Frjáls verslun - 01.08.2006, Side 196
196 F R J Á L S V E R S L U N • 8 . T B L . 2 0 0 6
– Hvert álítur þú vera hlutverk forstjóra?
„Hann þarf að hafa skýra sýn á hvert halda skuli! Forstjóri
þarf að hafa útgeislun, hæfileika til að hrífa fólk með sér,
hæfileika til að fá gott fólk til vinnu og þarf auðvitað að
skila árangri. Þetta með skýra sýn skiptir miklu máli – og
já, leiðtogi þarf einfaldlega að leiða.“
– Hvernig ferðu sjálfur að sem stjórnandi?
„Ég er fyrst og fremst „hands on“-stjórnandi. Ég reyni
að útskýra rækilega fyrir samstarfsfólki
mínu hvað sé í veltunni og ýta undir
umræður því ég trúi mest á sameig-
inlegar ákvarðanir – það tekur hins
vegar tíma að þoka slíku ferli áfram. Ég
leitast við að skýra rækilega hverju ég
sækist eftir og hvert ég stefni svo allir
geri sér rækilega grein fyrir hverju þeir
eigi að koma í verk.
Skrifstofan mín er alltaf opin, ég
þoli ekki að vinna bak við luktar dyr
og leitast við að láta samstarfsmenn
mína finna að ég sé innan seilingar og
vilji styðja við árangur sem þeir stefna
að. Þess vegna legg ég ekkert upp úr að
vera með skrifborð á einum stað heldur
fer á milli og reyni að vera nálægur. Ég
hef líka strangt eftirlit með þeim mark-
miðum sem við setjum okkur og geng
eftir að ákvörðunum sé fylgt og settum
markmiðum náð. Það dugir ekki bara
að setja sér takmark, heldur þarf að sjá
til þess að þau náist.“
– Útlendingar sem vinna hjá
íslenskum fyrirtækjum segja gjarnan
að Íslendingar séu góðir í að fá hug-
myndir og koma hlutunum á flot en
síðri í eftirfylgni. Er þetta þín reynsla?
„Nei, alls ekki. Þetta á ekki við um þá Íslendinga sem ég
hef starfað með.“
– Þú einbeitir þér greinilega bæði inn á við í fyrirtækinu
og út á við í samskiptum við viðskiptavini. Hvernig sam-
hæfir þú þetta tvennt?
„Ég reyni almennt að kynnast fólki, hvort sem það er sam-
starfsfólk eða viðskiptavinir. Eins og ég nefndi er ég tvo
daga á mánuði með hverju stjórnunarteymi, ég einbeiti
mér þá að staðreyndum en gef mér líka tíma til að fara út
að borða með fólki og tala um eitthvað annað en bara fyrir-
tækið. Þetta er mín nálgun.
Sama er með viðskiptavinina – ég þekki alla stærstu
viðskiptavini okkar á verslunarsviðinu, funda með stjórn-
endum Tescos og öðrum sem við skiptum við. Ég hef
tröllatrú á því að rækta vel tengsl við viðskiptavini. Það
dugir skammt að vera með bestu vörurnar ef maður hefur
ekki gott samband við viðskiptavinina – það verða aldrei
nein almennileg viðskipti ef þetta vantar.“
– Nú hefurðu verið stjórnandi í átján ár svo að tíminn
hefur kannski verið takmarkaður í
annað en vinnu, en hvað gerirðu þegar
þú ert ekki í vinnunni?
„Ég er svo heppinn að búa við ham-
ingjuríkt fjölskyldulíf og stærsta gleðin
eru börnin fjögur, tvær dætur og tveir
synir. Þrjú þau elstu eru flutt að heiman,
eru í viðskiptafræði, lyfjafræði og lækn-
isfræði, en yngsti strákurinn er þrettán
ára og er einn eftir heima.
Sameiginlega áhugamálið eru
íþróttir. Ég spila golf við krakkana en
hleyp líka, hleyp tólf km einu sinni
eða tvisvar í viku, fer á skíði á veturna
eða öllu heldur snjóbretti – miklu
skemmtilegra! Tengdaforeldrar mínir
eiga hús á Bretagne og þar nýtur
fjölskyldan þess að koma saman. Ég
og konan mín ákváðum í upphafi
að hún yrði heima og sinnti börn-
unum. Okkur finnst það hafa verið
góð ákvörðun.“
– Og þú gerir eins og pabbi þinn:
talar ekki um vinnuna heima fyrir?
„Já, reyndar. Ég er ekkert að ræða
umhugsunarefnin úr vinnunni heima
fyrir, skil vinnuna eftir í vinnunni.
Elsta dóttir mín hefur reyndar mikinn
áhuga á markaðsfræðum en ég er ekki viss um að sá áhugi
sé frá mér kominn!“
– Hvert stefnir hugurinn helst þegar þú ferð í frí?
„Þegar ég var ungur þurfti ég að sinna herskyldu og þá var
annaðhvort að fara í sjálfan herinn eða sinna borgaralegri
vinnu sem fólst þá í því að vera embættismaður. Ég valdi
hið síðara, var sendur í franska sendiráðið í Hanoi og var
menningarfulltrúi þar í eitt og hálft ár. Þá uppgötvaði ég
Asíu, lönd eins og Víetnam og Kína, og ég er enn heill-
aður af þessum heimshluta, bæði fólkinu og menningunni
þarna.“
V I Ð T A L V I Ð X A V I E R G O V A R E , F O R S T J Ó R A A L F E S C A
XAVIER GOVARE
Nafn: Xavier Govare.
Starf: Forstjóri Alfesca.
Aldur: 48 ára og fæddur í París.
Börn: Fjögur.
Nám: Viðskiptafræði í Lille.
Búseta: Býr í Suðvestur-
Frakklandi.
Ferill: Starfaði hjá Unilever og
Novartis áður en hann gerðist
markaðsstjóri Labeyrie. Hann varð
forstjóri þess árið 1999. Alfesca
keypti Labeyrie árið 2004.