Frjáls verslun - 01.08.2006, Qupperneq 46

46 F R J Á L S V E R S L U N • 8 . T B L . 2 0 0 6
samræmi við viðhorf sem oft heyrist, að námseinkunnir eins
og þær eru gefnar, segi ákaflega takmarkaða sögu um vænt-
anlegan árangur á vinnumarkaði.
Konurnar frekar í gallabuxum en karlar Töluverður munur
er á kynjum hvað þetta varðar. Aðeins einn af hverjum fimm
karlstjórnendum (19%) ganga í gallabuxum í vinnunni en
tæplega helmingur (46%) kvenna. Ein sennileg skýring gæti
verið að karlmenn kjósi hefðbundin jakkaföt sem vinnuföt,
en konur njóta meira frjálsræðis í klæðaburði. Þó er áhuga-
vert að eftir því sem menntunarstigið hækkar eru gallabuxur
síður hluti af vinnuklæðnaði stjórnandans. Einn af hverjum
fimm stjórnendum hjá hinu opinbera notar gallabuxur í
vinnunni en þriðji hver stjórnandi í einkageiranum.
Stjórnendur kaupa föt sín erlendis Þriðji til fjórði hver
karlkyns stjórnandi kaupir föt sín erlendis. Val á verslunum
var ólíkt eftir því hvort menn störfuðu í einkageiranum eða
þeim opinbera. Lítið brot (4%) þeirra sem svara í einkageir-
anum nefna verslanir í ódýrari kantinum (Dressmann og
verslun Guðsteins Eyjólfssonar) en fimmti hver (19%) sem
svarar í opinbera geiranum. Hins vegar er mun hærra hlut-
fall stjórnenda í einkageiranum sem kaupir föt sín í dýrari
verslunum (Sævari Karli, Herragarðinum og Boss, Kringl-
unni). Stjórnendur í einkageiranum virðast kjósa dýrari föt
og leggja ívið meiri áherslu á vandaðan klæðnað.
Það kom bersýnilega í ljós að konurnar kaupa föt sín
frekar erlendis en á Íslandi. Tæplega helmingur þeirra sem
svöruðu kaupa fötin erlendis. Þetta háa hlutfall stjórnenda
sem kaupir föt erlendis gæti verið vísbending um að mark-
aðurinn byði ekki upp á nægilegt úrval af fínum fötum fyrir
æðstu stjórnendur.
Íslenski stjórnandinn vinnur mikið Segja má að fengist
hafi staðfesting á margumræddri íslenskri vinnumenningu.
Hún er iðulega borin saman við nágrannaríki okkar sem
leggja meiri áherslu á fjölskylduvænt þjóðfélag en þekkist
hér á Fróni. Sú staðreynd er athyglisverð að sjö af hverjum
tíu eru sammála því að þeir verði oft að setja vinnuna ofar
fjölskylduaðstæðum, og því til viðbótar eru tveir af tíu sem
geta ekki tekið afstöðu með eða á móti. Átta af hverjum tíu
(80%) segjast hugsa um vinnuna þegar þeir eiga frí og nánast
sama hlutfall segir að þeim líði eins og þeir eigi aldrei frí. Er
hinn íslenski stjórnandi giftur vinnunni sinni?
Til samanburðar svara fjórir af hverjum tíu dönskum
stjórnendum því játandi að oft verði þeir að setja vinnuna
ofar fjölskylduaðstæðum eða einkalífi. Kannski kemur hér
í ljós skyldleiki okkar við Dani, en nákvæmlega jafn hátt
hlutfall (78%) af íslenskum stjórnendum og dönskum
hugsa um vinnuna þegar þeir eru í fríi. Þegar sett er fram
fullyrðingin „mér líður eins og ég sé aldrei í fríi“ eru svörin
ólíkari. Þriðji hver (31%) íslenskur stjórnandi er sammála
þessari fullyrðingu en helmingi færri (15%) þeirra dönsku.
Ef þetta er viðhorf meðal stjórnenda, er ekki eðlilegt að mat
þeirra á starfsmönnum litist af því? Ef starfsmaður finnur
að þau viðmið sem hann er dæmdur eftir eru á þennan
veg, er ekki eðlilegt að viðkomandi reyni eftir fremsta
megni að uppfylla þær kröfur sem stjórnandi hans setur? Er
S T J Ó R N U N
LAUNASKIPTING EFTIR KYNI:
HEILDARLAUN Á MÁNUÐI, FYRIR SKATT
Það kom á óvart að stjórnendur vilja frekar
gefa upp laun sín en stjórnmálaskoðanir.
LAUNAUPPHÆÐ:
HVER ERU ÞÍN HEILDARLAUN Á MÁNUÐI, FYRIR SKATT?