Frjáls verslun - 01.08.2006, Page 211

F R J Á L S V E R S L U N • 8 . T B L . 2 0 0 6 211
Rudolph W. Giuliani, fyrrum
borgarstjóri í New York, á svið-
inu í Borgarleikhúsinu. Hann er
einstaklega líflegur og skemmti-
legur ræðumaður.
En þá var komið að Rudy Giuliani.
Hann sagðist hann hafa lært mest um leið-
togahæfileika af því að vinna með öðru fólki;
umgangast leiðtoga. Hann sagði að menn
fæddust ekki leiðtogar heldur tileinkuðu þeir
sér leiðtogahæfileika og þróuðu þá.
„Góðir leiðtogar setja sér og öðrum mark-
mið,” sagði Giuliani. „Leiðtogar er til þess
að setja markmið. Þeir vita hvað þeir vilja
og þeir vita nákvæmlega á hvað þeir trúa í
lífinu.“
Giuliani hafði sérstakt orð á því að Ronald
Reagan hefði verið góður leiðtogi og sagðist
hafa lært margt af honum þegar hann vann
fyrir hann. „Reagan vissi hvað hann vildi.
Hann hafði tvær stórar pólitískar skoðanir:
Að það þyrfti að óttast kommúnismann og
að velferðarkerfið í Bandaríkjunum, sem
komið var á í kreppunni miklu, væri of dýrt
og svifaseint.“
Hann fór mörgum orðum um að leiðtogar
yrðu að vera bjartsýnir og yrðu að halda ró
sinni á hverju sem gengi; þótt þeir yrðu að
vera fullir eldmóðs og drífandi. „Öðru vísi
fá leiðtogar ekki fólk til liðs við sig. Það
fylgir enginn neinum sem er neikvæður og
niðurdrepandi.“
F Y R I R L E S T U R