa 51 þúsund starfsmenn í nokkrum
löndum, hreinar eignir þess nema 480 milljörðum
króna hinn 31. desember 2004 og heildarvelta 866
milljörðum króna.“
Þá segir ennfremur í yfirlýsingunni: „Baugur
Group, í samstarfi við aðra, hefur tekið yfir rekstur
samtals 13 fyrirtækja erlendis frá því að lögregluyfir-
völd hófu rannsókn sína í ágúst 2002. Nemur heildarverðmæti þeirra
viðskipta 25,9 milljörðum króna. Þar að auki hefur félagið fjárfest
fyrir 50,4 milljarða króna í Bretlandi, Íslandi og Danmörku.“
ENGIR „HLUTLAUSIR SÉRFRÆÐINGAR“
Engir „hlutlausir sérfræðingar“ í reikningshaldi og skattalögum hafa
fengist til að tjá sig um einstök ákæruatriði í Baugsmálinu við fjöl-
miðla. Það bendir til þess hve erfitt og flókið þetta mál er.
Lögfræðiálit, sem forráðamenn Baugs hafa óskað eftir, hafa hins
vegar verið birt í fjölmiðlum. Lögmannsstofa Hreins Loftssonar,
stjórnarformanns Baugs, fékk Jónatan Þórmundsson, prófessor í
refsirétti við Háskóla Ísland, til að taka saman álitsgerð um málið.
Álit Jónatans var birt í fjölmiðlum 2. júlí, eða daginn eftir að
ákærurnar voru gefnar út. Jónatan kemst að þeirri niðurstöðu að
málatilbúnaður ákæruvaldsins á hendur sexmenningunum byggðist
á veikum forsendum og að varnir þeirra væru vænlegar.
Jónatan segir m.a. í álitsgerð sinni: „Lögreglurannsókn efna-
hagsbrotadeildar ríkislögreglustjóra hefur nú staðið stanslaust,
eftir því sem látið er í veðri vaka, allt frá 28. ágúst 2002 án þess að
sakborningum hafi verið gerð formleg grein fyrir gangi málsins og
hugsanlegum rannsóknarlokum.
Þótt margt sé óljóst um umfang og eðli þessarar lögreglu-
rannsóknar, gagnsemi hennar og líklegan
árangur, má þó fullyrða að hún tekur sífellt á
sig nýjar myndir með nýjum sakarefnum, jafn-
óðum og eldri sakarefni eru skýrð eða hrakin
af hálfu Baugs Group hf., stjórnenda félags-
ins, lögfræðinga og endurskoðenda,“ segir í
áliti Jónatans.
CAPCON-ARGEN LTD.
Í kjölfar birtingar ákærunnar í sumar fékk
Baugur breska lögfræðifyrirtækið Capcon-Argen Ltd. til að fara
ofan í ákæruatriðin og sagði aðalhöfundur hennar, Deidre Lo, á
fundi með fréttamönnum nokkrum klukkustundum áður en málið
var dómtekið hinn 17. ágúst, að eðlilegar skýringar væru á öllum
atriðum í ákærunum sem snúa að sakborningunum.
Í skýrslunni er ekki tekin afstaða til sektar eða sýknu þeirra.
Fram kom á fundinum að Deidre Lo hefði aldrei kynnst viðlíka
máli í rannsóknum sínum. Capcon-Argen Ltd. vann skýrsluna fyrir
Baug á fimm vikum og fékk aðgang að öllum málsskjölum.
Það hefur vakið athygli allra hvað Baugsmenn hafa rekið mik-
inn áróður fyrir því að málið sé sprottið undan rifjum Davíðs
Oddssonar. Þannig svaraði Jóhannes Jónsson fréttamönnum eftir
þingfestingu málsins að hann væri sannfærður um sakleysi sak-
borninga: „98% þjóðarinnar eru okkur sammála í því.“
Hann bætti síðan við: „Ég veit hvað þarna býr að baki,“ og vís-
aði þar enn og aftur til aðdraganda kærunnar.
Baugsmálið er eitt af
viðamestu dómsmálum á
Íslandi og örugglega ann-
að af tveimur umfangs-
mestu dómsmálum í
íslenskri viðskiptasögu.
Deidre Lo, lögfræðingur breska
lögfræðifyrirtækisins Capcon-
Argen Ltd., á fundi með frétta-
mönnum: „Eðlilegar skýrar eru
á öllum atriðum í ákærunni sem
snúa að sakborningum.“
B A U G S M Á L I Ð D Ó M T E K I Ð