Frjáls verslun - 01.07.2005, Blaðsíða 45
F R J Á L S V E R S L U N • 7 . T B L . 2 0 0 5 45
S A M G Ö N G U R
Áætla má að tekjur ríkisins af bifreiðum og notkun þeirra muni nema ríflega 40
milljörðum króna í ár, sem er um 8 milljarða
aukning milli ára. Þetta er mat Runólfs Ólafs-
sonar framkvæmdastjóra Félags íslenskra
bifreiðaeigenda, sem segir félagið ekki
gagnrýna skattheimtu af bifreiðum ef þeim
fjármunum sem þannig aflast sé varið til vega-
framkvæmda eða annars þess sem til heilla
horfi fyrir bifreiðaeigendur. Raunin sé hins
vegar alls ekki sú.
„Í ár er 13 milljörðum króna varið til Vega-
gerðarinnar. Umferðarstofa og lögreglan fá
sitt en í öllu falli er þó ljóst að tekjur ríkisins
af bifreiðum eru margfalt meiri en útgjöldin.
Því teljum við hjá FÍB að bæði sé talsvert
svigrúm til að lækka álögur á okkar fólk og
sömuleiðis fara í auknar vegaframkvæmdir,“
segir Runólfur.
Þumalputtareglan segir að af verði hvers
bensínlítra renni 60% til ríkissjóðs. Þar er átt
við bensíngjald, vörugjald og virðisaukaskatt.
Bensínlítrinn kostar þegar þetta er skrifað
tæpar 114 krónur í sjálfsafgreiðslu og hefur
hækkað umtalsvert í ár. Segir sig þá sjálft að
tekjur ríkissjóðs aukast í stíganda við annað,
þegar vaskurinn á bensín er hlutfall af öðru
en ekki föst tala. Þá voru á fyrstu sjö mán-
uðum þessa árs fluttir til landsins 11.500 nýir
bílar, ámóta margir og allt árið í fyrra. Þetta
skilar sínu inn í ríkissjóð. Þá eru hér ótalin bif-
reiðagjöld og ýmsir neysluskattar á varahluti
og rekstrarvörur.
„Skattheimtan á bifreiðaeigendur er langt
umfram það sem eðlilegt getur talist,“ segir
Runólfur Ólafsson. Hann segir tölur um mikið
slit flutningabíla á vegum landsins gefa tilefni
til að ætla að skattlagning á þær bifreiðar sé
ekki í samræmi við notkun þeirra á vegakerf-
inu og að eigendur einkabíla séu látnir niður-
greiða herkostnaðinn. Það sætti FÍB sig ekki
við og vilji breytingar.
RUNÓLFUR ÓLAFSSON, FRAMKVÆMDASTJÓRI FÍB:
Tekjur ríkisins af bifreiðum 40 milljarðar
Runólfur Ólafsson, framkvæmdastjóri FÍB.
VISSIR ÞÚ...