Frjáls verslun - 01.07.2005, Page 63

F R J Á L S V E R S L U N • 7 . T B L . 2 0 0 5 63
S É R S T Æ T T D E I L U M Á L
Hver er Andri Teitsson?
Andri Teitsson er fæddur á aðfangadag jóla árið 1966.
Hann er af Brekkunni á Akureyri, sonur Teits Jóns-
sonar tannlæknis og sérfræðings í tannréttingum og
Valgerðar Magnúsdóttur sálfræðings, sem um nokkurra
ára skeið gegndi starfi félagsmálastjóra á Akureyri.
Andri lauk stúdentsprófi frá MA árið 1986 og fór þá
til náms í vélaverkfræði við Háskóla Íslands. Því námi
lauk hann 1990 og framhaldsgráðu frá Stanfordháskóla
í Kaliforníu í Bandaríkjunum ári síðar.
Að námi loknu snéri hann til starfa á heimaslóðum
á Akureyri, var ráðgjafi hjá Kaupþingi Norðurlands og
seinna viðskiptastjóri á fyrirtækjasviði Íslandsbanka á
Akureyri.
Um fimm ára skeið var Andri framkvæmdastjóri
Þróunarfélags Íslands og átti á sama sæti í stjórnum
ýmissa fyrirtækja. Undir lok árs 2002 var hann ráðinn
framkvæmdastjóri Kaupfélags Eyfirðinga og kom til
starfa á vordögum 2003. KEA hefur í dag sjálft ekki
neina atvinnustarfsemi með höndum, en tekur þátt í
fjölda fjárfestingaverkefna sem hafa að markmiði að
styrkja byggð á Norðurlandi.
Eiginkona Andra er Auður Hörn Freysdóttir, sem
einnig á rætur sína á Akureyri. Saman eiga þau fjögur
börn - og tvíburar eru væntanlegir í heiminn í haust og
þeirra vegna er Andri á leið í fæðingarorlof, sem aftur
varð undirrótin að brotthvarfi hans frá KEA.
„Ég er mikill fjölskyldumaður og tek fjölskyldulífið
fram yfir flest annað,“ sagði Andri í viðtali við Morg-
unblaðið fyrir tæpu ári og óhætt er að segja að þessi
ummæli hans hafi fengið nýtt og meira inntak í ljósi
starfslokanna, sem hrundu af stað einu sérstæðasta
deilumáli nýliðins sumars.
Andri Teitsson. Akureyringur í húð og hár, vélaverkfræð-
ingur sem hefur alla tíð starfað í fjármálaheiminum.
„Há laun æðstu stjórnenda í fyrir-
tækja eru yfirleitt varin með því
hve mikla ábyrgð þeir bera. Í þeim
greiðslum getur líka falist umbun
fyrir að helga sig starfinu fullkom-
lega. Því er í mínum huga fullkom-
lega óeðlilegt að menn geri bæði
kröfu til þeirra félagslegu réttinda
sem fólkið á gólfinu hefur og til hárra
launa. Mér finnast kröfur um slíkt í
raun vera kjánalegar,“ segir Tryggvi
Þór Herbertsson, forstöðumaður
Hagfræðistofnunar Háskóla Íslands.
Hann bendir á að starfsumhverfi
íslenskra fyrirtækja sé orðið mjög
„dínamískt“. Við slíkar aðstæður sé
mikilvægt að stjórnendur séu sveigj-
anlegir í starfi. Gefi sig alla í starfið
og séu sveigjanlegir. Standi meðan
stætt er.
„Menn í stjórnunarstörfum geta
ekki labbað út klukkan fimm og
sagt vinnudeginum lokið. Slökkt á
gemsanum og verið áhyggjulausir.
Farið síðan í fimm vikna sumar-
leyfi. Þeir þurfa að gefa sig alla í
starfið. Fá greitt samkvæmt því, en
afsalar sér þá um leið ákveðnum
réttindum,“ segir Tryggvi, sem bætir
því við að laun stjórnenda séu í dag
orðin í takt við alþjóðleg viðmið.
Þetta eigi ekki síst við í íslenskum
fjármálafyrirtækjum með alþjóðlega
starfsemi. Þá segir hann það liggja í
augum uppi að fólk í einyrkjastörfum
geti illa vikið frá verkefnum sínum í
kannski hálft ár, verið í fæðingaror-
lofi og ætlað síðan að taka þráðinn
upp að nýju þar sem frá var horfið.
Í öllu falli sé ljóst að með slíku
minnki framleiðni og þá séu lægri
laun eðlileg afleiðing.
TRYGGVI ÞÓR HERBERTSSON
Tryggvi Þór Herbertsson hagfræð-
ingur: „Þú þarft að gefa þig allan í
starfið. Færð greitt samkvæmt því,
en afsalar þér þá um leið ákveðnum
réttindum.“
GUÐNÝ HARÐARDÓTTIR
eignast börn síðan lögin voru sett árið
2000, en ég hef ekki til þessa séð nein
dæmi lík því sem kom upp á Akureyri.“
Samkvæmt lögum er hægt að nýta
sér réttinn til fæðingarorlofs á allt að
átján mánaða tímabili. Það hafa ýmsir
stjórnendur raunar gert, vitandi að sam-
felld fjarvera um langan tíma sé illa
samrýmanleg þeim starfsskyldum sem
þeir hafa tekist á hendur. Nýbakaðir for-
eldrar í stjórnunarstörfum taki orlof sitt
alla jafna út með því að vera frá vinnu
fáeinar vikur, daga eða mæti þá til
vinnu hluta úr degi.
„Við höfum tekið að okkur að ráða
millistjórnendur fyrir fyrirtæki, tíma-
bundið, það er til að leysa af í fæðing-
arorlofi eða í öðrum sambærilegum
tilvikum. Að bjarga málum þannig er
hins vegar aldrei auðvelt og tel ég
möguleikana á að ráða lykilstjórnanda
tímabundið, síst auðveldari,“ segir
Guðný Harðardóttir.
„Jafnframt er vert að benda á að
þeir sem hafa metnað til að ráða sig
og takast á við lykilstörf við stjórnun
eru að taka við ábyrgð, fá laun í takt
við það og því væntanlega meðvitaðir
um gildi viðveru sinnar í starfi. Þeir sem
ráða sig í hálaunaðar stjórnunarstöður
eru líkast til tilbúnari en aðrir að fórna
einhverju á móti.“