Frjáls verslun - 01.07.2005, Blaðsíða 78

78 F R J Á L S V E R S L U N • 7 . T B L . 2 0 0 5
Edda Rós Karlsdóttir hjá greiningardeild
Landsbankans hélt til Glasgow í Skotlandi í
sumar. Með í för voru 29 stúlkur í 4. flokki
kvenna í Fylki, tveir þjálfarar og þrír aðrir
foreldrar. Stúlkurnar eru 13 og 14 ára. Ein
þeirra er dóttir Eddu Rósar. Dvalist var í
Skotlandi í viku.
„Þetta var frábær ferð. Stelpurnar æfðu
á frábærum velli og var grasið eins og á
golfvelli. Ég fylgdist með æfingum og hafði,
ásamt hinum foreldrunum, umsjón með stelp-
unum. Það var gaman að upplifa hvernig
samskipti stelpnanna eru og hvernig þær
bregðast við ólíkum uppákomum.“
Hópurinn fór einn daginn til Edinborgar og
skoðaði m.a. kastalann. Þá var farið í tívólí,
á Rangers-fótboltaleik og í verslanir. „Stelp-
urnar voru með ákveðna upphæð og þær voru
ótrúlega hagsýnar. Þetta voru litlir peningar
en þær sýndu hæfileika í að láta þá endast.“
Edda Rós fór líka norður á Siglufjörð í
sumar þar sem dóttirin keppti í fótbolta og
upp á Akranes þar sem sonur hennar, sem
er sjö ára, keppti í fótbolta. Yngsta barnið er
að verða tveggja ára og býst Edda Rós við
að fara í keppnisferðir til Siglufjarðar til ársins
2016.
Hún á enn eftir nokkrar vikur af sumarfrí-
inu. Fjölskyldan ætlar til Kanaríeyja um jólin.
„Ég verð fertug 29. desember og eru vinir og
félagar velkomnir í afmælið.“
ÚR EINU Í ANNAÐ
Guðný Harðardóttir, fram-
kvæmdastjóri STRÁ MRI og
eigandi fyrirtækisins, segir að í
vinnunni leggi hún áherslu á að
vera vel klædd og snyrtileg til
fara. Heima er hún yfirleitt í ein-
hverju léttara, s.s. gallabuxum
og bol, og hvað hestamennsk-
una áhærir þá eru það auðvitað
reiðfötin.
„Ég vel umfram allt vand-
aðan fatnað og gæði og vil að
mér líði vel í þeim fatnaði sem
ég klæðist þannig að efnið
skiptir máli. Ég geng m.a. í
buxnadrögtum, síðbuxum og
peysum, pilsum og peysum
eða blússum. Ég fell aðallega
fyrir jarðlitum og svörtum eða
ljóslitum fatnaði og er hrifin af
m.a. silki, kasmírull, leðri og
feldum.“
Guðný kaupir fatnað sinn
helst í útlöndum auk þess að
versla í betri verslunum hér á
landi. Hún segir að sér finnist
almennt ekki gaman að versla
en detti frekar niður á eitthvað
þegar svo ber undir.
„Ég er mikið fyrir fylgihluti
og vel hluti sem fást ekki hér
heima, s.s. skó og veski. Ég
geng í háhæluðum skóm í
vinnunni og við betri tækifæri
en í þægilegri skófatnaði í
frístundum. Ég er hrifin af stíl-
hreinum fatnaði sem ég get
bætt upp með fallegum skart-
gripum, beltum eða öðrum fylgi-
hlutum.“
„Það var gaman að upplifa hvernig samskipti stelpnanna eru og hvernig þær bregðast við
ólíkum uppákomum.“
Sumarfríið:
FERÐ MEÐ 4. FLOKKI
„Ég er hrifin af stílhreinum fatnaði sem ég get bætt upp með
fallegum skartgripum, beltum eða öðrum fylgihlutum.“
Stíll stjórnandans:
VANDAÐUR FATNAÐUR OG GÆÐI