Frjáls verslun - 01.08.2006, Qupperneq 50

50 F R J Á L S V E R S L U N • 8 . T B L . 2 0 0 6
hærri en 820.000 og önnur 3% hafa hærri mánaðarlaun
en eina milljón. Til samanburðar hefur ríflega helmingur
(52%) íslenskra stjórnenda hærri laun en 700.000 kr.
á mánuði, ríflega þriðji hver (36%) hærri laun en eina
milljón á mánuði.
Upplifun launa Ríflega helmingur íslenskra stjórnenda
telur sig vera að fá sanngjörn laun fyrir framlag sitt en
tæpur helmingur telur þau of lág eða allt of lág, þó eru
aðeins 7% þeirra sem taka það djúpt í árinni að telja sín
laun allt of lág. Þegar spurt er hvernig þeim finnst laun sín
í samanburði við aðra stjórnendur í svipaðri stöðu telur
ríflega helmingur þau of lág, 44% segir þau sanngjörn en
1% telur þau of há. Tölurnar breytast svo töluvert þegar
spurt er hvort þeim finnist laun sín sanngjörn miðað við
laun annarra starfsmanna fyrirtækisins. Þar telja tæplega
70% launin sanngjörn en 30% að þau séu of lág.
Niðurstaða þessa samanburðar er sú að því hærri laun
sem stjórnendur hafa, því fremur finnst þeim laun sín
sanngjörn miðað við aðra starfsmenn fyrirtækisins. Aðeins
28% stjórnenda með lægstu launin samkvæmt okkar skala
telja laun sín sanngjörn miðað við aðra starfsmenn fyr-
irtækisins. Þetta hlutfall hækkar svo jafnt og þétt þannig að
92% þeirra sem hafa meira en 1½ milljón í mánaðarlaun
telja launin sanngjörn samanborið við aðra starfsmenn.
Svipaða sögu er að segja þegar spurt er um viðhorf til launa
samanborið við aðra stjórnendur í sambærilegum stöðum
eða miðað við eigið vinnuframlag. Því hærri sem launin
eru, því sanngjarnari telja þeir stjórnendur þau vera og að
sama skapi þegar launin eru lægri eru því fleiri sem telja þau
of lág samanborið við aðra starfsmenn, aðra stjórnendur í
sambærilegum stöðum og miðað við eigið vinnuframlag.
Íslenski stjórnandinn er sjálfstæðismaður Um 64%
stjórnenda í einkageiranum styðja Sjálfstæðisflokkinn,
en nánast helmingi færri í opinbera geiranum (34%).
Samfylkingin hefur næstmesta fylgið (11%). Öfugt við
Sjálfstæðisflokkinn sækir Samfylkingin meira fylgi til hins
opinbera en einkageirans. Framsóknarflokkurinn hefur
aðeins tæp 5% meðal íslenskra stjórnenda. Vinstri hreyf-
ingin grænt framboð einungis ríflega 1% og Frjálslyndi
flokkurinn mælist ekki. Einnig ber að geta þess að hlutfall
þeirra sem kjósa að svara ekki þessari spurningu er mjög
hátt miðað við aðrar spurningar. Þriðji hver kaus að svara
ekki þessari spurningu og ríflega 3% til viðbótar vildu
ekki nefna neinn ákveðinn flokk sem sinn. Segja má að
vinsældir Sjálfstæðisflokksins séu eðlilegar og ættu ekki að
koma á óvart þegar horft er til vinsælda Davíðs Oddssonar.
Þó kom það aðeins á óvart að stjórnendur vilja frekar gefa
upp laun sín en stjórnmálaskoðanir.
S T J Ó R N U N
VINNUVIKA:
SAMANBURÐUR Á VINNUTÍMA KVENNA OG KARLA